UMATEWU 27:29 - IsiNdebele 2012 Translation

²⁹ Eluka isihlohlo sameva amthwesa sona. Amphathisa umgaba ngesandleni sakhe sesidla; aguqa ngaphambi kwakhe abukisa ngaye athi: “Bayede, kosi yamaJuda!”

UMATEWU 27:29 Iomraidhean Croise

AMARHUBO 69:7

Somnini, Somandla, Mninimandlawoke, abaqalelela kuwe, abangadaniswa ngenca yami. Zimu ka-Israyeli, abakufunako abangarhubutjhwa ngebanga lami.

U-ISAYA 49:7

Nakhu okutjhiwo nguSomnini, umHlengi noCwengileko ka-Israyeli kiloyo owanyazwa bewanyenywa sisizwe, iye, encekwini yababusi uthi: “Amakhosi namakhosana azakubona, aphakame. Azakuhloma iinhloko phasi ngebanga lakaSomnini othembekileko, iye, ngebanga loCwengileko ka-Israyeli okukhethileko.”

U-ISAYA 53:3

Yanyazeka beyalahlwa babantu, yaba mumuntu weensizi, yazi ukugula, njengomuntu osithezelwa ubuso. Iye, yanyazeka begodu azange siyihloniphe,

UJOROMIYA 20:7

Somnini, wena wangiyenga, ngayengeka; wangihlula, waphumelela. Imini yoke ngisihlekiso, woke umuntu uyangikokomeja.

UMATEWU 20:19

bayinikele ezandleni zabatjhili kobana bahlekise ngayo, bayirithe bebayibethele esiphambanweni. Kodwana elangeni lesithathu izakuvuka kabafileko.”

UMATEWU 26:49

UJudasi walunga thwi kuJesu, wathi: “Lotjha Rabi!” Wamncwanga.

UMATEWU 27:37

Ngehla kwehlokwakhe abeka umtlolo womlandu abamethwesa wona othi: “Lo nguJesu ikosi yamaJuda.”

UMARKOSI 15:17

Amembesa ingubo ebubende, eluka isihlohlo sameva amthwesa sona.

UMARKOSI 15:18

Athoma amkhulekela athi: “Bayede ngwenyama, kosi yamaJuda!”