UMATEWU 5:14 - IsiNdebele 2012 Translation

¹⁴ “Nina nimkhanyo wephasi. Umuzi owakhiwe entabeni angekhe wafihleka.

UMATEWU 5:14 Iomraidhean Croise

IZAGA 4:18

Umzila wabalungileko ufana nomkhanyo welanga: Ukusukela ekuphumeni kwalo, umkhanyo lo ukhanya ukuya ngokuya bekube semini.

UHEZEKIYELI 5:5

“Nakhu okutjhiwo nguSomnini uSomandla, ‘Leli liJerusalema engalibeka ekabeni yezizwe, neenarha zilibhode mazombe.

UJWANISI 12:36

Kholwani emkhanyweni, ikani nisesenawo, khona nizakuba bantwana bomkhanyo.” UJesu selaqedile ukukhuluma, wakhamba wayozifihla.

UJWANISI 5:35

UJwanisi bekanjengesibani, sivutha sikhanyisa, navuma isikhatjhana ukuzitika ngomkhanyo wakhe.

UJWANISI 8:12

UJesu wakhuluma ebaFarisini godu wathi: “Mina ngikukhanya kwephasi. Loyo ongilandelako angekhe akhamba ebumnyameni kodwana uzakuba nokukhanya kokuphila.”

UJWANISI 9:5

Ikani ngisesephasini, ngimkhanyo wephasi.”

2 KWEBEKORINTE 6:14

Ningazihlanganisi nabangakholwako. Kunabudlelwano bani phakathi kwabalungileko nabangakalungi na? Namkha kunahlanganyelo bani phakathi komkhanyo nobumnyama na?

KWEBEFILIPI 2:15

ukuze ningasoleki begodu nibe msulwa, nibe bantwana bakaZimu abanganabala hlangana nesizukulwana esiphambeneko nesikhohlakeleko, eniphazima hlangana naso njengeenkwekwezi ephasini.

1 KWEBETHESALONIKA 5:5

Nina noke nje nibantwana bokukhanya nabantwana bemini; asisibo bebusuku namkha bobumnyama.

ISAMBULO 1:20

Ifihlakalo yeenkwekwezi ezilikhomba ozibonileko ngesidleni sami kanye nezinti zegolide zeembani ezilikhomba zingilokhu: Iinkwekwezi ezilikhomba ziziingilozi zamabandla alikhomba nezinti zeembani ezilikhomba zegolide zimabandla alikhomba.”

ISAMBULO 2:5

Khumbula lapho uwe khona, uphenduke wenze imisebenzi ebewuyenza ekuthomeni. Nakungasinjalo ngizokuza kuwe, ngisuse ilithi lesibani endawenalo nawungaphendukiko.