UMATEWU 9:35 - IsiNdebele 2012 Translation

³⁵ UJesu wadabula imizi nemizana, wafundisa ngemasinagogini wabo, watjhumayela ivangeli lombuso kaZimu, wapholisa abantu abaphethwe mihlobo ngemihlobo yobulwelwe nezifo.

UMATEWU 9:35 Iomraidhean Croise

UMATEWU 10:1

UJesu wabizela abafundi bakhe abalitjhumi nambili kuye, wabanikela amandla wokuqotjha imimoya emimbi nokwelapha woke amalwelwe nezifo.

UMATEWU 11:1

Ngemva kobana uJesu aqede ukuyala abafundi bakhe abalitjhumi nambili, wasuka lapho wayokufundisa bewatjhumayela emadorobheni weGalile.

UMATEWU 11:5

Iimphofu ziyabona, iinrhurhubi ziyakhamba, abanekhwekhwe bayahlanjululwa, iinthulu ziyezwa, abafileko bayavuswa begodu ivangeli litjhunyayelwa nakilabo abadududu.

UMARKOSI 1:14

Emva kokubotjhwa kwakaJwanisi, uJesu waya eGalile, watjhumayela ivangeli lakaZimu,

UMARKOSI 6:56

Kuphi nakuphi lapha afika khona, emizaneni, emizini nemaphandleni, bakhuphela abagulako ematatawini. Bamrabhela bona abavumele bakghwathe nje kwaphela umphetho wengubakhe. Nje-ke boke abayikghwathako baphola.

UMARKOSI 6:6

Wararwa kungakholwa kwabo. Yeke uJesu wakhambakhamba lapho, wangena umuzi nomzana, afundisa.

ULUKASI 13:22

Yeke uJesu wadlula hlangana nemizi nemizana, wafundisa asendleleni yokuya eJerusalema.

IZENZO ZABAPOSTOLI 10:38

kobana uZimu wajamisa uJesu weNazaretha ngoMoya oCwengileko namandla, wakhamba yoke indawo enza okuhle, apholisa boke egade bangaphasi kwamandla kaSathana ngombana uZimu gade anaye.

IZENZO ZABAPOSTOLI 2:22

“Nje-ke lalelani la, nina ma-Israyeli: UJesu weNazaretha bekumumuntu ofakazelwe kini nguZimu ngemikarisomraro, ngeemangaliso nangeembonakaliso uZimu azenza phakathi kwenu ngaye, njengombana nani ngokwenu nazi.