UMATEWU 27:19 - IsiNdebele 2012 Translation

¹⁹ Kwathi uPilatu asahlezi esihlalweni sokugweba, umkakhe wamthumela umlayezo othi: “Ungabi nesandla endabeni yomuntu omsulwa loyo ngombana ngihlukumezeke khulu ebhudangweni ngaye.”

UMATEWU 27:19 Iomraidhean Croise

UGENESISI 31:11

Ingilozi kaZimu yathi kimi ebhudangweni, ‘Jakopo!’ ngathi, ‘Ngilapha!’

UGENESISI 31:24

UZimu waziveza kuLabani umAramu ngebhudango ebusuku wathi kuye: “Utjheje ikulumakho noJakopo.”

UGENESISI 31:29

Nginamandla wokunilimaza, kodwana ubusuku bayizolo uZimu waboyihlo uthe kimi, ‘Utjheje ikulumakho noJakopo.’

IZAGA 29:1

Umuntu okhunyalala ngekani ngemva kokusolwa, uzakutjhabalaliswa msinyana, angabi nentatha.

U-ISAYA 53:11

USomnini uthi: “Iye, ngemva kokuhlupheka kwepilwayo incekwami izakubona, izanelise ngelwazi layo. Izazibonakalisa ingelungileko kabanengi, yona izakuthwala iimphambeko zabo.

UZAKARIYA 9:9

Jekezela khulu wena ndodakazi yeZiyoni! Rhuwelela wena ndodakazi yeJerusalema! Qala, ikosakho iza kuwe, ilungile begodu iyahlula. Ithobekile begodu ikhwele udumbana, udumbana wamambala.

UNUMERI 12:6

USomnini wathi kibo: “Akhese nilalele la: Nakube kukhona umphorofidi hlangana nani, mina-ke Somnini ngizazazisa kuye ngombono, ngikhulume naye ngebhudango.

UMATEWU 1:20

Kwathi asakhumbula lokho, ingilozi kaSomnini yazibonakalisa kuye ebhudangweni yathi: “Josefa, sizukulwana sakaDavida, ungesabi ukuthatha uMariya abe mkakho ngombana lokho akubambileko kubuya kuMoya oCwengileko.

UMATEWU 2:19

Ngemva kokuhlongakala kwakaHerode, ingilozi kaSomnini yazibonakalisa kuJosefa ngebhudango eGibhide,

UMATEWU 2:22

Kodwana kwathi bona uJosefa ezwe bonyana u-Aritjhilawosi uthethe isihlalo sakayise uHerode eJudiya, wesaba ukuya lapho. Sele ayeleliswe ebhudangweni, waya esifundeni seGalile,

UMATEWU 27:18

Begade asazi bona kungebanga lomona ukobana banikele uJesu kuye.

UMATEWU 27:24

Kwathi uPilatu nabona bonyana akayindawo nabo, kodwana esikhundleni salokho bathoma ukuguruzela, wathatha amanzi wahlamba izandla zakhe phambi kwesiqubuthu, wathi: “Ngimsulwa ekuthululweni kweengazi zomuntu lo. Sekuziimbonwa ngini!”

UMATEWU 27:4

Wathi: “Ngonile ngokukhaphela iingazi ezinganamlandu.” Bamphendula bathi: “Kusitjhisa ngani-ke thina lokho? Ziimbonwa nguwe lezo.”

ULUKASI 23:41

Thina sibethwa ngokusifaneleko ngokwezenzo zethu. Kodwana indoda le ayikenzi ilitho elimbi.”

ULUKASI 23:47

Umphathimabutho wathi nabona okwenzekileko, wadumisa uZimu, wathi: “Kwamambala umuntu lo bekalungile!”

UJWANISI 19:13

Kuthe lokha uPilatu nakezwa amezwi la, wakhuphela uJesu ngaphandle, wahlala esihlalweni somgwebi endaweni okuthiwa yiGabatha ngesiHebheru.

IZENZO ZABAPOSTOLI 12:21

Ngelanga elibekiweko uHerode wembatha isambatho sakhe sobukhosi wahlala esihlalweni sakhe sobukhosi, wethula ikulumo ebantwini.

IZENZO ZABAPOSTOLI 18:12

Kuthe bona uGaliyo abe mbusi we-Arhaya, amaJuda ahlangana asahlela uPowula amdosela phambi kwekundla,

IZENZO ZABAPOSTOLI 18:16

Nje-ke wabaqotjha ekundleni.

IZENZO ZABAPOSTOLI 18:17

Boke babhudungela uSosithenesi umphathi wesinagogi, bambetha phambi kwekundla. Kodwana uGaliyo akhange akunake lokho.

IZENZO ZABAPOSTOLI 25:10

UPowula wathi: “Ngijame phambi kwebandla lombusi omkhulu, lapha kufuze ngigwetjwe khona. Angikenzi ilitho elimbi emaJudeni, njengombana nawe usazi kuhle.

IZENZO ZABAPOSTOLI 25:17

Kuthe bona bahlangane lapha, akhange bengisariyada. Ngelanga elilandelako ngahlala endawenami yokugweba ngathi bamngenise.

IZENZO ZABAPOSTOLI 25:6

Sele ahlezi nabo amalanga abunane ukuya kalitjhumi, wabuyela eKhesariya. Ngelanga elilandelako wahlala esihlalweni sokugweba, wayala bona uPowula alethwe.

1 UPITROSI 2:22

“Ongazange enze isono, akhange kufunyanwe ikohliso emlonyenakhe.”

1 UJWANISI 2:1

Bantwana bami, nginitlolela lokhu ukuze ningoni. Kodwana nakube kukhona owonako, sinomkhulumeli kuBaba, nguJesu Krestu olungileko;