UMATEWU 7:14 - IsiNdebele 2012 Translation

¹⁴ Kodwana isango eliya ekuphileni lincani nendlela yakhona imkghotho begodu balibinzana abayifumanako.”

UMATEWU 7:14 Iomraidhean Croise

AMARHUBO 16:11

wena ungikhombisa indlela yokuphila. Ukujabula okwanelisako kuphambi kwakho nokwenama kungesidleni sakho isiphelani.

IZAGA 8:20

Ngikhamba emizileni yokulunga, phakathi kweendlela zobulungiswa,

U-ISAYA 30:21

Nanijikela ngesidleni namkha ngesinceleni, iindlebe zenu zizakuzwa ilizwi ngemva kwenu lisithi: “Nasi indlela: Khambani kiyo.”

U-ISAYA 35:8

Kuzakuba nendlela evulekileko, izakubizwa bona yindlela ecwengileko, abasilapheleko angeze bakhambe lapho, kodwana izakuba ngeyabantu bakaZimu, isikhambi angeze sadurha kiyo, ngitjho nabanganalemuko.

U-ISAYA 57:14

USomnini wathi: “Lelezani, lelezani, nilungise indlela! Susani iinliyo endleleni yabantu bami.”

UJOROMIYA 6:16

Nakhu okutjhiwo nguSomnini: “Ngathi, ‘Jamani epambanandlela niqale, buzani ngeendlela zekadeni ukufunyana bonyana ngiyiphi elungileko, nikhambe kiyo, nifumanele imiphefumulwenu ukuphumula.’ Kodwana abantwaba bathi, ‘Abe asizokhamba endleleni yakhona leyo.’

UMATEWU 20:16

“Ngaleyondlela bokugcina bazakuba ngebokuthoma nebokuthoma babe ngebokugcina.”

UMATEWU 22:14

UJesu waphetha ngokuthi: “Banengi abamenyiweko, kodwana balibinzana abakhethiweko.”

UMATEWU 7:13

“Ngenani ngesango elincani ngombana isango eliya ekubhujisweni likhulu nendlela yakhona ibanzi begodu banengi abakhamba ngayo.

UMATEWU 7:15

“Yelelani abaphorofidi bamanga. Beza kini bembethe njengezimvu kodwana ngaphakathi khisibe baziimpisi ezirhiribidelako.

UMARKOSI 8:34

Wabizela kuye isiqubuthu kanye nabafundi bakhe, wathi kibo: “Nanyana ngubani ofuna ukungilandela, akazidele, atjathe isiphambano sakhe angilandele.

ULUKASI 12:32

“Ningesabi nina mhlanjana omncani ngombana uYihlo kwamthokozisa khulu ukunipha umbuso.

UJWANISI 16:2

Nizakuqotjhwa ngemasinagogini, kodwana kuzakufika isikhathi lapha nanyana ngubani onibulalako azakudlumbana bona usebenzela uZimu.

UJWANISI 16:33

Nginitjele izintwezi, khona nizakuba nokuthula kimi. Ephasinapha nizakuhlupheka, kodwana yibani nesibindi iphasi ngilahlulile!”

IZENZO ZABAPOSTOLI 14:22

baqinisa bebakhuthaza abafundi bona baragele phambili ngokukholwa, bathi: “Kufuze sidlule ebunzimeni obunengi ngaphambi kobana singene embusweni kaZimu.”

KWEBEROMA 12:2

Ningaziphathi njengokwemikhuba yephaseli, kodwana tjhugululwani ngokwenziwa kabutjha emikhumbulweni yenu ukuze nikghone ukuhlukanisa okuyintando kaZimu; okuhle, okwamukelekako nokupheleleko.

KWEBEROMA 9:32

Ngebanga lani na? Ngebanga lokobana angazange akutjhabatjhekele ngokukholwa kodwana kwaba inga kungokwezenzo zawo. Akhutjwa elitjeni elisikhubekiso,