UMATEWU 25:31 - IsiNdebele 2012 Translation

³¹ “Mhlana iNdodana yoMuntu iza ngephazimulwayo iphekelelwa ziingilozi zayo zoke, izakuhlala esihlalweni sayo sobukhosi ephazimulweni yezulwini.

UMATEWU 25:31 Iomraidhean Croise

AMARHUBO 9:7

Izitha uzitjhabalalisile, wasiphula amadorobhazo, sele ayiququ isiphelani; iye, ukukhunjulwa kwazo kuphelile. Zipheliswe njalo-ke zona

UZAKARIYA 14:5

(Umrhoba weKhidroni onabela e-Atshali uzakuqintwa. Uzakuqintwa njengamhla uqintwa kuhlengezela kwephasi emihleni yabo-Uziya ikosi yakwaJuda.) Yeke uSomnini uZimakho uzakufika, kabacwengileko bakho wena Jerusalema.

UMATEWU 16:27

Ngambala iNdodana yoMuntu izokuza ngephazimulo kaYise neengilozi zayo, yeke izakuvuza omunye nomunye umuntu ngokwemisebenzakhe.

UMATEWU 19:28

UJesu wathi kibo: “Ngiqinisile ngiyanitjela bona ephasini elitjha lokha iNdodana yoMuntu nayihlezi esihlalweni sayo sobukhosi esiphazimulako, nina ebeningilandela, nani nizokuhlala eenhlalweni zobukhosi ezilitjhumi nambili, nigwebe iinkoro ezilitjhumi nambili zakwa-Israyeli.

UMATEWU 25:6

“Phakathi kobusuku kwamenyezwa kwathiwa, ‘Nangu umyeni! Phumani nimhlangabeze!’

UMATEWU 26:64

UJesu waphendula wathi: “Iye, kunjengombana utjhwile. Kodwana ngiyanitjela noke nje bona ngokuzako nizokubona iNdodana yoMuntu ihlezi ngesigomeni sakaSomandla begodu isiza ngamafu ivela ezulwini!”

UMARKOSI 14:62

UJesu waphendula wathi: “Iye nginguye; “begodu nizakubona iNdodana yoMuntu ihlezi ngesigomeni sakaSomandla, isiza ngamafu wezulwini.”

UMARKOSI 8:38

Nakube umuntu uneenhloni ngami nangamezwami kilesi sizukulwana esihlobongako nesinezonokazesi, iNdodana yoMuntu nayo izakuba neenhloni ngaye nayifikako ephazimulweni kaYise kanye neengilozini ezicwengileko.”

ULUKASI 22:69

Kodwana kusukela gadesi, iNdodana yoMuntu izakuhlaliswa ngesidleni sakaZimu uMninimandlawoke.”

ULUKASI 9:26

Nanyana ngubani oba neenhloni ngami nangamezwami, neNdodana yoMuntu izakuba neenhloni ngaye lokha nayifika ephazimulwenayo, nephazimulweni kaBaba kanye neengilozini ezicwengileko.

UJWANISI 1:51

Wathi godu kibo: “Kwamambala ngiqinisile ngithi: Nizokubona izulu livuleka, iingilozi zakaZimu zehla zenyuka phezu kweNdodana yoMuntu.”

IZENZO ZABAPOSTOLI 1:11

athi: “Madoda weGalile, nijameleni lapho niqale ezulwini na? Yena uJesu lo osuswe kini owenyuselwe ezulwini, uzakubuya ngawo wona umukghwa lo enimbone enyuka ngawo.”

1 KWEBETHESALONIKA 3:13

IKosi ayiniphe amandla ngokweenhliziyo kikho ukucwenga ukuze nibe msulwa phambi koZimethu nonguBaba, ekufikeni kweKosethu uJesu nabo boke abacwengileko.

1 KWEBETHESALONIKA 4:16

IKosi ngokwayo izokwehla ivela ezulwini ngelizwi elikhulu, ngephimbo lengilozi ekulu nangokuzwakala kweporompita kaZimu, abahlongakalele kuKrestu bazokuvuka qangi.

AMAHEBHERU 1:8

Kodwana ngeNdodana uthi: “Isihlalo sakho, Zimu, ngesanini nanini nokulunga kuzakuba yintonga yobukhosi bakho.

AMAHEBHERU 9:28

nje-ke noKrestu sele anikelwe kanye kobana athwale izono zabanengi, uzakubuye abonakale kwesibili, angakezi bonyana uzokuthwala isono kodwana ukusindisa labo abamlindeleko.

UJUDA 1:14

U-Inogo, osizukulwana sekhomba kusukela ku-Adamu, waphorofida ngabo wathi: “Qalani, uSomnini uza nebakhe abacwengileko abamatjhumitjhumi weenkulungwana,

ISAMBULO 1:7

Qalani nango asiza ngamafu, amehlo woke azambona, ngitjho nalabo abamgwazako; izizwe zoke zephasi zizokulila ngaye. Iye, kuzokuba njalo! Amen.

ISAMBULO 20:11

Ngabona isihlalo sobukhosi esikhulu nesimhlophe naloyo ohlezi kiso. Iphasi nesibhakabhaka kwabaleka phambi kwakhe, kwanyamalala.

ISAMBULO 3:21

Ohlulako ngizomnikela ilungelo lokuhlala nami esihlalweni sami sobukhosi, kuzakuba njengombana nami ngahlula bengahlala noBaba esihlalweni sakhe sobukhosi.

1 USAMYELA 2:10

Abajamelene noSomnini bazakuphihlizwa. “USomnini uzabathuthumbisa ngombani asezulwini. uSomnini uzakugweba iphasi loke; anikele umzeswakhe amandla, aqinise ozesiweko wakhe.”