UMATEWU 27:25 - IsiNdebele 2012 Translation

²⁵ Boke abantu baphendula bathi: “Iingazi zakhe azibe phezu kwethu nesizukulwana sethu!”

UMATEWU 27:25 Iomraidhean Croise

2 USAMYELA 1:16

UDavida wathi esokaneni: “Iingazi zakho azibe phezu kwehlokwakho ngombana namezwi womlomakho ayakufakazela nawuthi, ‘Ngibulele umzeswa kaSomnini.’ ”

1 AMAKHOSI 2:32

UZimu umthwese umlandu weengazi azithululako ngokumadlha abulale amadoda amabili, u-Abineri umsa kaNeri ogade ayinduna yebutho lakwa-Israyeli, no-Amasa umsa kaJeteri ogade ayinduna yebutho lakwaJuda. Womabili amadoda lawo gade kumadoda alungileko nangcono khulu kunaye. Koke lokhu wakwenza ngaphandle kokwazisa ubaba uDavida.

U-EKSODUSI 20:5

Ungazikhothameli izintwezo, ungazilotjhi ngombana mina Somnini nginguZimakho. NginguZimu onesikhwele owehlisela isibetho sezono zaboyise phezu kwabantwababo besizukulwana sesithathu nesesine salabo abangenzi intandwami.

UNUMERI 35:33

Ningasilaphazi inarha eniphila kiyo ngombana iingazi ziyayisilaphaza inarha. Akunatethelelo engenzelwa inarha ethulukelwe ziingazi ngaphandle kokuthululwa kweengazi zaloyo ozithululileko.

UMATEWU 21:44

Owela phezu kwelitjeli uzakuphuka abe ziinquqwana; kodwana loyo elizakuwela phezu kwakhe yena uzakutshidlheka.”

IZENZO ZABAPOSTOLI 18:6

Kuthe lokha nabamphikisako bakhuluma kumbi ngaye, wazibilayeza ngokuthintitha ithuli ezambathweni zakhe, wathi kibo: “Iingazi zenu azibe phezu kweenhloko zenu! Mina anginamlandu. Kusukela kwanjesi, ngizakuya kabatjhili.”

IZENZO ZABAPOSTOLI 5:28

“Sanikhalimela bona ningafundisi ngebizwelo! Kodwana nanyana kunjalo nirhatjhe ifundiswenu kilo loke iJerusalema benafuna bona sibe nomlandu weengazi zendoda le!”

IZENZO ZABAPOSTOLI 7:52

Nitjho bona ukhona umphorofidi abokhokho benu abangakhange khebamphathe kumbi na? Angithi babulala ngitjho nalabo abamemezela ngokuza koLungileko. Nje-ke nina nimkhaphele benambulala.

UDUTERONOMI 19:10

Ngaleyondlela iingazi ezinganamlandu angeze zathululwa enarheni uSomnini uZimenu aninikela yona kobana ibe lilifa lenu. Nakungasinjalo umlandu wokuthuluka kweengazi uzakuba phezu kwenu.

UDUTERONOMI 19:13

Ningamtlhuweli kodwana phelisani umlandu wokuthululwa kweengazi ezimsulwa kwa-Israyeli ukuze izinto zinikhambele kuhle.

UJOTJHUWA 2:19

Nakube nanyana ngubani onawe ngekumbeni uyathintwa, iingazi zakhe zizakuba phezu kweenhloko zethu. Kodwana nange kungaba nomuntu ophumela ngaphandle kweminyango yekumbakho, iingazi zakhe zizakuba phezu kwehlokwakhe, thina-ke asizukuba nomlandu.