UMATEWU 24:31 - IsiNdebele 2012 Translation

³¹ Yeke izakuthuma iingilozi zayo ngokulila okukhulu kwepalapala. Zona zizakubuthelela abakhethekileko bayo emagumbini womane wephasi, ukusuka ehlangothini elinye lomkayi bekube kukelinye.

UMATEWU 24:31 Iomraidhean Croise

AMARHUBO 22:27

Abathobekileko bazakudla basuthe. Abafuna uSomnini bazamdumisa bathi: “Uyaphila!” Iinhliziyo zenu ngesikhathi soke

AMARHUBO 67:7

Ihlabathi ithelile iinthelo zayo; uZimu, iye uZimethu usibusisile.

AMARHUBO 81:3

Vumani ingoma, nililise abosotjherere, nibethe iharibha elihle kanye nelincani.

U-EKSODUSI 19:16

Ngokusa kwelanga lesithathu kwaba nemidumo nemibani, kwaqubuka ilifu elinzima entabeni. Kwaba netjhada elikhulu elizwakala njengelepalapala. Boke abantu egade basekampeni bathuthumela.

U-ISAYA 11:12

Uzakuphakamisela izizwe iphawu, abuthelele abahlakazekileko bakwa-Israyeli; abuthe abaphadlhaleleko bakwaJuda kusukela emagumbini womane wephasi.

U-ISAYA 13:5

Livela enarheni ekude, emaphethelweni wesibhakabhaka. USomnini uza neenkhali zetukuthelwakhe, kobana abhubhise ilizwe loke.

U-ISAYA 27:13

Mhlokho, godu kuzakuvuthelwa ipalapala ekulu, kuthi labo ebegade balahlekile enarheni ye-Asiriya nalabo abaqotjhelwa enarheni yeGibhide beze baguqe phambi kwakaSomnini entabeni ecwengileko eJerusalema.

U-ISAYA 42:10

Vumani ingoma etja kuSomnini neembongo zakhe kusuka epelazwe, nina enithaya elwandle nakwezalo, nina nhlengele nani enihlala lapho.

U-ISAYA 43:6

Ngithi etlhagwini, ‘Batjhaphulule!’ ngithi esewula, ‘Ungabagugudlheli! Lethani amadodanami asemajukujukwini namadodakazami asepelazwe,

U-ISAYA 45:22

Yizani kimi nisindiswe noke nina mikhawulo yephasi ngombana nginguZimu begodu akakho omunye.

U-ISAYA 49:18

Phakamisa amehlwakho uthalaze, boke abantabakho bayabuthana, babuyela kuwe.” USomnini uthi: “Ngifunga ngokuphila kwami, uzabembatha boke njengesikghabiso; iye, njengomlobokazi, uzabarikelela.

U-ISAYA 60:4

“Phakamisa amehlwakho uqale mazombe: Boke bayabuthana, beze kuwe; amadodanakho avela khatjhana namadodakazakho agonwe ngemikhono.

UDANYELA 7:2

Nje-ke uDanyela wathi: “Qala ngabona embonwenami ebusuku imimoya emine yezulwini iphehla ilwandle elikhulu.

UZAKARIYA 14:5

(Umrhoba weKhidroni onabela e-Atshali uzakuqintwa. Uzakuqintwa njengamhla uqintwa kuhlengezela kwephasi emihleni yabo-Uziya ikosi yakwaJuda.) Yeke uSomnini uZimakho uzakufika, kabacwengileko bakho wena Jerusalema.

UZAKARIYA 2:6

Isithunywa sakaSomnini sathi: “ ‘Arha-ke! Arha-ke! Phumani ngenarheni yangetlhagwini leyo,’ kutjho uSomnini. Begodu uSomnini wathi, ‘Ngambala ngathembisa bonyana ngizanenza nisabalale emagumbini womane.’

UZAKARIYA 6:5

Isithunywa sangiphendula sathi: “Le, mimoya emine yezulwini, ephumako negade ijame phambi kwakaSomnini, umniniphasi loke.

UZAKARIYA 9:10

USomnini wathi: “Ngizakurhayila iinkarana zepi neenjomani kwa-Efrayimu neJerusalema. Imisebe yepi izakwephulwa; ikosi leyo izakumemezela ukuthula ezizweni. Umbuswayo uzakuthoma elwandle ukuya elwandle, ukusuka emlanjeni iYufrathe ukuya emaphelelweni wephasi.

UZAKARIYA 9:14

USomnini uzakuvela ngehla kwabo, umsubela wakhe uzakusubela njengombani; uSomnini uSomandla uzakuvuthela ipalapala eze ngesivunguvungu sangesewula.

UMATEWU 13:41

INdodana yoMuntu izakuthumela iingilozi zayo ukuyokubuthelela embusweni wayo yoke into ebanga isono nabo boke abenza ubukhohlakali.

UMATEWU 24:22

Nakube amalanga lawo bekangakancitjhiswa, akakho obezakusinda, kodwana ngenca yalabo abakhethiweko, amalanga lawo azokuncitjhiswa.

UMATEWU 24:24

Ngambala abosingamesiya nabaphorofidi bamanga bazakuvela, benze iimbonakaliso nemikarisomraro emikhulu ukuze nakwenzekileko bakhohlise ngitjho nabakhethiweko.

UMATEWU 24:32

“Nje-ke fundani isifundo nasi ngomuthi wamakhiwani: Msinyana ngemva kobana iimpanjana zawo zihlangene, kumila amakari, seniyazi-ke bonyana ihlobo seliseduze.

UMATEWU 25:31

“Mhlana iNdodana yoMuntu iza ngephazimulwayo iphekelelwa ziingilozi zayo zoke, izakuhlala esihlalweni sayo sobukhosi ephazimulweni yezulwini.

UMATEWU 28:18

Yeke uJesu watjhidela kibo wathi: “Nginikelwe woke amandla ezulwini nephasini.

UMARKOSI 13:27

Izokuthumela iingilozi zayo beyibuthele ndawonye abakhethiweko bayo emajikeni womane wephasi, epelazwe nemaphelelweni womkayi.”

ULUKASI 24:47

Nje-ke kuzokutjhunyayelwa ukuphenduka nokuthethelelwa kwezono ebizweni lakhe kizo zoke izizwe, ukuthoma eJerusalema.

UJWANISI 11:52

ingasi isizwe kwaphela kodwana abuthelele ndawonye abantwana abarhatjhekileko bakaZimu.

KWEBEROMA 10:18

Kodwana ngiyabuza-ke: Abakezwa na? Mbala bezwile ngombana, “Amaphimbo wabo azwakele ephasini loke; namezwabo emaphethelweni womhlaba.”

1 KWEBEKORINTE 15:52

ngomzuzwana, iye, ngokuphazima kwelihlo, nakulila iporompita yokugcina. Kuzokulila iporompita, abafileko bavuswe bangasenakho ukubola bese siyatjhugululwa-ke.

KWEBE-EFESU 1:10

njengehlelo lokupheleliswa kweenkhathi, ukuhlanganisa zoke izinto kuye, iye, izinto ezisezulwini nezisephasini.

UDUTERONOMI 30:4

Nanyana abaqotjhiweko benu basepelazwe, uSomnini uZimenu uzanibuthelela khonapho, anithathe lapho,

UDUTERONOMI 4:32

Nje-ke buzani ngesikhathi esibe ngaphambi kwenu soloko kwamhla uZimu adala umuntu ephasinapha, nibuze emagumbini womane kobana kunento ekulu efana nale eyakhe yenzeka namkha kwezwakala ngayo na?

1 KWEBETHESALONIKA 4:16

IKosi ngokwayo izokwehla ivela ezulwini ngelizwi elikhulu, ngephimbo lengilozi ekulu nangokuzwakala kweporompita kaZimu, abahlongakalele kuKrestu bazokuvuka qangi.

2 KWEBETHESALONIKA 2:1

Mayelana nokubuya kweKosethu uJesu Krestu nokubuthanela kwethu kiyo, siyanirabhela, bazalwana

AMAHEBHERU 12:19

nalapho kulila khona ipalapala nelizwini ekuthi lokha nalikhulumako lenze abalizwako bancenge bona kungasabi nelinye elikhulunywa kibo

ISAMBULO 1:20

Ifihlakalo yeenkwekwezi ezilikhomba ozibonileko ngesidleni sami kanye nezinti zegolide zeembani ezilikhomba zingilokhu: Iinkwekwezi ezilikhomba ziziingilozi zamabandla alikhomba nezinti zeembani ezilikhomba zegolide zimabandla alikhomba.”

ISAMBULO 11:15

Nje-ke ingolozi yekhomba yavuthela ipalapala yayo, kwezwakala amezwi ahlokomako ezulwini asithi: “Umbuso wephasi sewuphenduke umbuso wakaSomnini nowakaKrestu begodu uzakubusa nini nanini.”

ISAMBULO 7:1

Ngemva kwalokho ngabona iingilozi ezine zijame emagumbini womane wephasi. Bezibambe imimoya emine yephasi khona kungazukuba khona ummoya ovunguzako ephasinapha namkha elwandle nanyana uphephule umuthi.

ISAMBULO 8:2

Nje-ke ngabona iingilozi ezilikhomba zijame phambi kwakaZimu; zanikelwa iimpalapala ezilikhomba.