UMATEWU 26:27 - IsiNdebele 2012 Translation

²⁷ Wathatha ikapho, wathokoza kuZimu, wabanikela wathi: “Selani noke nje

UMATEWU 26:27 Iomraidhean Croise

AMARHUBO 116:13

Ngizakutjhidela e-aldarini ngekapho yesindiso, ngibize ibizo lakaSomnini.

INGOMA YEENGOMA 5:1

Ngizakufika esivandeni sami, dadwabo, makoti; ngikhe imire yami namakha wami; ngigome isihlaka sami kanye neliju; ngisele iwayini lami nebisi. Gomani bangani, selani, nidakwe lithando.

INGOMA YEENGOMA 7:9

umlomakho ube njengewayini eliphambili. Esithandweni sami iwayini lehla butjhelelezi; iye, litlelezela eembheneni ezitlerebede.

U-ISAYA 25:6

Entabeni le, uSomnini uMninimandlawoke uzokulungiselela boke abantu umnyanya weenkhanakhana newewayini eliyihleza; iye, iinkhanakhana ezinomhlosi newayini eliyihleza elitsengiweko.

U-ISAYA 55:1

USomnini uthi: “Nina noke enomileko, yenize emanzini! Nani eninganasiliva yizani nithenge, nigome! Yenize nithenge iwayini nebisi, ngaphandle kwesiliva nezinye iindleko.

UMATEWU 15:36

Wathatha izikwa ezilikhomba neenhlambi, kwathi nasele athokozile, wasihlephula, wanikela abafundi bakhe; bona-ke banikela abantu.

UMATEWU 26:26

Kwathi basagoma njalo, uJesu wathatha isikwa, wathokoza, wasihlephula, wanikela abafundi bakhe, wathi: “Thathani nigome; lokhu mzimbami.”

UMATEWU 26:28

ngombana lokhu kuziingazi zami zesivumelwano ezaphalakela abanengi, malungana nokulitjalelwa kwezono.

ULUKASI 22:20

Ngokunjalo, kwathi ngemva kwesidlo santambama, wathatha ikapho wabanikela, asithi: “Ikapho le isivumelwano esitjha eengazini zami ezithululelwa nina.

1 KWEBEKORINTE 10:16

Ikapho yokuthokoza esithokoza ngayo, ayisiyo yokuzibandakanya eengazini zakaKrestu na? Isikwa esisihlephulako akusiso sokuzibandakanya emzimbeni kaKrestu na?

1 KWEBEKORINTE 11:28

Umuntu kumele azihlolisise ngaphambi kobana agome isikwa abe asele nekapho.