UMATEWU 5:16 - IsiNdebele 2012 Translation

¹⁶ Ngokunjalo akukhanye ukukhanya kwenu phambi kwabantu ukuze babone imisebenzenu emihle, badumise uYihlo osezulwini.”

UMATEWU 5:16 Iomraidhean Croise

U-EKSODUSI 34:35

ama-Israyeli aphele abona bonyana ubuso bakaMosi buyaphazimula. Yeke uMosi gade azigubuzesa ngesiyaya godu kufikela lapha ayokhuluma khona noSomnini.

IZAGA 4:18

Umzila wabalungileko ufana nomkhanyo welanga: Ukusukela ekuphumeni kwalo, umkhanyo lo ukhanya ukuya ngokuya bekube semini.

U-ISAYA 58:8

Nje-ke, ukukhanya kwakho kuzakudarha njengokusa, nokuphola kwakho kubonakale masinyana; ukulunga kwakho kukhambe phambi kwakho nephazimulo kaSomnini izakuba ngekwelusileko ngemva kwakho.

U-ISAYA 61:3

iye, ngibonelele abalilako eZiyoni ngokubapha isihlohlo esikhundleni somlotha, amafutha wokujabula esikhundleni sokulila nengubo yokudumisa esikhundleni sommoya odanileko. Bazakubizwa bona bama-owuku wokulunga nesitjalo sakaSomnini ukuze babonakalise idumo lakhe.

UMATEWU 23:5

Koke abakwenzako bakwenzela ukubonwa babantu: Benza amafilakteriya wabo abe makhulu namatjharha weemphuraphura zabo made.

UMATEWU 23:9

Godu ningabizi noyedwa ephasinapha ngokuthi ‘Baba’ ngombana ninoBaba oyedwa osezulwini.

UMATEWU 5:45

ukuze nibe bantwana bakaYihlo osezulwini ngombana wenza ilanga lakhe liphumele abambi nabalungileko, anise nezulu kabalungileko nabakhohlakeleko.

UMATEWU 6:16

“Nanizila ukudla, ningatjhitjhibalisi ubuso njengabazenzisi ngombana banyukubalisa ubuso babo ukubonisa abantu bonyana bazile ukudla. Ngiqinisile ngiyanitjela bona sele bamukele umvuzwabo ngokupheleleko.

UMATEWU 6:9

Nasi-ke indlela ekumele nithandaze ngayo, “ ‘Baba wethu osezulwini, alicwengiswe ibizo lakho,

UMATEWU 9:8

Kwathi bonyana abantu bakubone lokho, besaba, badumisa uZimu ophe abantu amandla angaka.

ULUKASI 11:2

Wathi kibo: “Nanithandazako, yithini: “ ‘Baba, ibizo lakho alicwengiswe, umbuswakho awufike.

UJWANISI 15:8

UBaba uphazimuliswa kuthela kwenu iinthelo ezinengi, khona nizakuba bafundi bami.

IZENZO ZABAPOSTOLI 9:36

NgeJopa bekukhona umfundikazi, ibizo lakhe elinguThabitha, nakutjhugululwako ngesiGirigi kutjho uDorkasi. Gade azinikele ukwenza okulungileko asiza nabadududu.

1 KWEBEKORINTE 14:25

bekuthi iimfihlo zehliziywakhe zivele etjhatjhalazini. Ngaleyondlela uzakuguqa phasi adumise uZimu arhuwelele athi: “Ngambala uZimu uphakathi kwenu.”

2 KWEBEKORINTE 9:13

Ngebanga lomsebenzi enizibonakalise ngawo lo, abantu bazakudumisa uZimu ngokuzithoba okukhambisana nokutjhumayela kwenu ivangeli lakaKrestu kanye nomusa wenu omkhulu ekwabelaneni nabo kanye nabantu boke.

KWEBEGALATIYA 1:24

Yeke badumisa uZimu ngebanga lami.

KWEBE-EFESU 2:10

Thina simsebenzi wezandla zakhe, kuKrestu Jesu kobana senze imisebenzi emihle uZimu asilungiselele yona ngaphambilini ukuze siphile kiyo.

KWEBE-EFESU 5:8

Nani nakhe naba bumnyama, kodwana gadesi sele nikukhanya eKosini. Philani njengabantwana bokukhanya

1 KWEBETHESALONIKA 2:12

sanikhuthaza, saniduduza besanitjitjizela bona niphile ipilo efanele uZimu onibizela embuswenakhe nephazimulwenakhe.

1 UTHIMOTHI 2:10

kodwana akube ngemisebenzi emihle, njengombana kufanele abafazi abathi besaba uZimu.

1 UTHIMOTHI 5:10

nakube akanayo imisebenzi emihle njengokukhulisa kuhle abantwana, ukuphatha kuhle abayeni, ukuqopha iinyawo zabacwengileko, ukusiza abahlunguphaziweko nokuzinikela ekwenzeni okuhle nanyana ngayiphi indlela.

1 UTHIMOTHI 5:25

Godu ngokunjalo nemisebenzi elungileko isebaleni, sengitjho naleyo engabonakali kuhle ayisitheki.

1 UTHIMOTHI 6:18

Bayale benze okuhle, banothe ngemisebenzi emihle; baphane babele abanye.

UTITOSI 2:14

owazinikela ngebanga lethu ukuze asihlenge ekukhohlakaleni koke, azihlambululele abantu bakhe abatjhisekela imisebenzi emihle.

UTITOSI 2:7

Wena-ke zibonakalise kikho koke usibonelo semisebenzi emihle; ekufundiseni kwakho ubonise ubuqotho nokuncama,

UTITOSI 3:14

Abantu bethu kufanele bafunde ukuzinikela ekwenzeni imisebenzi emihle, khona bazakwazi ukusiza lapho kuhlongeka khona, bangabi ngabanganazo iinthelo.

UTITOSI 3:4

Kodwana lokha ukulunga nethando lakaZimu uMsindisethu nalibonakaliswako,

AMAHEBHERU 10:24

Asitjhejeni bona singakhuthazana njani ethandweni nemisebenzini emihle;

1 UPITROSI 2:12

Philani ipilo elungileko hlangana nabangakholwako ukuze kuthi nanyana banisola ngokwenza okumbi, babone imisebenzenu emihle badumise uZimu ngelanga lamatlhuwo.

1 UPITROSI 2:9

Kodwana nina nisisizwe esikhethiweko, ubuphristi bobukhosi, isizwe esicwengileko, abantu ekungebakaZimu kobana nitjhumayele imisebenzi yamandla yaloyo owanibiza bona niphume ebumnyameni nize ekukhanyeni kwakhe okukarisako.

1 UPITROSI 3:1

Ngokunjalo nani bafazi, thobelani amadodenu ukuze kuthi nanyana kukhona amanye angalaleli ilizwi, azuzeke ngaphandle kwekulumo, kodwana ngokuziphatha kwabafazi bawo,

1 UPITROSI 3:16

Kodwana lokho nikwenze ngobumnene nangehlonipho. Nibe nesazelo esimsulwa ukuze kuthi nabaninyefulako labo abanithukako ngokuziphatha kuhle kwenu kuKrestu, babe neenhloni.

1 UPITROSI 4:11

Okhulumako akakhulume kube njengokwamezwi kaZimu, osebenzako kube njengokwamandla uZimu amuphe wona ukuze kikho koke kudunyiswe uZimu ngoJesu Krestu. Kuye akube lidumo namandla nini nanini. Amen.

1 UPITROSI 4:14

Nibusisiwe nabanithukako ngebanga lebizo lakaKrestu ngombana uMoya wephazimulo newakaZimu uphezu kwenu.