UMATEWU 7:13 - IsiNdebele 2012 Translation

¹³ “Ngenani ngesango elincani ngombana isango eliya ekubhujisweni likhulu nendlela yakhona ibanzi begodu banengi abakhamba ngayo.

UMATEWU 7:13 Iomraidhean Croise

UGENESISI 6:12

Lokha uZimu nakahlola iphasi, ngambala lalonakele. Iye, boke abantu ebusweni bephasi bebaziphethe ngameswe.

UGENESISI 6:5

Lokha uSomnini nakabona bonyana ubukhohlakali bomuntu bukhulu ephasini nokobana imizindlo yehliziywakhe isophe okumbi ngesikhathi soke,

IZAGA 16:25

Kunendlela ebonakala ilungile emuntwini, kodwana isiphetho sayo sikukufa.

IZAGA 7:27

Ikumbaso imasango wokuya ekufeni, ehlela phasi emalawini wokufa.

IZAGA 9:6

Fulathelani ubudlhadlha, khona nizakuphila benikhambe endleleni yokuzwisisa.

U-ISAYA 1:9

Ukube uSomnini uMninimandlawoke akhange asitjhiyele abambalwa abaphunyurhileko besizokuba njengeSodoma, sifane neGomora.

U-ISAYA 35:8

Kuzakuba nendlela evulekileko, izakubizwa bona yindlela ecwengileko, abasilapheleko angeze bakhambe lapho, kodwana izakuba ngeyabantu bakaZimu, isikhambi angeze sadurha kiyo, ngitjho nabanganalemuko.

U-ISAYA 55:7

Isikhohlakali asilahle indlelaso embi nowenza okumbi alahle amaqhingakhe. Akaphendukele kuSomnini, uzakuba nomusa kuye, iye, kuZimethu ngombana yena uyathethelela nokuthethelela.

UMATEWU 23:13

“Maye, kini bafundisi bomthetho nani baFarisi, nina bazenzisi ndina! Nivalele abantu kobana bangangeni embusweni wezulu. Nina ngokwenu aningeni, begodu anivumeli labo abalinga ukungena!

UMATEWU 25:41

“Yeke izakuthi kilabo abangesinceleni, ‘Sukani kimapha nina enithuwelelisiweko, niye ngemlilweni wesiphelani olungiselwe uSathana neengilozi zakhe.

UMATEWU 25:46

Yeke bazakukhamba baye ekuhlunguphazweni okungapheliko, kodwana abalungileko bazakuya ekuphileni okungapheliko.”

UMATEWU 3:2

asithi: “Phendukani ngombana umbuso wezulu ubandamele!”

UMATEWU 3:8

Vezani iinthelo ezikhomba ukuphenduka.

UMATEWU 7:14

Kodwana isango eliya ekuphileni lincani nendlela yakhona imkghotho begodu balibinzana abayifumanako.”

ULUKASI 14:33

Ngokunjalo-ke, nanyana ngubani wenu ongatjhiyi koke anakho angeze aba mfundi wami.”

ULUKASI 9:33

Kwathi lokha amadoda lawo nasuka kuJesu, uPitrosi wathi kuye: “Kosi, maye kuhle kangangani bona sibe lapha! Yeke asakheni imitlhatlhana emithathu, owodwa ube ngewakho, owodwa ube ngewakaMosi, owodwa ube ngewaka-Eliya.” Bekangazizwa bona uthini.

UJWANISI 10:9

Mina ngilisango. Ongena ngami uzakusinda; uzakungena aphume afumane idlelo.

UJWANISI 14:6

UJesu wamphendula wathi: “Mina ngiyindlela, iqiniso nokuphila; akakho noyedwa ozakuya kuBaba ngaphandle kwami.

IZENZO ZABAPOSTOLI 3:19

Ngalokho tjhugulukani nibuyele kuZimu, khona kuzakusulwa izono zenu,

KWEBEROMA 9:22

Sizakwazi ngani nakube uZimu, ngokuthanda ukubonisa ubukhali bakhe kanye nokwazisa amandlakhe, ubekezelele khulu ngesineke izitja afanele azithukuthelele, ezibekelwe ukubhujiswa na?

2 KWEBEKORINTE 4:4

Uzimu wesikhathesi ufiphaze imikhumbulo yabangakholwako ukuze bangaboni umkhanyo wevangeli lephazimulo kaKrestu omfuziselo kaZimu.

2 KWEBEKORINTE 6:17

Ngalokho-ke: “Phumani phakathi kwabo, nizahlukanise nabo; ningathinti ilitho elisilapheleko, yeke ngizakuza kini. Kutjho uSomnini.

KWEBEGALATIYA 5:24

Labo abangebakaKrestu Jesu babethele esiphambanweni inyama kanye nemizwa neenkanuko zayo.

KWEBEFILIPI 3:19

Isiphetho sabo kubhujiswa; uzimabo sisisu nedumo labo lisemanyalenabo, imikhumbulwabo inamathele ezintweni zephasi.

1 UJWANISI 5:19

Siyazi bona singebakaZimu nokobana iphasi loke lisemandleni womumbi.

ISAMBULO 12:9

Ngalokho waphoswa phasi unomrhaso omkhulu, inyoka endala ekuthiwa nguMtjoli noSathana, umkhohlisi wephasi loke; iye, waphoselwa ephasini neengilozi zakhe zalahlwa naye.

ISAMBULO 13:8

Boke abantu abakhe ephasini bazasilotjha, iye, woke loyo ibizo lakhe elingakatlolwa encwadini yokuphila yeMvana eyahlatjwako kusukela ekusekelweni kwephasi.

ISAMBULO 20:15

Loyo ibizo lakhe elingazange lifunyanwe encwadini yokuphila waphoswa ngelitsheni lomlilo.

ISAMBULO 20:3

yamphosela ngemgodini onganamkhawulo, yamvalela ngci beyabeka iphawu phezu kwakhe khona angazubuya aluthe izizwe bekuphele ikulungwana yeminyaka. Emva kwalokho kufanele athukululwe kwesikhatjhana.