UMATEWU 6:19 - IsiNdebele 2012 Translation

¹⁹ “Ningazibekeli umnotho ephasinapha, lapha kunomvunya nokukhuna okurhayilako nalapha amasela afohla khona ebe.

UMATEWU 6:19 Iomraidhean Croise

UJOBHO 24:16

Ebusuku iinkumba ziyagqekezwa, emini abagqekezi bayazivalela, ngombana abazwani nomkhanyo.

UJOBHO 31:24

Ngiyafunga bona akhange ngibeke ithemba lami egolideni, namkha ngathi egolidenimbala, ‘Wena usibambelelo sami’.

AMARHUBO 39:6

Qala, wenze amalangami aba yikereketjhana, ukuphila kwami kulilize phambi kwakho; mbala, woke umuntu umuphefumulo nje.

AMARHUBO 62:10

Abantukazana bamumoya nje, abantu abaziinkhulu bayikohliso; esilinganisweni bayakhuphuka, boke balula kunommoya.

U-EKSODUSI 22:2

“Nakube isela libanjwe liseba bese liyabethwa belife, angeze kwaba nomlandu wokuthulula iingazi zalo.

IZAGA 11:4

Umnono awunabubhadekelo ngelanga lelaka, kodwana ukulunga kuhlenga ekufeni.

IZAGA 16:16

Kungcono khulu ukufumana ukuhlakanipha kunegolide nokufumana ukuzwisisa kungcono kunokukhetha isiliva.

UMTJHUMAYELI 2:26

Umuntu othokozisa uZimu, uZimu umupha ukuhlakanipha, ilwazi nethabo; kodwana nakusisoni sona usinikela umsebenzi wokubuthelela nokwenza isithala somnono, kobana awudlulisele kothabisa uZimu. Nalokho kulilize! Kukugijimisa ummoya!

UZEFANIYA 1:18

Isiliva negolidabo angeze yabasindisa ngelanga lelaka lakaSomnini. Inarha yoke izakuqothulwa ngomlilo wesikhwele sayo. Ngambala uzakurhayila ngokwesabekako boke abaphila enarheni.

UMATEWU 19:21

UJesu waphendula wathi: “Nawufuna bona ulunge uphelele, khamba uyokuthengisa koke onakho, unikele abadududu, uzakuba nobugwili ezulwini. Yeke uze ungilandele!”

UMATEWU 6:20

Kodwana zibekeleni umnotho ezulwini lapha umvunya nokukhuna kungeze kwarhayila khona nalapha amasela angeze afohla ebe

ULUKASI 12:21

“Kuzakuba njalo-ke nakinanyana ngubani ozibekela izinto kodwana abe angakanothi ngehlangothini laka Zimu.”

ULUKASI 12:33

Thengisani ipahlenu bese nabela abadududu, ngokwenza njalo nizabe nizibonelela ngeenkhwanyana zemali ezingekhe zoma, okumnono wezulwini ongekhe waphela. Iye, lapha kungekhe kwangena khona isela nomvunya.

ULUKASI 12:39

Kodwana lemukani lokhu: Nakube umninikhaya bekasazi bonyana isela lizakuza ngasiphi isikhathi, ubangekhe avuma bonyana ikhaya lakhe lifahlwe.

ULUKASI 18:22

Kwathi bona uJesu ezwe lokho, wathi: “Kusasele into eyodwa ekufanele uyenze. Thengisa koke onakho, wabele abatlhagileko, nje-ke uzakuba namagugu ezulwini. Ngemva kwalapho-ke ungilandele.”

ULUKASI 18:24

UJesu wamqala wathi kuye: “Kubudisi kangangani bona abantu abaziinkhumkani bangene embusweni kaZimu!

1 UTHIMOTHI 6:17

Bayale abanothileko esikhathini sanamhlanje bonyana bangazikhukhumezi namkha bathembele emnothweni ophelako, kodwana kuZimu osinjingisa ngakho koke bona sithokoze ngakho.

AMAHEBHERU 13:5

Zilondeni ningabi marhamaru kodwana yaneliswani ngeninakho ngombana wathi: “Angekhe nganitjhiya namkha nganilahla.”