UMATEWU 9:2 - IsiNdebele 2012 Translation

² Qala abantu baletha kuye umuntu okhubazekileko, alele emkghadini. Kwathi bona uJesu abone ukukholwa kwabo, wathi emuntwini okhubazekileko loyo: “Qina isibindi, ndodana, izono zakho zicolelwe.”

UMATEWU 9:2 Iomraidhean Croise

UMTJHUMAYELI 9:7

Khamba ufese ugome ukudla kwakho ngethabo, bewusele newayini lakho ngokwenama kwehliziywakho ngombana uZimu uyakuvuma lokho okwenzako.

U-ISAYA 44:22

Iimphambeko zakho ngizithanyele njengelifu nezono zakho njengekungu. Buyela kimi ngombana ngikuhlengile.”

UMATEWU 14:27

Kodwana khonokho uJesu wathi kibo: “Yibani nesibindi! Ngimi, ningesabi!”

UMATEWU 4:24

Iindaba ngaye zanda kiyo yoke iSiriya, abantu baletha kuye boke ebebagula; baphethwe malwelwe amanengi ahlukeneko nobuhlungu: abantu abanamadimoni, isithunthwana nabakhubazekileko. Boke uJesu wabapholisa.

UMATEWU 6:12

Usilibalele amacalethu njengombana sibalibalela abanamacala kithi.

UMATEWU 8:10

Lokha uJesu nezwa lokhu, warareka bewathi ebantwini ebebamlandela: “Ngiqinisile ngiyanitjela bona azange khengifumane noyedwa kwa-Israyeli onokukholwa okungaka.

UMATEWU 8:16

Kwathi nakuhlwako kwalethwa kuye abanengi ebebanamadimoni, waqotjha imimoya ngelizwi kwaphela bewapholisa abagulako.

UMATEWU 9:22

UJesu waphenduka, wambona, wathi: “Yiba nesibindi, ndodakazi! Ukukholwa kwakho kukupholisile.” Nje-ke umfazi loyo waphola khonokho.

UMATEWU 9:5

Ngikuphi okulula kini ukuthi, ‘Izono zakho zicolelwe’, nokuthi, ‘Sikima, ukhambe’ na?

UMATEWU 9:6

Ngizanibonisa-ke bona iNdodana yoMuntu inamandla ephasinapha wokucolela izono.” Yeke wathi emuntwini okhubazekileko: “Sikima, uthathe umkghadakho ukhambe uye ekhaya!”

UMARKOSI 1:32

Ngokuhlwa kwamhlokho abantu baletha kuJesu boke ebebagula nabanamadimoni.

UMARKOSI 10:49

UJesu wajama wathi: “Yenisibize.” Basibiza-ke, bathi kiso: “Qina amandla, sikima, uyakubiza.”

UMARKOSI 5:34

UJesu wathi kuye: “Ndodakazi, ukukholwa kwakho kukusindisile. Khamba ngokuthula, utjhaphuluke eenhlungwini zakho.”

UMARKOSI 6:50

ngombana boke bambona, yeke bethuka. Khonokho uJesu wakhuluma nabo wathi: “Qinani isibindi. Ngimi, ningesabi.”

UJWANISI 16:33

Nginitjele izintwezi, khona nizakuba nokuthula kimi. Ephasinapha nizakuhlupheka, kodwana yibani nesibindi iphasi ngilahlulile!”

UJWANISI 2:25

Bekungakatlhogeki bona omunye angakhe amtjele ngabo ngombana yena bekagade asazi okungeenhliziyweni zabo.

UJWANISI 21:5

Yeke wababuza wathi: “Bantwana bakwethu, anikabambi ilitho na?” Bamphendula bathi: “Awa.”

IZENZO ZABAPOSTOLI 14:9

Yona beyisoloko ilalele uPowula nakakhulumako. Nje-ke uPowula wayiqala poro, wayibona bona iyakholwa bonyana ingaphuluka.

IZENZO ZABAPOSTOLI 19:12

kangangobana iinsagadugu nezambatho ekhe zamthinta zalethwa kwabagulako, ukugula kwabo bekusuka nemimoya emimbi iphuma kibo.

IZENZO ZABAPOSTOLI 23:11

Kwathi ebusuku iKosi yajama hlanu kwakaPowula, yathi: “Yiba nesibindi! Njengombana ufakaze ngami eJerusalema, kufuze wenze njalo neRoma.”

KWEBEROMA 5:11

Kodwana ngaphezu kwalokho, sibuye sizigqaje kuZimu ngeKosethu uJesu Krestu, ngayo esamukele ukubuyisana.

UJAKOPO 2:18

Kodwana omunye uzakuthi: “Wena unokukholwa, mina nginemisebenzi.” Ngitjengisa ukukholwa kwakho ngaphandle kwemisebenzi, nami ngemisebenzami ngizakutjengisa ukukholwa kwami.