UMATEWU 6:9 - IsiNdebele 2012 Translation

⁹ Nasi-ke indlela ekumele nithandaze ngayo, “ ‘Baba wethu osezulwini, alicwengiswe ibizo lakho,

UMATEWU 6:9 Iomraidhean Croise

2 USAMYELA 7:26

ukuze ibizo lakho libe likhulu isiphelani. Yeke abantu bazakuthi, ‘USomnini uMninimandlawoke unguZimu phezu kwaka-Israyeli.’ Inga indlu yencekwakho uDavida ingajama inzinze phambi kwakho

1 AMAKHOSI 8:43

yewizwe usezulwini, lapho uhlala khona bese wenza nanyana yini ekhonjelwa mqhamuka. Nje-ke boke abantu bephasinapha bazokwazi ibizo lakho bakwesabe njengombana kwenza abantu bakho u-Israyeli begodu bazi bonyana ithempeli engilakhilekweli lahlukaniselwe ibizo lakho.

1 IINKRONIKE 17:24

Ibizo lakho lizakunzinza belibe likhulu isiphelani bese abantu bathi, ‘USomnini uMninimandlawoke, obizwa bona unguZimu ka-Israyeli, mbala nguye uZimu ka-Israyeli!’ Nendlu yencekwakho uDavida izakujama inzinze phambi kwakho.

2 IINKRONIKE 20:6

wathi: “Maye Somnini Zimu wabobamkhulu! Wena unguZimu osezulwini. Ubusa phezu kwayo yoke imibuso yezizwe. Amandla negunya kusesandleni sakho. Yeke abe akunamuntu ongajamelana nawe.

UNERHEMIYA 9:5

Nje-ke amaLevi ekuboJetjhuwa, uKhadimiyeli, uBhani, uRhatjhabineya, uTjherebiya, uHodiya, uTjhebaniya noPhatarhiya bathi: “Sikimani nidumise uSomnini uZimenu nini nanini ngokuthi, Alidunyiswe ibizo lakho eliphazimulako; iye, ibizo eliphakanyiswa ngaphezu kwedumo neembongo zoke.

AMARHUBO 111:9

Wathumela abantu bakhe isihlengo; wayala isivumelwano sakhe isiphelani. Ibizo lakhe licwengile beliyesabeka!

AMARHUBO 115:3

khisibe usezulwini, wenza koke akuthandako na?

AMARHUBO 72:18

Akadunyiswe uSomnini uZimu, iye, uZimu ka-Israyeli, okunguye yedwa owenza iimangaliso.

U-ISAYA 37:20

Nje-ke Somnini, Zimethu, yewusisindise esandleni sekosi ye-Asiriya ukuze yoke imibuso yephasi yazi bonyana nguwe wedwa uSomnini.”

U-ISAYA 57:15

Kodwana kwanje, nakhu okutjhiwo nguZimu ophakemeko nophezulu, ophila nini nanini, obizo lakhe licwengile, uthi: “Ngihlala endaweni ephakemeko necwengileko, godu ngihlala naloyo onommoya owephukileko nothobekileko. Ngivuselela ummoya waloyo odanileko, nehliziyo yowurubajekileko.

U-ISAYA 6:3

Gade arhuwelelana wodwa, elinye nelinye lithi: “Ucwengile! Ucwengile! Ucwengile uSomnini uMninimandlawoke! Iphasi loke ligcwele iphazimulwakhe!”

U-ISAYA 63:16

Ngambala ungubabethu! U-Abrahama akasazi, no-Israyeli bekangeze asilemuke, Somnini, wena ungubabethu; kwakade ibizo lakho unguMhlengethu.

U-ISAYA 64:8

Nokho Somnini, ungubabethu. Thina simdaka, wena umbumbi wethu simsebenzi wezandla zakho soke nje.

U-ISAYA 66:1

Nakhu okutjhiwo nguSomnini: “Izulu sihlalo sami sobukhosi, iphasi lisinabelo seenyawo zami. Alo, yikumba bani-ke enizangakhela yona, indawami yokuphumula ibe yini?

UHEZEKIYELI 36:23

Nje-ke ngizokuveza ukucwengeka kwebizo lami elikhulu nelisilaphazweko hlangana nezizwe, iye, lelo enilihlambalaze phakathi kwazo. Kulapho-ke, lapha izizwe zizakwazi khona bonyana nginguSomnini, lokha nangizibonakalisa ngani phambi kwazo bona mina ngecwengile.’ ” Kutjho uSomnini uSomandla.

UHEZEKIYELI 38:23

Nje-ke, ngizakubonakalisa ubukhulu bami nokucwengeka kwami begodu ngizazise phambi kwezizwe ezinengi. Ngalokho zizakwazi bonyana nginguSomnini.”

ULEVITIKUSI 10:3

UMosi wathi ku-Aroni: “USomnini bekatjho khona lokho nasithi, ‘Kilabo abeza kimi ngizazibonakalisa ngicwengile; emehlweni wabantu boke ngizaziphazimulisa.’ ” U-Aroni wathula.

URHABAKHUKHU 2:14

Iye, njengelwandle lizele amanzi, iphasi lizakuzala ilwazi, lazise iphazimulo kaSomnini.

UZAKARIYA 14:9

USomnini uzakubusa ephasini loke. Mhlokho kuzakuba noSomnini munye, libizo lakhe lodwa elizakubizwa.

UMALAKI 1:11

“Ngambala ibizo lami likhulu ephasini loke hlangana nezizwe. Eendaweni ngokuhlukahluka kwazo, kulethwa imihlatjelo; iye, imihlatjelo enganaburhole ngombana ibizo lami likhulu ezizweni.” Kutjho uSomnini uSomandla.

UMATEWU 10:29

Iinyoni ezimbili azithengwa ngesipaparwana sinye semali na? Khonapho ayikho nayinye yazo ezakuwela phasi ngaphandle kwemvumo kaYihlo.

UMATEWU 23:9

Godu ningabizi noyedwa ephasinapha ngokuthi ‘Baba’ ngombana ninoBaba oyedwa osezulwini.

UMATEWU 26:29

Ngiyanitjela bona angekhe bengisasela isithelo sesidiribesi ukusuka gadesi bekube mhlana ngisisela ngobutjha nginani embusweni kaBaba.”

UMATEWU 26:42

UJesu wakhamba kwesibili wayokuthandaza, wathi: “Baba, nangabe ikapho le angekhe yasuswa kimi ngaphandle kobana ngiyisele, akwenzeke intando yakho.”

UMATEWU 5:16

Ngokunjalo akukhanye ukukhanya kwenu phambi kwabantu ukuze babone imisebenzenu emihle, badumise uYihlo osezulwini.”

UMATEWU 5:48

Yeke yibani ngabapheleleko njengombana noYihlo osezulwini aphelele!”

UMATEWU 6:14

“Nanilibalela abantu abanitjhapheleko noYihlo osezulwini uzanilibalela.

UMATEWU 6:6

Kodwana wena nawuthandazako, ngena ngelawini lakho, uvale umnyango bese uthandaza kuYihlo ongabonwako. Nje-ke uYihlo obona lokho okwenziwa ngemsitheleni, uzakuvuza.

UMATEWU 7:11

Nakube-ke nina, ngitjho nanyana nikhohlakele kangaka nje, nikwazi ukupha abantwabenu izipho ezihle, kangangani-ke uYihlo osezulwini! Uzabapha izipho ezihle khulu labo abambawako.

ULUKASI 15:18

Yeke ngizakusuka ngiye kubaba, ngifike ngithi kuye: Baba, ngonile phambi kwezulu naphambi kwakho.

ULUKASI 15:21

Indodana yathi kuye, ‘Baba, ngonile phambi kwezulu naphambi kwakho. Angisafanelanga ukubizwa ngendodanakho.’

ULUKASI 2:14

“Idumo kuZimu keliphezulu nokuthula ephasini, ebantwini abathokozelwa nguye.”

UJWANISI 20:17

UJesu wathi: “Ungangibambi ngombana angikayi kuBaba. Kodwana khamba uye kubazalwana bami ubatjele uthi, ‘Ngibuyela kuBaba onguYihlo wenu noZimami onguZimenu.’ ”

KWEBEROMA 1:7

Kibo boke abathandekako kuZimu abaseRoma, ababizelwe ekubeni ngabacwengileko: Akube kini umusa nokuthula okuvela kuZimu uBaba wethu neKosini uJesu Krestu.

KWEBEROMA 8:15

Azange namukeliswe ummoya onenza bona nibe makhoboka godu benesabe, kodwana namukele uMoya onenza nibe bantwana bakaZimu. Yeke ngaye siyabiza sithi: “Aba, Baba!”

KWEBEGALATIYA 1:1

UPowula, ompostoli ongaveli ebantwini namkha ongakezi ngabantu kodwana ngoJesu Krestu noZimu uBaba, owavusa uJesu ekufeni,

KWEBEGALATIYA 4:6

Ngebanga lokobana nimadodanakhe, uZimu wathumela uMoya weNdodanakhe ngeenhliziyweni zethu, uMoya orhuwelela uthi: “Aba! Baba!”

1 UTHIMOTHI 6:16

Nguye yedwa ophila isiphelani nohlala ekukhanyeni okungekhe kwatjhidelwa kikho, ongazange abonwe mumuntu nongabonwako, alibe kuye idumo namandla ngokungapheliko. Amen.

1 UPITROSI 1:17

Nangabe nimbiza bona nguBaba, loyo ogweba boke abantu ukuya ngokwemisebenzi yabo ngaphandle kokubandlulula, khona-ke philani ngokwesaba esikhathini sokuba ziinkhonzi kwenu.

ISAMBULO 4:11

“Ufanele wena Somnini Zimethu, ukwamukela idumo, ubukhosi namandla ngombana nguwe owabumba koke begodu koke okukhona kwadalwa ngentando yakho.”

ISAMBULO 5:12

zirhuba ngelizwi elikhulu zithi: “Ikufanele iMvana eyahlatjwako ukwamukela amandla nomnono, ukuhlakanipha nobukhosi, idumo, iphazimulo nokubatjazwa!”