UMATEWU 25:34 - IsiNdebele 2012 Translation

³⁴ Yeke iKosi izakuthi kilabo abangesidleni sayo, ‘Yizani nina enibusiswe nguBaba! Thathani ilifa lenu okumbuso olungiselelwe nina kusukela ekudalweni kwephasi.

UMATEWU 25:34 Iomraidhean Croise

AMARHUBO 2:6

“Ngimi obeke ikosi ekungeyami eZiyoni, entabenami ecwengileko.”

IZAGA 11:17

Onomusa uzenzela ubuhle, kodwana onesihluku uzilimaza yena.

U-ISAYA 33:22

Mbala, Somnini umugwebethu; uSomnini umubusethu; uSomnini uyikosethu; yena uzasisindisa.

U-ISAYA 6:5

Ngalila ngathi: “Maye mina, ngiphelile! Ngimumuntu weembhena ezisilapheleko begodu ngihlala phakathi kwabantu abanemilomo esilapheleko. Nanyana kunjalo amehlwami ayibonile iKosi, uSomnini uMninimandlawoke!”

U-ISAYA 9:7

ukuze umbuso wenabe nokuthula kungapheli esihlalweni sakaDavida nembuswenakhe. Izawunzinzisa ngokuwusekela ngobulungiswa nokulunga ukusukela ngesikhathesi bekube nini nanini. Itjisakalo kaSomnini uMninimandlawoke izakuphelelisa koke lokhu.

UDANYELA 9:25

Yazi bewuzwisise bonyana ekuphumeni kwelizwi lokuvuselela nokwakha iJerusalema kufikela lapha ozesiweko, okutjho umbusi azakufika khona, kuzakuba ziingcenye ezilikhomba zeenkhathi ezilikhomba. Iingcenye ezilikhomba zamatjhumi asithandathu nambili, idorobho elivuselelweko lizakujama libe neenrhodlo nemisele, kodwana kuzakuba ziinkhathi ezinzima.

UZEFANIYA 3:15

USomnini usisusile isigwebo sakho, waqotjha nesitha sakho. INgwenyama yakwa-Israyeli, uSomnini ungesirhodlweni sakho, akusenabumbi obuzakwehlela godu.

UMATEWU 13:35

Ngalokho kwazaliseka okwakhulunywa mphorofidi nasithi: “Ngizakuvula umlomami ngomfanekiso, ngiphuphume iimfihlakalo zekadeni.”

UMATEWU 19:29

Loyo naloyo otjhiye iinkumba namkha abafowabo namkha abodadwabo namkha uyise namkha unina namkha abantwana namkha amasimu ngebanga lami, uzakwamukela ngokubuyelelwe kalikhulu abe azuze nokuphila okungapheliko.

UMATEWU 20:23

UJesu wathi kibo: “Kwamambala nizakusela ikapho engiyiselako, kodwana nayikuhlala ngesigomeni namkha ngesinceleni sami, awa akusingokwami ukutjho lokho. Iindawezi ngezalabo uBaba azilungisele bona.”

UMATEWU 21:5

“Yenithi endodakazini yeZiyoni: “Naso ikosakho iza kuwe, ngokuzithoba beyikhwele udumbana, iye, udumbanyana olithole lakadumbana.”

UMATEWU 25:21

Ikosi leyo yaphendula yathi, ‘Wenze kuhle, sisebenzi sami esilungileko nesithembekileko! Wathembeka ezintweni ezincani, yeke ngizakubeka bona uphathe izinto ezinengi. Yewuze uzokuhlanganyela ithabo lekosakho!’

UMATEWU 25:23

Ikosaso yathi, ‘Wenze kuhle, sisebenzi sami esilungileko nesithembekileko! Wathembeka ezintweni ezincani, yeke ngizakubeka bona uphathe izinto ezinengi. Yewuze uzokuhlanganyela ithabo lekosakho!’

UMATEWU 25:40

IKosi izakuphendula ithi, ‘Ngiqinisile ngiyanitjela bona lokha nanenzela oyedwa wabafowethu abancancanaba, nenzele mina.’

UMATEWU 25:41

“Yeke izakuthi kilabo abangesinceleni, ‘Sukani kimapha nina enithuwelelisiweko, niye ngemlilweni wesiphelani olungiselwe uSathana neengilozi zakhe.

UMATEWU 27:37

Ngehla kwehlokwakhe abeka umtlolo womlandu abamethwesa wona othi: “Lo nguJesu ikosi yamaJuda.”

UMATEWU 3:2

asithi: “Phendukani ngombana umbuso wezulu ubandamele!”

UMATEWU 5:19

Yeke, nanyana ngubani owephula ngitjho nomncani wemiyalo le bese afundise nabanye ukwenza njalo, uzakubizwa bona mncani embusweni wezulu. Kodwana nanyana ngubani oyenzako abe ayifundise, uzakubizwa bona mkhulu embusweni wezulu

UMARKOSI 10:17

Kuthe uJesu asathoma ikhambo lakhe, indoda yamgijimela yafese yawa eenyaweni zakhe yambuza yathi: “Mfundisi olungileko, ngingenza njani bona ngizuze ipilo engapheliko na?”

UMARKOSI 10:40

kodwana nakukuhlala ngesigomeni nangesinceleni sami akusingekwami. Iinkhundlezo zingezalabo ezilungiselwe bona.”

ULUKASI 11:28

Waphendula wathi: “Kuhlekuhle ababusisekileko ngilabo abezwa ilizwi lakaZimu bebalilalele!”

ULUKASI 11:50

Ngalokho-ke isizukulwanesi sizaziphendulela ngeengazi zabo boke abaphorofidi ezathululwa ukusuka ekubunjweni kwephaseli.

ULUKASI 12:32

“Ningesabi nina mhlanjana omncani ngombana uYihlo kwamthokozisa khulu ukunipha umbuso.

ULUKASI 19:38

sathi: “Ubusisiwe loyo ozako, iye, iKosi eza ebizweni lakaSomnini! Ukuthula ezulwini nephazimulo keliphezulu!”

UJWANISI 1:49

UNathaniyeli wamphendula wathi: “Mfundisi, uyiNdodana kaZimu! UyiKosi yakwa-Israyeli!”

UJWANISI 12:13

Sathatha amahlahla womuthi wesundu saphuma sayomhlangabeza sarhuwelela, sathi: “Dumisani uZimu! Ubusisiwe ozako ebizweni lakaSomnini! Iye, ibusisiwe iKosi yakwa-Israyeli!”

UJWANISI 17:24

“Baba, bengithanda bonyana labo ongiphe bona babe nami lapha ngikhona, khona bazakubona iphazimulwami. Iye, iphazimulo ongiphe yona ngombana wangithanda iphasi lingakabi ukubakhona.

UJWANISI 19:15

Barhuwelela bathi: “Msuse! Msuse! Mbethele esiphambanweni!” UPilatu wababuza wathi: “Nifuna bona ngibethele ikosenu na?” Abaphristi baphendula bathi: “Asinayo ikosi ngaphandle kombusi omkhulu!”

IZENZO ZABAPOSTOLI 15:18

ebezazeka ekadeni.’

IZENZO ZABAPOSTOLI 3:26

Yeke lokha uZimu avusa incekwakhe, wayithumela kokuthoma kini kobana inibusise ngokunitjhugulula eendleleni zenu zobukhohlakali.”

KWEBEROMA 8:17

Nje-ke nakube sibantwana, kutjho bona siziindlalifa, iye, iindlalifa zakaZimu begodu siziindlalifa kanye noKrestu nakube ngambala sihlanganyela eenhluphekweni zakhe ukuze sihlanganyele naye ephazimulwenakhe.

1 KWEBEKORINTE 15:50

Ngiyatjho kini bazalwana ngithi inyama neengazi angekhe kwalidla ilifa lombuso kaZimu, nokubolako angekhe kwalidla ilifa lokungaboliko.

1 KWEBEKORINTE 2:9

Kodwana kutloliwe kwathiwa: “Akunalihlo elakubonako, akunandlebe eyakuzwako, akunamkhumbulo owakubambako lokho uZimu akulungiselele labo abamthandako.”

1 KWEBEKORINTE 6:9

Kghani anazi bona abakhohlakeleko abazukulidla ilifa lombuso kaZimu na? Ningakhohliswa: abaziphethe kumbi ngokomseme, abalotjha abosingazimu, abahlobongako, iintjhatjha zamadoda, abaduna abalalanako,

KWEBEGALATIYA 5:21

yikanuko, budakwa, kurhiribidela nokhunye okunjalo. Ngiyaniyelelisa njengombana ngenza phambilini, bona labo abaphila ngalendlela asoze balidla ilifa lombuso kaZimu.

KWEBE-EFESU 5:5

Ngambala qinisekani ngalokhu: Akunasifebe, umuntu osilapheleko namkha omarhamaru njengaloyo olotjha abosingazimu, ozakuba nesabelo elifeni lombuso kaKrestu noZimu.

1 KWEBETHESALONIKA 2:12

sanikhuthaza, saniduduza besanitjitjizela bona niphile ipilo efanele uZimu onibizela embuswenakhe nephazimulwenakhe.

2 UTHIMOTHI 2:12

Nasinyamezelako sizakubusa naye, nangabe siyamphika naye uyosiphika.

2 UTHIMOTHI 4:8

Kwanje sengibekelwe isihlohlo sokulunga iKosi emgwebi olungileko ezanginikela sona mhlokho; kungasingimi kwaphela kodwana nabo boke abalangazelela ukubonakala kwayo.

AMAHEBHERU 1:14

“Kanti iingilozi azisiyo yoke imimoya elotjhako nethunyelwe bona isize labo abazokuzuza isindiso na?”

AMAHEBHERU 11:16

Kunalokho bebakhanukela iphasi elingcono, okutjho lezulwini. Yeke uZimu akananhloni ukubizwa bona unguyisabo ngombana ubalungisele umuzi.

AMAHEBHERU 4:3

Nje-ke thina esikholwako siyangena ekuphumuleni njengombana yena uthe: “Ngafunga elakeni lami ngathi, ‘Angekhe bangena ekuphumuleni kwami.’ ” Wakutjho lokhu nanyana umsebenzakhe besele uphelelisiwe kwasekusekelweni kwephasi.

AMAHEBHERU 9:26

Ngathana bekunjalo bekufanele ahlupheke kanenginengi kusukela ekusekelweni kwephasi. Kodwana ubonakaliswe kanye kwaphela ekupheleni kwesikhathi bona asuse izono ngokuzinikela kwakhe.

UJAKOPO 2:5

Lalelani bazalwana abathandekako: UZimu akakakhethi abachakileko bephaseli kobana banothe ngokukholwa, babe ziindlalifa zombuso awuthembisa labo abamthandako na?

1 UPITROSI 1:9

ngombana namukela umphumela wokukholwa kwenu, iye, ukusindiswa kwemiphefumulwenu.

1 UPITROSI 3:9

Ningabuyiseli ubumbi ngobumbi namkha ihlamba ngehlamba; kunalokho buyiselelani ngokubusisa ngombana nabizelwa ukwenza njalo ukuze nizuze isibusiso.

ISAMBULO 13:8

Boke abantu abakhe ephasini bazasilotjha, iye, woke loyo ibizo lakhe elingakatlolwa encwadini yokuphila yeMvana eyahlatjwako kusukela ekusekelweni kwephasi.

ISAMBULO 17:8

Isibandana osibonileko sakhe saba khona kodwana kwanjesi asisekho; nje-ke sele sizokukhuphuka ngemgodini onganamkhawulo bese siyabhujiswa. Abantu bephasi amabizo wabo angakatlolwa encwadini yokuphila kwasesisekelweni sephasi, bazokumangala lokha nababona isibandana ngombana sakhe saba khona kodwana kwanjesi asisekho khisibe nokho sizakuba khona.

ISAMBULO 19:16

Esambathweni sakhe nenyonga yakhe kutlolwe ngokugobhodlhwa ibizo elithi: “IKosi yamakhosi noMbusi wababusi.”

ISAMBULO 21:7

Loyo oyokuhlula uzakudla ilifa lezintwezo begodu mina ngizakuba nguZimakhe yena abe mntwanami.

ISAMBULO 5:10

wabenza umbuso, baba baphristi bokulotjha uZimethu, begodu bazakubusa ephasini.”