UMATEWU 25:46 - IsiNdebele 2012 Translation

⁴⁶ Yeke bazakukhamba baye ekuhlunguphazweni okungapheliko, kodwana abalungileko bazakuya ekuphileni okungapheliko.”

UMATEWU 25:46 Iomraidhean Croise

UDANYELA 12:2

Inengi lalabo abalele ethulini lehlabathi, lizakuvuka, abanye bavukele ekuphileni okungapheliko, abanye bavukele ehlazweni elisinyenyiso esingapheliko.

UMATEWU 13:43

Nje-ke abalungileko bazakuphazima njengelanga embusweni kaYise wabo. Oneendlebe akezwe!”

UMATEWU 19:16

Kweza umuntu kuJesu wathi: “Mfundisi, ngisiphi isenzo sokulunga engingasenza ukuze ngizuze ukuphila okungapheliko na?”

UMATEWU 19:29

Loyo naloyo otjhiye iinkumba namkha abafowabo namkha abodadwabo namkha uyise namkha unina namkha abantwana namkha amasimu ngebanga lami, uzakwamukela ngokubuyelelwe kalikhulu abe azuze nokuphila okungapheliko.

UMATEWU 25:41

“Yeke izakuthi kilabo abangesinceleni, ‘Sukani kimapha nina enithuwelelisiweko, niye ngemlilweni wesiphelani olungiselwe uSathana neengilozi zakhe.

UMATEWU 25:45

IKosi izakuphendula ithi, ‘Ngiqinisile ngiyanitjela bona nanyana yini eningazange niyenzele ngitjho noyedwa walaba, nami semlunga ningakangenzeli ilitho.’

ULUKASI 16:26

Ngaphandle kwakho koke lokho, phakathi kwethu nawe kunerharha elikhulu, abafuna ukusuka nganeno beze ngapho abakghoni godu akakho nongeyamela nganeno.’

UJWANISI 17:2

Uyinikele amandla phezu kwawo woke umuntu, khona izakunikela ukuphila okungapheliko kibo boke obaphe yona.

UJWANISI 3:36

Loyo okholwako eNdodaneni unokuphila okungapheliko; kodwana ongakholwa eNdodaneni ngekhe akubona ukuphila, kodwana uzakuhlala ngaphasi kobukhali bakaZimu.”

UJWANISI 4:14

kodwana ngiloyo naloyo osela amanzi engizamupha wona angekhe abe asoma godu. Amanzi engizamupha wona azakuphenduka isiyalu ngaphakathi kwakhe simondle ngamanzi wokuphila okungapheliko.”

UJWANISI 5:24

“Kwamambala ngiqinisile ngithi kini: Ozwa amezwami akholwe kongithumileko, unokuphila okungapheliko. Angekhe agwetjwa, kodwana udlulile ekufeni, usekuphileni.

UJWANISI 5:29

bavuke; labo abenze okulungileko bazakuvukela ekuphileni; abenze okumbi bavukele ekulahlweni.”

UJWANISI 6:27

Ningasebenzeli ukudla okuphelako, kodwana ukudla kokuphila okungapheliko, lokho iNdodana yoMuntu ezanipha khona. Phezu kwayo uZimu uYise, ubeke igunya lakhe.”

UJWANISI 6:40

Lokhu kuyintando kaBaba kobana omunye nomunye obona iNdodana akholwe kiyo uzokuba nokuphila okungapheliko, yeke ngizamvusa ngomhla wokuphela.”

IZENZO ZABAPOSTOLI 13:46

Nje-ke uPowula noBharinabhasi bawaphendula ngesibindi bathi: “Bekufanele bona ilizwi lakaZimu litjhunyayelwe kini qangi. Kodwana njengombana nililahlile benazibona ningakafaneli ipilo engapheliko, yelelani, sesiphendukela kabatjhili

IZENZO ZABAPOSTOLI 13:48

Kuthe abatjhili bona bezwe lokhu, bathaba tle, badumisa ilizwi leKosi. Boke labo abakhethe ukuphila okungapheliko baba makholwa.

IZENZO ZABAPOSTOLI 24:15

Nginalo ithemba kuZimu, iye, ithemba nabo abalamukelako lokobana kuzakuba khona ukuvuka kwabafileko kwabo boke abalungileko nabangakalungi.

KWEBEROMA 5:21

ukuze kuthi njengombana isono sabusa ngokufa, ngokunjalo-ke nomusa ubusa ngokulungisiswa okurholela ekuphileni okungapheliko ngoJesu Krestu iKosethu.

KWEBEROMA 6:23

Umvuzo wesono kukufa; kodwana isipho somusa kaZimu sikuphila okungapheliko ngoKrestu Jesu iKosethu.

KWEBEGALATIYA 6:8

Otjalela iinkanuko zakhe uzakuvuna ukubhubha okuvela kizo, kodwana otjalela uMoya, uzakuvuna ukuphila okungapheliko kuye uMoya.

2 KWEBETHESALONIKA 1:9

Bazakuhlunguphazwa ngesibetho sokubhujiswa okungapheliko, basuswe phambi kweKosi nephazimulweni yobukhosi bayo,

1 UJWANISI 2:25

Lokhu ngilokho asethembise khona, okutjho ipilo engapheliko.

UJUDA 1:21

Hlalani ethandweni lakaZimu, nilindele isirhawu seKosethu uJesu Krestu, esisiletha ekuphileni okungapheliko.

ISAMBULO 20:10

USathana ogade abakhohlisile waphoswa ngelitsheni lomlilo nesibabuli, lapho isibandana kanye nomphorofidi wamanga bakhona, bayokutshwenywa isiphelani ubusuku nemini.

ISAMBULO 20:15

Loyo ibizo lakhe elingazange lifunyanwe encwadini yokuphila waphoswa ngelitsheni lomlilo.

ISAMBULO 21:8

Kodwana amatjhatjha, abangakholwako, abasilapheleko, ababulali, iinhlobongi, abenza imilingo, abalotjha abosingazimu nabo boke abaleya amanga isabelo sabo sizakuba selitsheni elivuthako lomlilo nesibabuli, okukukufa kwesibili.”