UMATEWU 4:16 - IsiNdebele 2012 Translation

¹⁶ Abantu abahlezi ebumnyameni babone umkhanyo omkhulu, nakilabo abahlezi enarheni yethunzi lokufa ukukhanya kufikile.”

UMATEWU 4:16 Iomraidhean Croise

UJOBHO 10:22

iye, inarha enethunzi elinzima nesiyaluyalu, lapha umkhanyo wakhona inga bumnyama.’ ”

UJOBHO 3:5

Alembathwe bumnyama, iye, ubumnyama obunzima tshu; amafu aligubuzese, lisatjiswe lithunzi elinzima lesiwuruwuru.

UJOBHO 34:22

Akunandawo emnyama, ngitjho nobumnyama obunzima tshu, lapha abenza okumbi bangabhaca khona.

AMARHUBO 44:19

Ihliziywethu akhange ihlanuke namagadangwethu akhange asuke endlelenakho,

U-ISAYA 9:1

Akuzokuba nokuphunyurha kilabo ababambeke ebumnyameni ngesikhatheso. Eenkathini ezadlulako wathobisa inarha yakwaZebuloni neyakwaNafthali, kodwana esikhathini esizako uzakuhlonipha iGalile labezizwe endleleni eya elwandle ngaphetjheya kweJordani.

U-ISAYA 9:2

Abantu abakhamba ebumnyameni babone ukukhanya okukhulu, kilabo abahlala enarheni yethunzi elesabekako ukukhanya kwakhanya phezu kwabo.

UJOROMIYA 13:16

Nikelani uSomnini uZimenu idumo ngaphambi kobana alethe ubumnyama, iye, ngaphambi kobana nizithareje emibundwini ebumnyameni. Nizakulinda umkhanyo, kodwana uzawenza ube lithunzi elesabekako iye, ubumnyama obumabhombo.

U-AMOSI 5:8

Ongumenzi wekwekwezi yesiLimela nekwekwezi yesiRuthwana; ophendula ubumnyama bube yitathakusa, kuthi imini ibe busuku; ubiza amanzi welwandle awaphalazele ebusweni benarha. Ibizo lakhe nguSomnini.

UMIKHA 7:8

Ungabukisi ngami wena sitha sami! Nanyana ngiwile nje, kodwana ngizakuvuka. Nanyana ngihlezi ebumnyameni nje, kodwana uSomnini uzakuba kukhanya kwami.

ULUKASI 2:32

Umkhanyo wesambulo sabatjhili nephazimulo ebantwini bakho u-Israyeli.”