UMATEWU 26:13 - IsiNdebele 2012 Translation

¹³ “Ngiqinisile ngiyanitjela bona kuphi nakuphi lapha ivangeleli litjhunyayelwa khona ephasini loke, lokho akwenzileko kuzakufakazwa ngakho, kube sikhumbuzo ngaye.”

UMATEWU 26:13 Iomraidhean Croise

AMARHUBO 112:6

Mbala, angeze anyakaziswa; olungileko uzakubongwa ngesikhathi soke.

U-ISAYA 52:9

Zwakalani, iye, hlokomani nina marubhi weJerusalema ngombana uSomnini ududuze abantu bakhe, wahlenga iJerusalema.

UMATEWU 24:14

Nje-ke ivangeli lombusweli lizakutjhunyayelwa ephasini loke, kube bufakazi kizo zoke izizwe ngaphambi kobana kufike isiphetho.”

UMATEWU 28:19

Ngalokho khambani niye ebantwini boke nanyana kukuphi, nibenze abafundi; babhabhadiseni ebizweni lakaBaba neNdodana noMoya oCwengileko,

UMARKOSI 13:10

Ivangeli lifanele litjhunyayelwe kizo zoke izizwe qangi.

UMARKOSI 14:9

Ngiqinisile ngiyanitjela bona kuphi nakuphi lapha kutjhunyayelwa khona ivangeli ephasini loke, lokho akwenzileko kuzakhulunywa ngakho kube sikhumbuzo ngaye.”

UMARKOSI 16:15

Wathi kibo: “Khambani iphasi loke, nitjhumayele ivangeli kikho koke okudaliweko.

ULUKASI 24:47

Nje-ke kuzokutjhunyayelwa ukuphenduka nokuthethelelwa kwezono ebizweni lakhe kizo zoke izizwe, ukuthoma eJerusalema.

IZENZO ZABAPOSTOLI 10:4

Yena wayiqala ngokuyesaba, wabuza wathi: “Kosi, kwenze njani?” Ingilozi yaphendula yathi: “Imithandazwakho nokwabela kwakho abadududu kwenyukele kuZimu njengesikhumbuzo.

KWEBEROMA 10:18

Kodwana ngiyabuza-ke: Abakezwa na? Mbala bezwile ngombana, “Amaphimbo wabo azwakele ephasini loke; namezwabo emaphethelweni womhlaba.”

KWEBEROMA 15:19

ngamandla weembonakaliso nemikarisomraro, ngamandla kaMoya kaZimu ukuze ngitjhumayele ivangeli lakaKrestu ukusuka eJerusalema ukuya mazombe ne-Iluriko.

2 KWEBEKORINTE 10:18

ngombana abathokozwako akusingilabo abazibukako kodwana kuthokozwa ababukwa yiKosi.

KWEBEKOLOSE 1:23

Lokho kwenzeka kwaphela nakube nani nihlala nidzimelele benikakarele esisekelweni sokukholwa, ngaphandle kokutjhida ethembeni elathenjiswa livangeli enalizwako nelatjhunyayelwa kikho koke okudaliweko ngaphasi komthunzi welanga, mina Powula engaba sisebenzi salo.

KWEBEKOLOSE 1:6

iye, lona lelo esele lifikile kini. Njengombana lithela iinthelo begodu landa nephasi loke, ngokunjalo lithela iinthelo naphakathi kwenu soloko kwamhla nalizwako nabe nazi nomusa kaZimu ngeqiniso.

1 UTHIMOTHI 2:6

owazinikela ukuze abe sihlengo sabo boke. Lokhu kwaba bufakazi esikhathini esifaneleko.

AMAHEBHERU 6:10

UZimu akasuye ongakalungi, angekhe alibale umsebenzi eniwubonakalisileko ngebanga lakhe nisiza abacwengileko njengombana nenza nanjesi.

ISAMBULO 14:6

Nje-ke ngabona enye ingilozi iphapha phezulu esibangeni, iphethe ivangeli lesiphelani kobana ilitjhumayele kilabo abaphila ephasini. Iye, ezizweni zoke, eenkorweni, eenlimini nemindenini.

1 USAMYELA 2:30

“Nje-ke mina Somnini, uZimu wakwa-Israyeli ngithi ngathembisa bonyana indlwakho nendlu kayihlo nizakusebenza e-aldarini lami ngeenkhathi zoke. Kodwana kwanjesi nginisuthi ngombana ngidumisa abangidumisako nginyaze abanginyazako.