UMIKHA 1:6 - IsiNdebele 2012 Translation

⁶ USomnini wathi: “Yeke ngizakwenza iSamariya ibe liqubi, ngisunduzele amatje emirhobeni, ngivumbulule iinsekelo zayo, ngiyenze umrhula nendawo yokutjala isidiribe.

UMIKHA 1:6 Iomraidhean Croise

2 USAMYELA 17:13

Nange kufumaneka bonyana sele angedorobheni elinemithangala, woke ama-Israyeli azakuletha iintambo bese abopha imithangala yedorobhelo ayirhurhulele ngemrhobeni kungasali ngitjho nebojana lawo.”

2 AMAKHOSI 18:10

Ekupheleni kweminyaka emithathu wayithumba. Njalo-ke iSamariya yathunjwa ngomnyaka wesithandathu wekosi uHezekhiya, okwakumnyaka wethoba kaHosiya ikosi yakwa-Israyeli.

2 AMAKHOSI 18:9

Ngomnyaka wesine wekosi uHezekhiya, okwakumnyaka wekhomba kaHosiya umsa ka-Ela ikosi yakwa-Israyeli, uTjhalimaneseri ikosi ye-Asiriya wasahlela iSamariya wayivimbezela.

2 AMAKHOSI 19:25

Awukezwa na? Ngakuhlela kade lokho. Ngakujamisa emihleni yekadeni, nje-ke ngikuphumelelisile, kobana amadorobho anemithangala, uwenze aba liqubi lewiliwili, iye, iinqorho zenyakanyaka.

U-ISAYA 17:1

Isimemezelo sakaZimu ngeDamaseku: “Qala, iDamaseku ayisazokuba yidorobho, izokuba liqubi leququ.

U-ISAYA 25:12

Imithangalakhe yokuzivikela ephakamileko, uSomnini uzoyibhuruza ayiwise, iye, ayigirize ilale ehlabathini, ibe lithuli.

U-ISAYA 25:2

Wenze idorobho laba liqubi leququ, idorobho elinemithangala laba marubhi, iye, isiphephelo sabatjhili asisese lidorobho begodu asisoze savuselelwa.

UJOROMIYA 31:5

Godu uzakutjala iindiribe eentabeni zeSamariya; abatjali bazakutjala bebabe ngebokuthoma ekugomeni iinthelo.

UJOROMIYA 51:25

“Qala, ngijamelene nawe, wena ntaba yomrhayili, wena orhayila iphasi loke.” Kutjho uSomnini. “Ngizakwelula isandla sami ngijamelane nawe, ngikuphosele phasi ekuzikeni, ngikwenze ube yintaba etjhisiweko.

UJOROMIYA 51:37

IBhabheli lizakuba siqorho samatje, idzaba leempungutjha, ibhudu nento yokurarekelwa, indawo engahlalwa mumuntu.

UJOROMIYA 9:11

USomnini uthi: “IJerusalema ngizayenza isiqorho samatje, idzaba leempungutjha; ngenze amadorobho wakwaJuda abe libhudu, ukuze kungabi nomuntu ohlala kiwo.”

ISILILO 4:1

Maye, igolide elidarhileko lifiphele, iye, igolidembala! Amatje acwengileko arhatjhekile emajikeni wazo zoke iindledlana.

UHEZEKIYELI 13:14

Ngizokubhuruza umthangala eniwusinde ngekaligi. Ngizowuwisela phasi kobana iinsekelo zawo zibe semtarini. Iye, idorobho lizakuwa, nina baphorofidi nibhubhele ngaphakathi kwalo! Nje-ke nizakwazi bonyana nginguSomnini.

UHOSIYA 13:16

ISamariya izazithwalela umlandwayo ngombana ihlubuke uZimayo. Abantu bazakubulawa ngesabula; abantwababo bazakuphihlizelwa ehlabathini, besifazana babo abasebantwini batlhatlhamululwe!

U-AMOSI 5:11

Kungebangelo nigandelela okhwahlileko benimkatelele bona aniphe amabele. Nakhe abobhazabhazakazi beenkumba zamatje nje, kodwana anizozihlala; nitjele iindiribe, kodwana anizolisela iwayini lakhonelo.

U-AMOSI 6:8

USomnini uSomandla wazifunga ngokwakhe, iye, uSomnini uZimu uMninimandlawoke wathi: “Ngiyakuhloya ukuzigqaja kwabantu bakaJakopo neengodlo zakhe ziyangikghabhudlha. Idorobheli ngizolinikelela ngezitha nakho koke kwalo.”

UMIKHA 3:12

Nje-ke, ngebanga lenu, iZiyoni izakulinywa njengesimu, iJerusalema izakuba liqubi leququ, kuthi intatjana yethempela ibe lihlathi.

URHABAKHUKHU 3:13

Weza wazokusindisa abantu bakho, wazokusindisa umzeswakho. Warhayila iphahla lesigodlo sobukhohlakali, waphihliza isigodlo bekwaba sesisekelweni.

UMATEWU 24:2

Wathi kibo: “Niyazibona zoke izintwezi na? Ngiqinisile ngiyanitjela bona akunalitje nalinye lapha elizakusala liphezu kwelinye, elinye nelinye lawo lizokugirika.”