UMATEWU 5:18 - IsiNdebele 2012 Translation

¹⁸ Ngambala ngiyanitjela bona kungakadluli izulu nephasi, akunaledere nalinye, ngitjho nesiqetjhana segama esizokudlula emthethweni bekupheliswe koke.

UMATEWU 5:18 Iomraidhean Croise

AMARHUBO 102:26

Wabeka iinsekelo zephasi emandulo namazulu amsebenzi wezandla zakho.

AMARHUBO 111:8

Mbala inzinzile nini nanini ngombana yenziwa ngeqiniso nangobuqotho.

AMARHUBO 119:152

Bengiseze nginelemuko lobufakazi bakho kwakade: Wabunzinzisa bajama isiphelani.

U-ISAYA 40:8

Utjani buyatjhwaba nelikhwa libune, kodwana ilizwi lakaZimu lijame ngokungapheliko.”

U-ISAYA 44:26

Uzalisa ilizwi lencekwakhe aphumelelise ihlelo elamenyezelwa ziinthunywa zakhe, uthi ngeJerusalema, “Izakuhlalwa babantu”; athi ngamadorobho wakwaJuda, “Azakuvuselelwa; iye, ngizakwakha butjha ebekubhuruziwe.”

U-ISAYA 51:6

Phakamiselani amehlwenu emazulwini, nirhuluphele iphasi phasi: Amazulu anganyelela njengentuthu, iphasi libhabhuke njengesambatho ngokufanako nabahlali balo bangafa, kodwana isindiswami izakujama isiphelani, ihlalohle yami angeze yabhujiswa.

UMATEWU 10:15

Ngiqinisile ngiyanitjela bona kuzokuba ngcono enarheni yeSodoma neGomora ngomhla wokuphela kunomuzi lowo.”

UMATEWU 10:23

Lokha nabanizumako kelinye idorobho, balekelani kelinye. Ngiqinisile ngiyanitjela bona angekhe naqeda ukudabula emadorobheni wakwa-Israyeli, iNdodana yoMuntu ingakafiki.

UMATEWU 10:42

Nanyana ngubani oseza omunye wabancancanaba ngitjho ithosana lamanzi aqandako ngombana amfundi wami, ngiqinisile ngiyanitjela bona angeze alahlekelwa mvuzwakhe.”

UMATEWU 11:11

“Ngiqinisile ngiyanitjela bona akukho noyedwa phakathi kwalabo ababelethwe ngowesifazi owavela waba mkhulu kunoJwanisi uMbhabhadisi. Nanyana kunjalo, omncani embusweni wezulu, mkhulu kunoJwanisi.

UMATEWU 13:17

Ngambala ngiqinisile ngithi kini: Abaphorofidi abanengi nabantu abalungileko bakhanukela ukubona lokho enikubonileko, kodwana azange bakubone, nokuzwa enikuzwileko, kodwana azange bakuzwe.”

UMATEWU 16:28

Ngiqinisile ngiyanitjela bona abanye abajame lapha njenganje angeze bakubona ukufa bangakaboni iNdodana yoMuntu isiza ngombuswayo.”

UMATEWU 17:20

UJesu waphendula wathi: “Kungombana ninokukholwa okubogabogako. Ngiqinisile ngiyanitjela bona ingathana beninokukholwa okulingana nembewu yemastadi, beningathi entabeni le, ‘Suka lapha uye laphaya,’ beyizakuvele isuke. Akunalitho ebelizanibhalela!

UMATEWU 18:18

“Ngiqinisile ngiyanitjela bona nanyana yini eniyibopha ephasini izakubotjhwa nezulwini nenikuthukululako ephasini kuzakuthukululwa nezulwini.

UMATEWU 18:3

wathi: “Ngiqinisile ngiyanitjela bona ngaphandle kobanyana niphenduke nibe njengabantwana, angekhe nangena embusweni wezulu.

UMATEWU 19:23

Yeke uJesu wathi ebafundini bakhe: “Ngiqinisile ngiyanitjela bona kulikhuni kobana umuntu osigwili angene embusweni wezulu.

UMATEWU 19:28

UJesu wathi kibo: “Ngiqinisile ngiyanitjela bona ephasini elitjha lokha iNdodana yoMuntu nayihlezi esihlalweni sayo sobukhosi esiphazimulako, nina ebeningilandela, nani nizokuhlala eenhlalweni zobukhosi ezilitjhumi nambili, nigwebe iinkoro ezilitjhumi nambili zakwa-Israyeli.

UMATEWU 21:21

UJesu waphendula wathi: “Ngiqinisile ngiyanitjela bona naninokukholwa ningazazi, anizukwenza kwaphela okwenziwe emthini wamakhiwani lo, kodwana ningatjho nentabenapha nithi, ‘Suka, uziphosele ngelwandle,’ yeke kuzakwenzeka lokho.

UMATEWU 21:31

Ngiyiphi-ke phakathi kwamabili la eyenze ekufunwa nguyise na?” Bamphendula bathi: “Yokuthoma.” Yeke uJesu wathi kibo: “Ngiqinisile ngiyanitjela bona abathelisi neengwadla zingena embusweni kaZimu phambi kwenu.

UMATEWU 23:36

Ngiqinisile ngiyanitjela bona koke lokhu kuzakwehlela phezu kwesizukulwanesi.

UMATEWU 24:2

Wathi kibo: “Niyazibona zoke izintwezi na? Ngiqinisile ngiyanitjela bona akunalitje nalinye lapha elizakusala liphezu kwelinye, elinye nelinye lawo lizokugirika.”

UMATEWU 24:47

Ngiqinisile ngiyanitjela bona uzayibeka bona yeluse yoke ipahlakhe.

UMATEWU 25:12

Kodwana umyeni wawaphendula wathi, ‘Ngiqinisile ngiyanitjela ngithi anginazi.’

UMATEWU 25:40

IKosi izakuphendula ithi, ‘Ngiqinisile ngiyanitjela bona lokha nanenzela oyedwa wabafowethu abancancanaba, nenzele mina.’

UMATEWU 25:45

IKosi izakuphendula ithi, ‘Ngiqinisile ngiyanitjela bona nanyana yini eningazange niyenzele ngitjho noyedwa walaba, nami semlunga ningakangenzeli ilitho.’

UMATEWU 5:26

Ngiqinisile ngithi kuwe uzakubhadla ngapho kufikela bewukhokhe ngitjho nopenyanakho wokugcina.”

UMATEWU 6:16

“Nanizila ukudla, ningatjhitjhibalisi ubuso njengabazenzisi ngombana banyukubalisa ubuso babo ukubonisa abantu bonyana bazile ukudla. Ngiqinisile ngiyanitjela bona sele bamukele umvuzwabo ngokupheleleko.

UMATEWU 6:2

“Nje-ke lokha nanipha abadududu, ningamemezeli ngeemporompita njengombana kwenza abazenzisi ngemasinagogini neendledlaneni ukuze bahlonitjhwe babantu. Ngiqinisile ngiyanitjela bona sele bamukele umvuzwabo ngokupheleleko.

UMATEWU 8:10

Lokha uJesu nezwa lokhu, warareka bewathi ebantwini ebebamlandela: “Ngiqinisile ngiyanitjela bona azange khengifumane noyedwa kwa-Israyeli onokukholwa okungaka.

UMARKOSI 10:15

Ngiqinisile ngiyanitjela bona nanyana ngubani ongamukeli umbuso kaZimu njengomntwana, ngeze angena kiwo.”

UMARKOSI 10:29

UJesu wathi: “Ngiqinisile ngiyanitjela bona akakho noyedwa otjhiye umuzi, abafo, abodade, umma, ubaba, abantwana namasimu ngebanga lami nevangeli,

UMARKOSI 11:23

Ngiqinisile ngiyanitjela bona loyo othi entabeni le, ‘Khamba uyoziphosela ngelwandle’, angazazi ehliziywenakhe, kodwana akholwe bona lokho akutjhoko kuzakwenzeka, ngambala uzakwenzelwa khona.

UMARKOSI 12:43

UJesu wabizela abafundi bakhe ndawonye, wathi kibo: “Ngiqinisile ngiyanitjela bona umhlolokazi okhwahlileko lo uphosele enengi ngesilulwini kunabo boke.

UMARKOSI 13:30

Ngiqinisile ngiyanitjela bona isizukulwanesi ngambala asisoze sadlula kungakenzeki zoke izintwezi.

UMARKOSI 14:18

Kwathi basazigedle etafuleni bagoma, uJesu wathi: “Ngiqinisile ngiyanitjela bona omunye kinapha uzongikhaphela; iye, loyo onghwatha nami.”

UMARKOSI 14:25

Ngiqinisile ngiyanitjela bona angekhe bengisasela godu isithelo sesidiribe bekube kumhlana ngisisela sisitjha embusweni kaZimu.”

UMARKOSI 14:30

UJesu wathi: “Ngiqinisile ngiyakutjela bona ngobusukobu, ngaphambi kobana umkukurumbu ulile kabili, uzabe ungiphike kathathu.”

UMARKOSI 14:9

Ngiqinisile ngiyanitjela bona kuphi nakuphi lapha kutjhunyayelwa khona ivangeli ephasini loke, lokho akwenzileko kuzakhulunywa ngakho kube sikhumbuzo ngaye.”

UMARKOSI 3:28

“Kwamambala ngiyanitjela bona zoke izono kanye neenhlamba zabantu bazakulitjalelwa zona.

UMARKOSI 6:11

Nakube kunalapha ningamukelekiko khona, namkha lapha ningalalelwako khona, thintithani ithuli eenyaweni zenu nikhambe. Lokho kuzakuba bufakazi obujamelene nabo.”

UMARKOSI 8:12

Wadosa ummoya kabuhlungu wathi: “Kubayini isizukulwanesi sibawa isibonakaliso na? Ngiqinisile ngiyanitjela bona akunasibonakaliso esizakunikelwa sona.”

UMARKOSI 9:1

Wathi kibo: “Ngiqinisile ngiyanitjela bonyana abanye benu abajame lapha abazukufa bangakaboni umbuso kaZimu usiza ngamandla.”

UMARKOSI 9:41

Ngiqinisile ngiyanitjela bona nanyana ngubani oninikela ikapho yamanzi ebizweni lami ngombana ningebakaKrestu, ngambala angeze alahlekelwa mvuzwakhe.”

ULUKASI 11:51

Iye, ukuthoma ngeengazi zaka-Abela ukufikela kezakaZakariya, owabulawa hlangana ne-aldari nethempeli. Ngambala ngiyanitjela bona isizukulwanesi sizoziphendulela ngakho koke lokho.

ULUKASI 12:37

Kuzakuba kuhle eencekwinezo ekuzakuthi ikosazo nayifikako izifunyane ziqaphile. Ngiqinisile ngiyanitjela bona izakwembatha izambatho zokusebenza, izihlalise etafuleni bese iyazitenda.

ULUKASI 13:35

Qalani, ikumbenu itjhiywe kini ingasenamuntu. Ngiyanitjela bona asoze benisangibona kufikela lapha nithi khona, ‘Ubusisiwe loyo oza ebizweni lakaSomnini.’ ”

ULUKASI 16:17

Kulula bonyana izulu nephasi kuphele kunobana kungawa ithorwana yomthetho.

ULUKASI 18:17

Ngiqinisile ngiyanitjela bona nanyana ngubani ongekhe amukela umbuso kaZimu njengomntwana, angekhe angena kiwo.”

ULUKASI 18:29

UJesu wathi kibo: “Ngiqinisile ngiyanitjela bona akakho noyedwa otjhiye ikhaya lakhe namkha umkakhe, abafowabo, ababelethi bakhe nabantwabakhe ngebanga lombuso kaZimu,

ULUKASI 23:43

UJesu wathi kiso: “Ngiqinisile ngiyakutjela bona namhlanjesi uzakuba nami ePharadesi.”

ULUKASI 4:24

UJesu waraga wathi: “Ngiqinisile ngiyanitjela bona akunamphorofidi owakhe wamukeleka enarheni yekhabo.

UJWANISI 1:51

Wathi godu kibo: “Kwamambala ngiqinisile ngithi: Nizokubona izulu livuleka, iingilozi zakaZimu zehla zenyuka phezu kweNdodana yoMuntu.”

UJWANISI 10:1

“Kwamambala ngiqinisile ngithi kini: Umuntu ongangeni esibayeni sezimvu ngesango, kodwana ongena ngokweqa ngenye indlela, ulisela nomdlelezeli.

UJWANISI 10:7

Yeke uJesu wathi godu: “Kwamambala ngiqinisile ngithi kini: Ngilisango lezimvu.

UJWANISI 12:24

Kwamambala ngiqinisile ngithi kini: Lokha ithoro yekoroyi iwela equlwanini ingafi, ihlala injalo. Kodwana nangabe iyafa, ihloma iinthelo ezinengi.

UJWANISI 13:16

Kwamambala ngiqinisile ngithi kini: Ayikho inceku ekulu kunekosayo, akakho nomzenda omkhulu kunaloyo omthumileko.

UJWANISI 13:38

UJesu waphendula wathi: “Kungabe uqinisile bona sewubhincele ukudela ukuphila kwakho ngebanga lami na? Kwamambala ngiqinisile ngithi kuwe: Umkukurumbu ungakalili, uzabe sele ungiphike kathathu.”

UJWANISI 14:12

Kwamambala ngiqinisile ngithi kini: Loyo okholwa kimi, uzakwenza lokho engikwenzako. Iye, uzakwenza ngitjho izinto ezikulu kunalezi ngombana ngiya kuBaba.

UJWANISI 16:20

Kwamambala ngiqinisile ngithi kini: Nizakulila nibibitheke, kodwana iphasi lizakuthaba. Nina nizakuba lisizi kodwana isizi lenu lizakuphenduka ukuthaba.

UJWANISI 16:23

“Mhlokho angekhe nabawa ilitho kimi. Kwamambala ngiqinisile ngithi kini: UBaba uzanipha nanyana yini enizayibawa ngebizo lami.

UJWANISI 21:18

Kwamambala ngiqinisile ngithi kuwe: Nawusemutjha bephele ubhince uye nanyana kukuphi lapha uthanda khona. Kodwana nasele uluphele, uzakuthabulula izandla zakho omunye akwembese akuse lapha ungafuni ukuya khona.”

UJWANISI 3:11

Kwamambala ngiqinisile ngithi kuwe: Sifakaza ngalokho esikwaziko, sibike lokho esikubonileko, khonapho nina bantu anamukeli ubufakazi bethu.

UJWANISI 3:3

UJesu wamphendula wathi: “Kwamambala ngiqinisile ngithi: Akakho noyedwa ozakubona umbuso kaZimu ngaphandle kobanyana abelethwe butjha.”

UJWANISI 3:5

UJesu wamphendula wathi: “Kwamambala ngiqinisile ngithi kuwe: Akakho noyedwa ozakungena embusweni kaZimu ngaphandle kobana abelethwe ngamanzi nangoMoya.

UJWANISI 5:19

Yeke uJesu waphendula wathi: “Kwamambala ngiqinisile ngithi kini: INdodana angekhe yenza ilitho ngokwayo, yenza lokho ebone uYise akwenza. Okwenziwa nguYise, neNdodana iyakwenza

UJWANISI 6:26

UJesu waphendula wathi: “Kwamambala ngiqinisile ngithi kini: Aningifuni ngombana nabona iimbonakaliso, kodwana ningifuna ngombana nadla izikwa, nasutha.

UJWANISI 6:32

Yeke uJesu wathi kibo: “Kwamambala ngiqinisile ngithi: Akusuye uMosi owanipha isikwa esivela ezulwini; nguBaba opha isikwa samambala esivela ezulwini

UJWANISI 6:47

Kwamambala ngiqinisile ngithi kini: Okholwako unokuphila okungapheliko.

UJWANISI 6:53

UJesu wathi kibo: “Kwamambala ngiqinisile ngithi kini: Naningagomi inyama yeNdodana yoMuntu nisele neengazi zayo, angekhe naba nokuphila.

UJWANISI 8:34

UJesu wathi kibo: “Kwamambala ngiqinisile ngithi: Woke owonako ulikhoboka lesono.

UJWANISI 8:51

Kwamambala ngiqinisile ngithi kini: Olonda ifundiswami angeze afa.”

UJWANISI 8:58

UJesu waphendula wathi: “Kwamambala ngithi kini: Angakabikho u-Abrahamu, mina besele ngikhona.”

1 UPITROSI 1:25

kodwana ilizwi lakaSomnini lijame ngokungapheliko.” Ilizwelo ziindaba ezimnandi ezatjhunyayelwa kini.

ISAMBULO 20:11

Ngabona isihlalo sobukhosi esikhulu nesimhlophe naloyo ohlezi kiso. Iphasi nesibhakabhaka kwabaleka phambi kwakhe, kwanyamalala.