UMATEWU 26:28 - IsiNdebele 2012 Translation

²⁸ ngombana lokhu kuziingazi zami zesivumelwano ezaphalakela abanengi, malungana nokulitjalelwa kwezono.

UMATEWU 26:28 Iomraidhean Croise

UJOROMIYA 31:31

USomnini uthi: “Qalani, isikhathi siyeza lapha ngizakwenza khona isivumelwano esitjha nekumba ka-Israyeli kanye neyakaJuda.

ULEVITIKUSI 17:11

ngombana ukuphila kwenyama kuseengazini. Ngimi oninikele iingazi bona nenze ngazo itethelelo yemiphefumulwenu e-aldarini. Ngebanga lokobana iingazi ziletha itethelelo ngepilo ekizo

UZAKARIYA 9:11

Wena-ke Jerusalema, ngebanga lamatshwenyeko wabantu enginesivumelwano nabo, ngizakutjhaphulula iimbotjhwa zakho ezisemgodini otjhingako.”

UMATEWU 20:28

kube njengombana kunjalo ngeNdodana yoMuntu engakezeli ukuzokwenzelwa, kodwana izele ukwenzela nokunikela ipilwayo njengesihlengo sabanengi.”

UMATEWU 26:27

Wathatha ikapho, wathokoza kuZimu, wabanikela wathi: “Selani noke nje

UMATEWU 26:29

Ngiyanitjela bona angekhe bengisasela isithelo sesidiribesi ukusuka gadesi bekube mhlana ngisisela ngobutjha nginani embusweni kaBaba.”

UMATEWU 6:12

Usilibalele amacalethu njengombana sibalibalela abanamacala kithi.

UMARKOSI 1:4

Nje-ke uJwanisi wafika, wabhabhadisa erhalawumbeni bewatjhumayela umbhabhadiso wokutjhuguluka malungana nokucolelwa kwezono.

UMARKOSI 14:24

Wathi kibo: “Lokhu ziingazi zami zesivumelwano eziphalakele abanengi.

ULUKASI 22:19

Yeke wathatha isikwa, wathokoza uZimu, wasihlephula wabanikela, asithi: “Lokhu kumzimbami, onikelwe nina. Yenzani lokhu ukuze ningikhumbule.”

ULUKASI 22:20

Ngokunjalo, kwathi ngemva kwesidlo santambama, wathatha ikapho wabanikela, asithi: “Ikapho le isivumelwano esitjha eengazini zami ezithululelwa nina.

KWEBEROMA 5:15

Kodwana isipho somusa asifani nesiphambeko. Nakube abanengi bafa ngebanga lesiphambeko somuntu oyedwa, wavama kangangani-ke umusa kaZimu kanye nesipho somusa esavela ngomuntu oyedwa, okunguJesu Krestu, phezu kwabanengi.

KWEBEROMA 5:19

Njengombana ngokungalaleli komuntu oyedwa abantu abanengi baba zizoni, ngokunjalo-ke ngokulalela komuntu oyedwa, abanengi bazakwenziwa abalungileko.

1 KWEBEKORINTE 11:25

Ngokunjalo, ngemva kobana sele bagomile, yabuye yathatha ikapho yathi: “Ikapho le isivumelwano esitjha eengazini zami. Kwenzeni lokhu njalo lokha naniyiselako ukuze ningikhumbule.”

KWEBE-EFESU 1:7

Kuye sinesihlengo ngeengazi zakhe, ukucolelwa kwezono, ukuya ngomusa omkhulu kaZimu

KWEBEKOLOSE 1:14

esinokuhlengwa nokulitjalelwa kwezono zethu kiyo.

KWEBEKOLOSE 1:20

ukuze kuthi ngaye abuyisele koke kuye nanyana kungaba ngokusephasini namkha okusezulwini, ngokwenza ukuthula ngeengazi zakhe ezathululwa esiphambanweni.

AMAHEBHERU 10:29

Alo, ucabanga bona uzakuhlunguphazwa kangangani loyo oqalela phasi iNdodana kaZimu, athi iingazi zesivumelwano ezimcwengisako zisilaphele abuye ahlambalaze noMoya womusa na?

AMAHEBHERU 13:20

UZimu wokuthula, owavusa kwabafileko iKosethu uJesu Krestu, umalusi omkhulu wezimvu ngeengazi zesivumelwano esijame ngokungapheliko,

AMAHEBHERU 9:28

nje-ke noKrestu sele anikelwe kanye kobana athwale izono zabanengi, uzakubuye abonakale kwesibili, angakezi bonyana uzokuthwala isono kodwana ukusindisa labo abamlindeleko.

1 UJWANISI 2:2

yena uyihlawulo yezono zethu, ingasi zethu kwaphela kodwana nezono zephasi loke.

ISAMBULO 7:14

Ngathi kuye: “Kosami, nguwe owaziko.” Nje-ke wathi kimi: “Laba ngibo abavela ekuhluphekeni okukhulu. Bazihlanzile iingubo zabo bazenza zaba mhlophe eengazini zeMvana.

ISAMBULO 7:9

Ngemva kwalokho ngaqala ngabona isiqubuthu esikhulu ebesingekhe sabalwa ngobunengi. Besivela kizo zoke izizwe, iinkoro, abantu neenlimi, sijame phambi kwesihlalo sobukhosi naphambi kweMvana sembethe okumhlophe siphethe amatjhwaba womuthi wesundu ngezandla.