UMATEWU 6:5 - IsiNdebele 2012 Translation

⁵ “Lokha nawuthandazako, ungabi njengabazenzisi ngombana bathanda ukuthandaza bajamile ngemasinagogini nemajikeni weendledlana ukuze babonwe babantu. Ngiqinisile ngiyanitjela bona sele bawufumene umvuzwabo ngokupheleleko.

UMATEWU 6:5 Iomraidhean Croise

AMARHUBO 5:2

Hawu Somnini, beka indlebe emezwinami, uzwe ukububula kwami.

AMARHUBO 55:17

Mina ngilila kuZimu, nje-ke uSomnini uzangisindisa.

IZAGA 15:8

Umhlabelo weenkhohlakali usinyenyiso kuSomnini, kodwana uthokoziswa mthandazo wabaqotho.

IZAGA 16:5

Woke onehliziyo ezikhukhumezako usinyenyiso kuSomnini. Nakanjani onjalo uzakuhlunguphazwa.

U-ISAYA 1:15

Lokha nanelula izandla zenu nithandaza, Ngizokuvala amehlwami kini nanyana ningenza imithandazo eminengi kangangani angekhe ngiyilalele. Izandla zenu zizele iingazi.

UJOROMIYA 29:12

Yeke nizangibiza, nize nizokuthandaza kimi, nje-ke ngizanilalela.

UDANYELA 6:10

Kuthe lokha uDanyela nalemuka bonyana incwadi itlikitliwe, wenza njengesiqhelo: Wangena ngendlinakhe waya elawini elingehla, elinefesidere elivulekela nca ngeJerusalema. Waguqa kathathu ngelanga wathandaza athokoza uZimakhe.

UMATEWU 21:22

Nanikholwako, nizakwamukela nanyana yini eniyikhombelako ngomthandazo.”

UMATEWU 23:13

“Maye, kini bafundisi bomthetho nani baFarisi, nina bazenzisi ndina! Nivalele abantu kobana bangangeni embusweni wezulu. Nina ngokwenu aningeni, begodu anivumeli labo abalinga ukungena!

UMATEWU 23:5

Koke abakwenzako bakwenzela ukubonwa babantu: Benza amafilakteriya wabo abe makhulu namatjharha weemphuraphura zabo made.

UMATEWU 23:6

Bathanda indawo ephezulu eminyanyeni neenhlalo eziphambili ngemasinagogini.

UMATEWU 6:1

“Yelelani bona ningenzi izenzo zenu zokulunga phambi kwabantu kobana banibuke ngombana nanenza njalo, angekhe nawufumana umvuzo wenu ovela kuYihlo osezulwini.

UMATEWU 6:16

“Nanizila ukudla, ningatjhitjhibalisi ubuso njengabazenzisi ngombana banyukubalisa ubuso babo ukubonisa abantu bonyana bazile ukudla. Ngiqinisile ngiyanitjela bona sele bamukele umvuzwabo ngokupheleleko.

UMATEWU 6:2

“Nje-ke lokha nanipha abadududu, ningamemezeli ngeemporompita njengombana kwenza abazenzisi ngemasinagogini neendledlaneni ukuze bahlonitjhwe babantu. Ngiqinisile ngiyanitjela bona sele bamukele umvuzwabo ngokupheleleko.

UMATEWU 9:38

Bawani iKosi yesivuno bona ithumele iinsebenzi esiminayo yesivuno.”

UMARKOSI 11:25

Njalo lokha nanijamako nithandaza, libalelani nanyana ngubani eninamavundo naye ukuze noYihlo osezulwini anilibalele izono zenu.

UMARKOSI 12:38

Ekufundiseni kwakhe wathi: “Lemukani abafundisi bomthetho, abathanda ukuzakalala ngeemphuraphura ezide, bathanda ukulotjhiswa eendaweni zokuthengisela.

ULUKASI 11:43

“Maye kini baFarisi! Nithanda iinhlalo eziphambili ngemasinagogini nokubingelelwa eendaweni okuthengiswa kizo.

ULUKASI 18:1

Yeke uJesu watjela abafundi bakhe umfanekiso abakhombisa bonyana bafanele bahlale bathandaza njalo bangapheli amandla.

ULUKASI 18:13

“Kodwana umthelisi wajamela kudanyana. Wahlulwa ngitjho nakuqala ezulwini, kodwana wabetha isandla phezu kwesinye wathi, ‘Zimu, ngirhawukele, mina soni!’ ”

ULUKASI 20:47

Barhiribidela iinkumba zabahlolokazi bese babukisa ngokwenza imithandazokazi emide. Abantu abanjalo bazokuhlunguphazwa khulu.”

ULUKASI 6:24

“Kodwana maye kini eninjingileko ngombana senikufumene ukunethezeka kwenu.

UJWANISI 16:24

Kufikela njesi anikabawi ilitho ebizweni lami. Bawani nizakuphiwa khona kuzakuzala ithabo lenu.”

KWEBE-EFESU 6:18

Thandazani nikuMoya ngeenkhathi zoke ngayo yoke imihlobohlobo yemithandazo kanye neembawo. Nisakhumbule lokho, yelelani begodu ngeenkhathi zoke hlalani nithandazela boke abacwengileko.

1 KWEBETHESALONIKA 5:17

Thandazani njalo ningalisi.

UJAKOPO 4:6

Kodwana upha umusa ngokweqileko, ngalokho umtlolo uthi: “UZimu ujamelana nabazikhukhumezako, kodwana abazithobako ubapha umusa.”