UMATEWU 6:16 - IsiNdebele 2012 Translation

¹⁶ “Nanizila ukudla, ningatjhitjhibalisi ubuso njengabazenzisi ngombana banyukubalisa ubuso babo ukubonisa abantu bonyana bazile ukudla. Ngiqinisile ngiyanitjela bona sele bamukele umvuzwabo ngokupheleleko.

UMATEWU 6:16 Iomraidhean Croise

2 USAMYELA 12:16

UDavida wancengela umntwana lo kuZimu. Wangena ngendlini walala phasi amalangana azile ukudla.

2 USAMYELA 12:21

Iinsebenzi zakhe zambuza zathi: “Kubayini ikosi yenze nje? Lokha umntwana nasaphilako ikosi yazila ukudla yalila, kodwana nje, njengombana umntwana selahlongakele ikosi iyasikima iyadla?”

1 AMAKHOSI 21:27

Lokha u-Arhabi nezwa amagama lawo, wadabula izambatho zakhe, wembatha inzilo bewazila nokudla. Walala ngazo wazulazula athobekile.

UNERHEMIYA 1:4

Kwathi lokha nangizwa amezwi lawo, ngahlala phasi ngalila. Ngazila ukudla amalangana ngithandaza phambi kwakaZimu wezulwini,

U-ESTA 4:16

“Khamba uyokubuthelela woke amaJuda afunyaneka eTjhutjhani bese ningizilela ukudla. Ningadli namkha nisele bekube malanga amathathu ubusuku nemini. Nami-ke nabantazana bami sizakuzila njengani njalo. Ngemva kwalokho mina ngizakuya ekosini, nanyana lokho kuphambene nomthetho. Ngithi nakube ngiyabhubha, angibhubhe!”

AMARHUBO 109:24

Amadolwami ayageba ngebanga lokuzila ukudla; umzimbami ukhehlile, ngimathambo.

AMARHUBO 35:13

Kodwana nakugula bona, mina ngembatha izambatho zokuzila, ngazikhandla ngokuzila ukudla; ngaqinisela ekubathandazeleni.

AMARHUBO 69:10

Ukutjhisakalela indlwakho kungidlile; iinhlamba zabakuthukako zehlele kimi:

UDANYELA 9:3

Nje-ke ngaphendukela kuZimu uSomandla: Ngathandaza bengabawa ngokuzila ukudla, ukwembatha iinzilo nangokuzithela ngomlotha.

UMALAKI 3:14

Nithe, ‘Akusizi ukulotjha uZimu. Yini njekhona esiyizuzileko ngokwenza akufunako nokukhamba sizilile phambi kwakaSomnini uSomandla?

UMATEWU 6:1

“Yelelani bona ningenzi izenzo zenu zokulunga phambi kwabantu kobana banibuke ngombana nanenza njalo, angekhe nawufumana umvuzo wenu ovela kuYihlo osezulwini.

UMATEWU 6:2

“Nje-ke lokha nanipha abadududu, ningamemezeli ngeemporompita njengombana kwenza abazenzisi ngemasinagogini neendledlaneni ukuze bahlonitjhwe babantu. Ngiqinisile ngiyanitjela bona sele bamukele umvuzwabo ngokupheleleko.

UMATEWU 6:5

“Lokha nawuthandazako, ungabi njengabazenzisi ngombana bathanda ukuthandaza bajamile ngemasinagogini nemajikeni weendledlana ukuze babonwe babantu. Ngiqinisile ngiyanitjela bona sele bawufumene umvuzwabo ngokupheleleko.

UMARKOSI 2:18

Abafundi bakaJwanisi uMbhabhadisi nabaFarisi bebazilile. Abanye abantu beza kuJesu bambuza bathi: “Kuzanjani bona abafundi bakaJwanisi nebabaFarisi bazile ukudla khibe bakho bona abakazili na?”

ULUKASI 18:12

Ngizila ukudla kabili ngeveke, ngikhupha umnikelo wokwetjhumi kwakho koke engikuzuzako.’

ULUKASI 2:37

Ngemva kwalapho waba mhlolokazi bewaba neminyaka ematjhumi abunane nane. Azange akhe asuke ethempelini kodwana bekadumisa ubusuku nemini, azila ukudla athandaza.

IZENZO ZABAPOSTOLI 10:30

UKorneliyasi waphendula wathi: “Amalanga amane adlulileko, bengithandaza ngingendlinami ngesikhathesi, ngesimbi yesithathu malangantambama: Khonokho kwajama phambi kwami indoda yembethe izambatho eziphazimako.

IZENZO ZABAPOSTOLI 14:23

Kelinye nelinye ibandla bazikhethela abaphathi; ngomthandazo nokuzila babanikela kuZimu, ogade babeke ithemba labo kuye.

1 KWEBEKORINTE 7:5

Ningagodlelani, ngaphandle kwalokha nanivumeleneko begodu kungekwesikhatjhana ukuze nizinikele emthandazweni. Ngemva kwalapho-ke nibuye godu nihlangane ukuze uSathana anganilingi ngebanga lokungakwazi kwenu ukuzibamba.

2 KWEBEKORINTE 11:27

Ngisebenze nzima ngazikhandla, ngasikhathi ngingalali. Ngiphethwe yindlala nomrhawu, ngahlala nginganakudla. Ngiququdwe makhaza nginganazambatho.

2 KWEBEKORINTE 6:5

ngokubethwa, ngokubotjhwa, ngemiguruguru, ngokutjhikatjhika, ngokungalali ebusuku kanye nangendlala.