UMATEWU 6:4 - IsiNdebele 2012 Translation

⁴ ukuze umnikelwakho ube sekusithekeni. Ngaleyondlela uYihlo obona ekusithekeni uzakuvuza.”

UMATEWU 6:4 Iomraidhean Croise

AMARHUBO 139:12

nobumnyama abuzukuba mnyama kuwe; ubusuku buzakukhanya njengemini, iye, ubumnyama bufane nokukhanya.

AMARHUBO 17:3

Lokha nawuzizinya ihliziywami nalokha nawungihlolisisako ebusuku, iye, nawungihlahlubako angeze ufunyane ihlazo kimi: Umlomami awuphambuki.

AMARHUBO 44:21

Nangathana besikhohlwe ibizo lakaZimethu, namkha selulela izandla zethu kuzinyana othileko,

IZAGA 25:22

Ngokwenza njalo, uzabe inga udindela amalahle avuthako ehlokwaso, uSomnini uzakuvuza.

UJOROMIYA 17:10

“Mina Somnini ngihlolisisa ihliziyo ngizizinye iziso, kobana ngivuze umuntu ngokweendlela zakhe, iye, ukuya ngokwemisebenzakhe.”

UJOROMIYA 23:24

Ukhona ongabhaca eendaweni ezisithekileko kobana ngingamboni na? Angisikhona koke ezulwini nephasini na?” Kutjho uSomnini.

UMATEWU 10:42

Nanyana ngubani oseza omunye wabancancanaba ngitjho ithosana lamanzi aqandako ngombana amfundi wami, ngiqinisile ngiyanitjela bona angeze alahlekelwa mvuzwakhe.”

UMATEWU 6:18

ukuze ungabonakali ebantwini kobana wena uzile ukudla, ngaphandle kwakaYihlo, ongabonwako. UYihlo obona okwenziwa ekusithekeni, uzakuvuza.”

UMATEWU 6:3

Kodwana lokha nawupha abadududu, ungavumeli kobana isincele sakho sazi lokho okwenziwa sisidla sakho

UMATEWU 6:6

Kodwana wena nawuthandazako, ngena ngelawini lakho, uvale umnyango bese uthandaza kuYihlo ongabonwako. Nje-ke uYihlo obona lokho okwenziwa ngemsitheleni, uzakuvuza.

ULUKASI 14:14

khona-ke uzakubusiswa. Nanyana bangekhe bakuvuze, uzakuvuzwa ekuvusweni kwabalungileko.”

ULUKASI 8:17

“Ngambala akunanto efihliweko engeze yavezwa emtarini, godu akunanto esitheziweko engeze yaziwa namkha yembulwa.

1 KWEBEKORINTE 4:5

Ngalokho-ke ningagwebi ilitho kungakafiki isikhathi, lindani bekufike iKosi. Yona izokuveza emkhanyweni koke okufihlwe ebumnyameni beyembule neenhloso zeenhliziyo zabantu. Ngesikhatheso uZimu uzokwamukelisa omunye nomunye ukuthokozwa okumfaneleko.

AMAHEBHERU 4:13

Akukho nokukodwa okubunjiweko okusithekileko phambi kwakaZimu. Koke kwambuliwe phambi kobuso bakhe, kusemtarini emehlweni waloyo esizaziphendulela kuye.

UJUDA 1:24

Kiloyo onamandla wokunilonda bona ningawi, nokunijamisa phambi kwephazimulo yakhe ninganabala, ninokuthokoza okukhulu,

ISAMBULO 2:23

Ngizobabhubhisa abantwana bakhe; amabandla woke azakwazi bona nginguloyo ohlola iziso neenhliziyo begodu ngizokuvuza omunye nomunye wenu ngokwemisebenzakhe.

1 USAMYELA 2:30

“Nje-ke mina Somnini, uZimu wakwa-Israyeli ngithi ngathembisa bonyana indlwakho nendlu kayihlo nizakusebenza e-aldarini lami ngeenkhathi zoke. Kodwana kwanjesi nginisuthi ngombana ngidumisa abangidumisako nginyaze abanginyazako.