UMATEWU 8:25 - IsiNdebele 2012 Translation

²⁵ Abafundi baya kuye bamvusa bathi: “Kosi! Yewusisindise, safa!”

UMATEWU 8:25 Iomraidhean Croise

2 IINKRONIKE 14:11

Yeke u-Asa wabiza uSomnini uZimakhe wathi: “Somnini, akakho onjengawe ongasiza obogabogako ezandleni zetsitsirimba. Nje-ke Somnini Zimethu, sisize ngombana sithembele kuwe. Sijamelene nesinyokotho sebuthweli ngokuthemba ibizo lakho. Maye Somnini! Kazi wena unguZimethu, ungavumeli bonyana umuntukazana adlondlobale ngaphezu kwakho.”

2 IINKRONIKE 20:12

Awu Zimethu! Awusabagwebi na? Kazi thina asinamandla wokuqalana nepikazi engaka esisahlelako le. Abe asazi bonyana senzeni nasele kunje, yeke amehlwethu aqale kuwe.”

AMARHUBO 10:1

Somnini, kubayini ujamele kude na? Ufihlelani ubuso ngeenkhathi zokubandezelwa?

UJONA 1:6

Ukapteni wehlela kuye wathi: “Wena ulala ngendlela enjani na? Vuka ubize uzimakho! Mhlamunye uZimu angasicabangela singabhubhi.”

UMATEWU 8:2

Indoda enekhwekhwe yeza kuye, yafese yaguqa phambi kwakhe, yathi kuye: “Kosi, nawuthandako ungangihlambulula.”

UMATEWU 8:24

Khonokho, qala kwavuka isiwuruwuru esikhulu ngelwandle, umkhumbi wafuna ukucwila. Kodwana uJesu bekalele.

UMATEWU 9:18

Kwathi uJesu asakhuluma lokhu, kweza umphathi wesinagogi wafese waguqa phambi kwakhe, wathi: “Indodakazami iqeda ukuhlongakala, yewuze uzoyibeka izandla khona izakuphila.”

ULUKASI 8:24

Abafundi baya kuye bamvusa bathi kuye: “Kosi, Kosi! Safa!” UJesu wavuka, wakhalimela isiwuruwuru kanye namaza agubhuzelako, khonapho isiwuruwurweso sathula, kwathi du.