UMATEWU 3:16 - IsiNdebele 2012 Translation

¹⁶ Kwathi msinyana bona uJesu abhajadiswe, waphuma ngemanzini. Khonokho izulu lavuleka, wabona uMoya kaZimu wehla njengezuba, wahlala phezu kwakhe.

UMATEWU 3:16 Iomraidhean Croise

U-ISAYA 11:2

UMoya kaSomnini uzakuba phezu kwalo, uMoya wokuhlakanipha nokuzwisisa, uMoya wokweluleka namandla, uMoya wokwazi nowokwesaba uSomnini.

U-ISAYA 42:1

USomnini wathi: “Nasi incekwami engisekelako, okhethiweko wami engithokozako ngaye, ngibeke uMoyami phezu kwakhe nje-ke uzakuletha ukunzinza ezizweni.

U-ISAYA 59:21

USomnini uthi: “Ngokuya ngami, lesi sivumelwano nesizwe sami: UMoyami ophezu kwakho namezwami engiwabeke emlonyenakho akazukusuka eembheneni zakho, namkha emilonyeni yabantwabakho, nanyana emilonyeni yeenzukulwana zabo ukusuka gadesi kuya kuyile.” Iye, watjho njalo uSomnini.

U-ISAYA 61:1

UMoya kaSomnini uSomandla uphezu kwami, ngombana ungizesile ukuze ngitjhumayele iindaba ezihle kabadududu. Ungithume kobana ngibophe abaneenhliziyo ezaphukileko, ukumemezela ikululeko kabathunjiweko nokukhupha iimbotjhwa,

UHEZEKIYELI 1:1

Kwathi ngomnyaka wamatjhumi amathathu, inyanga yesine inamalanga amahlanu, ngangiphakathi kwabathunjwa emlanjeni iKebari, izulu lavuleka ngabona imibono kaZimu.

UMARKOSI 1:10

Kuthe asaphuma ngemanzini, wabona izulu livuleka, uMoya wehlela phezu kwakhe njengezuba.

UJWANISI 1:51

Wathi godu kibo: “Kwamambala ngiqinisile ngithi: Nizokubona izulu livuleka, iingilozi zakaZimu zehla zenyuka phezu kweNdodana yoMuntu.”

UJWANISI 3:34

Loyo uZimu amthumileko ukhuluma amezwi kaZimu ngombana uZimu unikela uMoya ngokungalinganisi.

IZENZO ZABAPOSTOLI 1:22

kusukela ekubhabhadiseni kwakaJwanisi kufikela lapha uJesu enyuselwa khona ezulwini asuswa kithi. Kumele bona enye kiwo ibe ngufakazi kanye nathi wokuvuka kwakaJesu.”

IZENZO ZABAPOSTOLI 7:56

Wathi: “Qalani! Ngibona izulu livuleka neNdodana yoMuntu ijame ngesigomeni sakaZimu!”

1 UJWANISI 5:6

Nguye loyo oweza ngamanzi nangeengazi, uJesu Krestu; ingasi ngamanzi kwaphela, kodwana weza ngamanzi nangeengazi. UMoya nguye ofakazako ngombana uMoya uliqiniso.