UMATEWU 26:41 - IsiNdebele 2012 Translation

⁴¹ Yelelani nithandaze ukuze ningaweli ekulingweni. Ummoya uyavuma, kodwana inyama ibuthakathaka.”

UMATEWU 26:41 Iomraidhean Croise

AMARHUBO 119:1

Babusisiwe abamsulwa eendleleni zabo, abakhamba ngokuya ngomthetho kaSomnini.

AMARHUBO 119:115

Sukani kimi nina benzi bobumbi ukuze ngibulunge imiyalo kaZimami!

AMARHUBO 119:117

Ngisekele ukuze ngisinde; iimiso zakho ngizakuhlala ngizinakile.

AMARHUBO 119:32

Ngigijima endleleni yemiyalwakho ngombana welule umkhumbulwami.

UMATEWU 24:42

“Yeke, hlalani nilindile ngombana anazi bona iKosenu izakuza nini.

UMATEWU 25:13

“Ngalokho hlalani nilindile ngombana ilanga nesikhathi anisazi.”

UMATEWU 26:38

wathi kibo: “Umphefumulwami ubhodwe lisizi bekube sekufeni. Hlalani lapha nilinde kanye nami.”

UMATEWU 6:13

Ungasingenisi ekulingweni, kodwana yewusitjhaphulule kokumbi ngombana umbuso ungowakho, amandla nephazimulo ngokungapheliko. Amen.’

UMARKOSI 14:38

Lindani, nithandaze ukuze ningangeni ekulingweni. Ummoya uyavuma, kodwana inyama ibuthakathaka.”

ULUKASI 11:4

Usicolele izono zethu ngombana nathi siyabacolela boke abasonako. Ungasirholeli ekulingweni.’ ”

ULUKASI 21:36

Yeke hlalani nilindile, nithandaze njalo ukuze nikghone ukuphunyurha koke okuzokwenzeka nokobana nikghone ukujama phambi kweNdodana yoMuntu.”

ULUKASI 22:40

Kwathi nabafika endaweni leyo, wathi kibo: “Thandazani bona ningangeni ekulingweni.”

ULUKASI 22:46

Wathi kibo: “Nilaleleni na? Sikimani nithandaze, khona ningazukungena ekulingweni.”

ULUKASI 8:13

Abasekhetheni ngilabo abathi nabezwa ilizwi balamukele ngethabo, kodwana banganayo imirabhu. Bayakholwa kwesikhatjhana, kodwana nakufika isikhathi sokulingwa bawe.

KWEBEROMA 8:3

Lokho umthetho ogade unganamandla wokukwenza ngebanga lokwenziwa buthakathaka yimvelo yesono, uZimu wakwenza ngokuthumela iNdodanakhe ngobujamo bomuntu wokona kobana ibe mhlabelo wehlambululo

1 KWEBEKORINTE 10:13

Akunasilingo esiniwisileko ngaphandle kwalokho okujayelekileko ebantwini. Nje-ke uZimu uthembekile; angeze avume bona nilingwe ngaphezu kwamandlenu. Kodwana nanilingwako, uzaninikela nendlela yokuphepha ukuze nijamelane naso.

1 KWEBEKORINTE 16:13

Hlalani niqaphile, nijame nidzimelele ekukholweni, nibe nesibindi, niqine.

1 KWEBEKORINTE 9:27

Awa, ngiyawukhandla umzimbami ngiwenze ikhoboka ukuze kuthi ngemva kobana ngitjhumayeze abanye, mina ngokwami ngingakhuthi ekwamukeleni umvuzo.

KWEBEGALATIYA 5:24

Labo abangebakaKrestu Jesu babethele esiphambanweni inyama kanye nemizwa neenkanuko zayo.

KWEBE-EFESU 6:18

Thandazani nikuMoya ngeenkhathi zoke ngayo yoke imihlobohlobo yemithandazo kanye neembawo. Nisakhumbule lokho, yelelani begodu ngeenkhathi zoke hlalani nithandazela boke abacwengileko.

1 UPITROSI 4:7

Ukuphela kwezinto zoke kubandamele, yeke ncamani nizikhuze ukuze nikwazi ukuthandaza.

1 UPITROSI 5:8

Zikhalimeni nihlale niqaphile; isitha senu uSathana utjhagala hlangana nani njengengwenyama ebhodlako, efuna ezomrhiribidela.

2 UPITROSI 2:9

Ngalokho uSomnini uyakwazi ukusindisa labo abamesabako ekulingweni; kuthi abangakalungi ababekele ukuhlunguphazwa ngelanga lokugwetjwa,

ISAMBULO 16:15

Yelela, ngiza njengesela! Ubusisiwe loyo ohlala aphapheme begodu embethe ukuze angazukukhamba bhunubhunu bekubonwe ihlazo lakhe.

ISAMBULO 3:10

Njengombana uwulondile umyalo wami wokunyamezela ngesineke, nami-ke ngizokuhlenga nakufika isikhathi sokulingwa esizokwehlela loke ilizwe kobana kuzizinywe abakhileko ephasini.