UMIKHA 3:11 - IsiNdebele 2012 Translation

¹¹ Abaphathi bakhona bagweba ngokudizelwa, abaphristi bakhona bafundisa ngokubhadelwa, nabaphorofidi bakhona baphorofidela imali. Bazisama ngoSomnini bathi: “Ngambala uSomnini uphakathi kwethu. Akunamatlhuwo angasehlela.”

UMIKHA 3:11 Iomraidhean Croise

IZAGA 17:23

Isikhohlakali sizithathela isifumbathiso ngencilini ukuphambanisa iindlela zomthetho.

U-ISAYA 1:23

Ababusi bakho bamahlubuka begodu babangani bamasela. Omunye nomunye uthanda ukufunjathiswa, ugijima ngemva kwezipho. Abasajameli iintandani nendaba yabahlolokazi ayisafiki kibo.

U-ISAYA 48:2

iye, labo abazibiza ngedorobho elicwengileko abazesame kuZimu ka-Israyeli, ibizo lakhe elinguSomnini uMninimandlawoke.

U-ISAYA 5:23

labo abatjhaphulula onomlandu ngokufunjathiswa bagodle ilungelo labalungileko.

U-ISAYA 56:11

Bazizinja ezinephango, abaneliswa lilitho. Kazi babelusi nabanjalo! Boke njalo abanangqondo, omunye nomunye uphendukela eendleleni zakhe iye, sebayafana barhubhela kesabo.

UJOROMIYA 23:17

Kilabo abanyaza ilizwi lakaSomnini banande bathi: “Nizakuba nokuthula.” Bese kabalandela ukukhunyalala kweenhliziyo zabo bathi: “Akunanto embi ezanehlela.”

UJOROMIYA 26:7

Abaphristi nabaphorofidi kanye nabo boke abantu bezwa uJoromiya akhuluma amezwi la ngethempelini lakaSomnini.

UJOROMIYA 5:12

Baphike uSomnini bathi: “Angekhe enze litho! Akunangozi ezasehlela, angeze sabona isabula namkha indlala.

UJOROMIYA 6:13

“Mbala, kusukela kabancani ukuya kabakhulu babo, boke banehliziyo ede ngenzuzo; ukusukela ebaphorofidini ukuya ebaphristini, boke benza ikohliso.

UJOROMIYA 7:4

Ningathembeli emazwini adurhisako athi: “Nanti-ke ithempeli lakaSomnini! Nanti-ke ithempeli lakaSomnini! Nanti-ke ithempeli lakaSomnini!

UJOROMIYA 8:10

Ngalokho abafazi babo ngizabapha amanye amadoda, amasimabo ngiwanikele abahluli. Mbala, kusukela kabancani ukuya kabakhulu, boke banehliziyo ede ngenzuzo; ukusukela ebaphorofidini ukuya ebaphristini, boke benza ikohliso.

UHEZEKIYELI 22:12

Ngaphakathi kwakho abantu bamukela ukufunjathiswa ukuze bathulule iingazi. Wena uzithathele inzuzo nenzalo bese uzenzela umvuzo ngokugandelela abantu bekhenu. Kodwana mina ungikhohliwe.’ ” Kutjho uSomnini uSomandla.

UHEZEKIYELI 22:27

Iinkhulu enarheni zinjengeempisi ezidabula inyamazana; zithulula iingazi bezibhubhise ukuze zizifunyanele inzuzo embi.

UHEZEKIYELI 34:2

“Ndodana yomuntu, phorofida ngokujamelana nabelusi bakwa-Israyeli, iye, phorofida ebalusinabo uthi, ‘Nakhu okutjhiwo nguSomnini uSomandla: Maye kini belusi bakwa-Israyeli enizondla nina kwaphela! Kanti akukameli bona umelusi ondle izimvu na?

UHOSIYA 4:18

Nasele basele, balala nengwadla. Bathokozela ikohlakalo yayo.

UHOSIYA 4:8

Bazondla ngezono zabantu bami, bathokoziswa kukonakala kwabo.

U-AMOSI 5:14

Funani ukulunga, nilise ubukhohlakali, nizakuphila! Yeke uSomnini uZimu uMninimandlawoke uzakuba nani, njengombana nani nisitjho.

U-AMOSI 9:10

Zoke izoni ezihlangana nabantu bami zizakubulawa ngesabula, boke labo abathi, ‘Abekunahlekelele ezasehlela nanyana itjhidele kithi.’ ”

UMIKHA 3:5

Utjho nje uSomnini ngabaphorofidi abakhohlisa abantu bekhethu: “Nabaphiwa esinefutha baphorofida bathi ‘Nizakuba nokuthula’, kodwana umuntu nakangabaphi abakufunako, bayamlwisa.

UMIKHA 7:3

Iinkhulu zakhona zamukela umlandu ngokukhongozela; abagwebi bakhupha iingwebo ngokufunjathiswa; ngitjho nomgwebi omkhulu akanabulilelo ugweba umathanda.

UZEFANIYA 3:3

Iinkhulu zalo zimabhubezi abhodlako, abagwebi balo baziimpisi ezikhwabitha ebusuku zirhiribidela zingalisi nanyana sele kusile.

UZEFANIYA 3:4

Abaphorofidi balo abazisi, bababantu abangathembekiko. Abaphristi balo basilaphaza okucwengileko begodu bephula umyalo.

UMALAKI 1:10

USomnini uSomandla uthi: “Sengathi omunye wenu angavala amasango wethempeli ukuze ningawuphembeli ilize umlilo e-aldarini lami! Angithokozi ngani. Nomnikelo ophuma ezandleni zenu angisazuwamukela.” Kutjho uSomnini uSomandla.

UMALAKI 2:9

“Nje-ke, mina ngizanenza nibe ngabadelelekileko nabanyazekako phambi kwabantu boke ngombana akhange nilonde iindlela zami, kunalokho nikhethe ukufundisa umyalo ngokukara abantu.”

UNUMERI 16:15

UMosi gade anyenye khulu; nje-ke wathi kuSomnini: “Somnini, ungawunaki umnikelwabo! Angikathathi ngitjho nodumbana kibo begodu akhange khe ngikhube noyedwa wabo.”

UNUMERI 22:7

Nje-ke abaphathi bakwaMowabi nebakwaMidiyani basuka baphethe isiliva yokuthukula ezandleni zabo. Bafika kuBhiliyamu, bambikela umlayezo kaBhalakhi.

UMATEWU 3:9

Ningadlumbani bona ningazitjela nithi, ‘Sino-Abrahamu njengobabethu’. Ngambala ngiyanitjela bona uZimu angavusela u-Abrahamu abantwana ngamatje la!

1 UTHIMOTHI 3:3

Angabi sidakwa nesilwi, kodwana abe ngozothileko nongananturhu, angabi ngothanda imali.

UTITOSI 1:11

Kufuze bathuliswe ngombana badanisa imindeni ngokufundisa okungakafaneli ngebanga lenzuzo embi.

1 UPITROSI 5:2

Yelusani umhlambi kaZimu eniwuphetheko, ingasi ngokugandelelwa, kodwana ngokuthanda kwehliziyo njengombana uZimu athanda bona nenze, ingasi ngenzuzo elihlazo, kodwana ngetjisakalo yokuzinikela.

UJUDA 1:11

Maye kibo, ngombana bakhamba endleleni kaKayini; bagijimela ekudukeni kwakaBhalami ngenca yomvuzo begodu babhubha ekuhlubukeni kwakaKora.

1 USAMYELA 8:3

Kodwana amadodanakhe la, akhange akhambe emtlhalenakhe. Aphendukela enzuzweni yobukhohlakali, arhuluphela ukufunjathiswa abe ahlanakela neengwebo.