UMATEWU 5:19 - IsiNdebele 2012 Translation

¹⁹ Yeke, nanyana ngubani owephula ngitjho nomncani wemiyalo le bese afundise nabanye ukwenza njalo, uzakubizwa bona mncani embusweni wezulu. Kodwana nanyana ngubani oyenzako abe ayifundise, uzakubizwa bona mkhulu embusweni wezulu

UMATEWU 5:19 Iomraidhean Croise

AMARHUBO 119:128

nokobana ngiyelela ngokupheleleko zoke iimfundiso zakho, ngizonda yoke indlela yamanga.

AMARHUBO 119:6

Angekhe ngaba neenhloni lokha nangitjheja yoke imiyalwakho.

UDANYELA 12:3

Abahlakaniphileko bazakukhanya njengokudarha komkayi, kuthi labo abadosela abanye emthethweni wokulunga, bakhanye nini nanini njengeenkwekwezi.

UMATEWU 11:11

“Ngiqinisile ngiyanitjela bona akukho noyedwa phakathi kwalabo ababelethwe ngowesifazi owavela waba mkhulu kunoJwanisi uMbhabhadisi. Nanyana kunjalo, omncani embusweni wezulu, mkhulu kunoJwanisi.

UMATEWU 19:28

UJesu wathi kibo: “Ngiqinisile ngiyanitjela bona ephasini elitjha lokha iNdodana yoMuntu nayihlezi esihlalweni sayo sobukhosi esiphazimulako, nina ebeningilandela, nani nizokuhlala eenhlalweni zobukhosi ezilitjhumi nambili, nigwebe iinkoro ezilitjhumi nambili zakwa-Israyeli.

UMATEWU 20:26

Yeke, akusinjalo kini! Nanyana ngubani phakathi kwenu ofuna ukuba mkhulu, kufanele abe yincekwenu.

UMATEWU 28:20

nibafundise ukwenza koke enginiyale ngakho. Ngambala nginani njalo bekube sekupheleni kwesikhathi.”

ULUKASI 1:15

ngombana izakuba yikulu emehlweni kaSomnini. Ingaseli iwayini namkha esinye nesinye isiselo esiwunyelweko. Izakuzaliswa ngoMoya oCwengileko kwekubelethweni kwayo.

ULUKASI 11:42

“Maye kini baFarisi! Ninikela uZimu kwetjhumi komnono wenu, umkhiqizo kanye nayo yoke imihlobo yemirorho yeemvande zenu, kodwana aniyeleli ukulunga nokuthanda uZimu. Benifanele nenze koke lokho, kodwana ningakulisi nokhunye.

ULUKASI 9:48

Wathi kibo: “Nanyana ngubani owamukela umntwana omncani lo ebizweni lami, wamukela mina; naloyo owamukela mina, wamukela loyo ongithumileko. Ngambala loyo ongomncani phakathi kwenu noke nguye ongomkhulu.”

IZENZO ZABAPOSTOLI 1:1

Indaba yokuthoma Theyofilusi, ngatlola ngazo zoke izinto uJesu athoma ukuzenza nokuzifundisa,

KWEBEROMA 3:8

Kungebanga lani-ke singathi: “Asenzeni okumbi ukuze kuvele okuhle” na? Iye, sitjho njalo njengombana abantu abathileko nabasithukako bathi sitjho njalo. Abantwabo, ukulahlwa kwabo kubafanele.

KWEBEROMA 6:1

Alo-ke sizakuthini na? Kufanele sirage siphile esonweni ukuze kuvame umusa na?

KWEBEROMA 6:15

Alo sizakuthini na? Sizakona ngombana batjho asisingaphasi komthetho kodwana singaphasi komusa na? Nakanye!

UDUTERONOMI 12:32

Tjhejani ukuphetha elinye nelinye ilizwi enginiyale ngalo; ningangezeleli namkha niphungule kilo.

UDUTERONOMI 27:26

“Akanikelelwe umuntu ongadzimeleli emazwini womthetho lo.” Boke abantu bazakuthi: “Amen!”

1 UTHIMOTHI 6:11

Kodwana wena-ke muntu kaZimu, kubalekele koke lokho uphikelele ukulunga, ukumesaba uZimu, ukukholwa, ithando, ukunyamezela nobumnene.

UTITOSI 3:8

Liqinisile ilizwi leli. Ngithanda bona ugandelele ezintweni lezi khona kuzakuthi labo abakholwa kuZimu bayelele ukuzinikela ekwenzeni imisebenzi emihle. Izinto lezo zihle begodu zilisizo kibo boke.

1 UPITROSI 5:4

Kuzakuthi mhlana uMelusi omkhulu abonakalako, nizuze isihlohlo sephazimulo esingabhabhukiko.

1 UJWANISI 3:4

Loyo owenza isono weqa umthetho ngombana isono sikukweqa umthetho.

ISAMBULO 2:20

Kodwana indabami ngawe kukobana unyamezelela umfazi okuthiwa nguJezebheli, ozibiza athi umphorofidi bona afundise iinsebenzi zami bona zenze ubufebe nokudla okuhlatjelwe iinthombe.

1 USAMYELA 2:30

“Nje-ke mina Somnini, uZimu wakwa-Israyeli ngithi ngathembisa bonyana indlwakho nendlu kayihlo nizakusebenza e-aldarini lami ngeenkhathi zoke. Kodwana kwanjesi nginisuthi ngombana ngidumisa abangidumisako nginyaze abanginyazako.