UMIKHA 3:2 - IsiNdebele 2012 Translation

² Kodwana nihloya ukulunga, nithanda ikohlakalo. Nirathula abantu bekhethu isikhumba nidabula inyamabo emathanjenabo.

UMIKHA 3:2 Iomraidhean Croise

1 AMAKHOSI 21:20

Kuthe u-Arhabi nabona u-Eliya wathi: “Sewungifumene-ke njalo sitha sami ndina!” Waphendula wathi: “Vele ngikufumene ngombana uzithengisile ngokwenza okumbi phambi kwakaSomnini.

2 IINKRONIKE 19:2

uJehu umboni, umsa kaRhanani waphuma wamhlangabeza wathi kuye: “Waphuma-ke wayokusiza iinkhohlakali, wazwana nabazonda uSomnini uZimu! Ngebanga lalokho itukuthelo kaSomnini iphezu kwakho.

AMARHUBO 15:4

Ngiloyo onyaza abaninwa nguZimu, kodwana ahloniphe abesaba uSomnini; ongephuli isifungo nanyana sibuhlungu,

AMARHUBO 53:4

Kodwana boke baphambukile, boke bonakele ngokufanako; akakho noyedwa owenza okulungileko, akakho ngitjho namunye.

IZAGA 28:4

Abalahla umthetho badumisa iinkhohlakali, kodwana abawugcinako balwisana nazo.

U-ISAYA 3:15

Nenzelelani bona nitshidlhe abantu bami nokobana nifihlize ubuso babachakileko na?” Watjho njalo uSomandla onguSomnini uMninimandlawoke.

U-ISAYA 5:20

Bazazizwa labo abathi ukonakala kulunga, ukulunga kukonakala, abenza ukukhanya inga bumnyama, ubumnyama inga kukhanya, ukubaba inga bumnandi, ubumnandi inga kubaba.

U-ISAYA 57:12

Mina ngizakudalula imisebenzakho nalokho okuthiwa kulunga kwakho! Abosingazimu bakho angeze bakubhadekela.

UHEZEKIYELI 11:7

Ngalokho nakhu okutjhiwo nguSomnini: Ababuleweko benu enababeka phakathi kwalo, ngibo abayinyama! Idorobheli liyimbiza kodwana nina ngizonikhupha ngaphakathi kwalo.

UHEZEKIYELI 22:27

Iinkhulu enarheni zinjengeempisi ezidabula inyamazana; zithulula iingazi bezibhubhise ukuze zizifunyanele inzuzo embi.

UHEZEKIYELI 24:4

Faka ngaphakathi kwayo izitho zenyama, iye, zoke izitho ezihle okutjho umlenze nomkhono bewuyizalise ngamathambo amahle,

UHEZEKIYELI 34:3

Nina nidla amanoni, nizembathisa ngezinoboya begodu nizihlabela ezinonileko emhlambini, kodwana anondli izimvu.

U-AMOSI 4:1

Lalelani lapha nina bafazi beSamariya, ngokunonakazi inga niziinkomo zeBhatjhani, nina enigandelela abantu abakhwahlileko benitshidlhe nabadududu, nithi emadodenenu “Thelani sisele!”

U-AMOSI 5:15

Zondani ubukhohlakali, nithande ukulunga, nithembeke emakhotho. Mhlamunye uSomnini uZimu uMninimandlawoke angaba nomusa kumisalela kaJosefa.

UMIKHA 2:8

Kodwana nina nibe sisitha sabantu bekhethu najamelana nabathanda ukuthula. Niwunawune abantu abazidlulela ngendlela abangananturhu namuntu benabahlubulisa, nathatha izambatho zabo.

UMIKHA 7:2

Kunjalo-ke ukufunana nomuntu olungileko enarheni nomuntu kaZimu phakathi kwabantu. Boke baqothele ukuphalaza iingazi, omunye nomunye uzumana nendlela yokugolana nomfowabo ngenede.

UMIKHA 7:3

Iinkhulu zakhona zamukela umlandu ngokukhongozela; abagwebi bakhupha iingwebo ngokufunjathiswa; ngitjho nomgwebi omkhulu akanabulilelo ugweba umathanda.

UZEFANIYA 3:3

Iinkhulu zalo zimabhubezi abhodlako, abagwebi balo baziimpisi ezikhwabitha ebusuku zirhiribidela zingalisi nanyana sele kusile.

ULUKASI 19:14

Kodwana abantu bakhe bebamhloyile, yeke bathumela abazenda ngemva kwakhe bona bayokuthi, ‘Asimfuni umuntu lo bona abe yikosethu.’

UJWANISI 18:40

Bamphendula ngetjhada elikhulu bathi: “Awa, ingasiyena! Sifuna uBharabhasi!” UBharabhasi bekasigebengu.

UJWANISI 7:7

Iphasi angekhe linihloye nina, kodwana lihloye mina ngombana ngifakaza bona izenzo zalo zimbi.

KWEBEROMA 1:32

Bayasazi isimiso sakaZimu sokobana labo abenza izinto ezinjalo bafanelwa kukufa, khonapho abazenzi kwaphela, kodwana bakwakwazela nalabo abazenzako.

KWEBEROMA 12:9

Ithando alibe ngelamambala; nyenyani ubumbi, nikakarele kokuhle.

2 UTHIMOTHI 3:3

abanganathando, abangavumi ukubuyisana, abahlebako, abangazigobiko, abakhohlakeleko, abahloye okuhle,