UMATEWU 6:27 - IsiNdebele 2012 Translation

²⁷ Ngubani-ke phakathi kwenu ongangezelela i-awara linye epilwenakhe ngokukhathazeka na?

UMATEWU 6:27 Iomraidhean Croise

UMTJHUMAYELI 3:14

Ngilemukile bonyana koke uZimu akwenzako kuzakuhlala isiphelani, akunanto engangezelelwa nanyana iphungulwe kilokho. UZimu wenza lokho ukuze umuntu amesabe.

UMATEWU 5:36

Ungafungi ngehlokwakho ngombana angekhe watjhugulula ngitjho nasinye isihlutjhwana sibe mhlophe namkha sibe nzima.

UMATEWU 6:25

“Ngalokho-ke ngiyanitjela, ningakhathazeki ngepilwenu bona nizogomani namkha nizokuselani. Ningakhathazeki nangemizimbenu bona nizokwembathani. Kghani ipilo ayikaqakatheki khulu ukwedlula ukudla na? Nomzimba awukaqakatheki khulu kunezambatho na?

UMATEWU 6:28

“Kubayini nikhathazeke ngezambatho na? Qalani bona amakhwa wommango amila njani; akasebenzi namkha aphothe intambo.

UMATEWU 6:31

“Yeke ningathomi nikhathazeke bese nithi, ‘Alo sizogomani nje?’ namkha, ‘Sizokuselani?’ namkha, ‘Sizokwembathani?’

UMATEWU 6:34

Yeke ningakhathazeki ngelingomuso ngombana ilingomuso lizakukhathalela kwalo. Elinye nelinye ilanga lineenkathazo zalo ezaneleko.”

ULUKASI 10:41

IKosi yamphendula yathi: “Marta, Marta-ke! Ukhathazeka bewuwurubajeke ngezinto ezinengi,

ULUKASI 12:11

“Lokha nanilethwa ngemasinagogini, phambi kwabaphathi nababusi, ningatshwenyeki bona nizazivikela njani namkha nizakuthini,

ULUKASI 12:22

UJesu wathi ebafundini bakhe: “Yeke-ke ngiyanitjela bona ningatshwenyeki ngepilwenu ukobana nizokugomani namkha nitshwenyeke ngemizimbeni ukobana nizokwembathani.

1 KWEBEKORINTE 12:18

Kodwana uZimu uhlele izitho zomzimba, esinye nesinye sazo saba ngendlela afuna bona sibe ngayo.

KWEBEFILIPI 4:6

Ningakhathazeki ngalitho kodwana kikho koke, iimbawo zenu azaziwe nguZimu ngomthandazo nangokuncenga okunokuthokoza.

1 UPITROSI 5:7

Fumbelani woke amatshwenyeko wenu kuye ngombana yena uyanikhathalela.