UMATEWU 24:21 - IsiNdebele 2012 Translation

²¹ ngombana iinhlupheko ngesikhatheso zizabe zizimbi khulu, zingalingani nalezo ezakhe zaba khona kusukela ekuthomeni kwephasi bekwaba kunjesi nezingasoze zaba khona godu.

UMATEWU 24:21 Iomraidhean Croise

UHEZEKIYELI 5:9

Nangebanga lazo zoke iinyenyiso zakho, ngizokwenza into engingazange khengiyenze nengingasobe ngisayenza godu:

UDANYELA 12:1

“Ngesikhatheso uMikayeli ingilozi ekulu, omvikeli wabantu bekhenu uzakusikima. Kuzakubakhona isikhathi sesizi elikhulu esingazange khesibe khona emlandweni wokuphila kwezizwe bekube sikhathi esibekiweko. Kodwana esikhathineso boke abantu bekhenu abafunyanwa batlolwe encwadini, bazakutjhaphululwa.

UDANYELA 9:26

Emva kweengcenye ezilikhomba zamatjhumi asithandathu nambili zeenkhathi, ozesiweko uzakususwa, angabi nomelamako. Abantu bombusi omunye ozakufika bazakubhubhisa idorobho nendawo ecwengileko. Ukuphela kwakhe kuzakuza ngesikhukhula sehlekelele, iye, kuzakuba yipi bekube sekupheleni, okutjho ukubhujiswa okwahloswako.

UJUWELI 1:2

Yizwani lokhu nina baphathi, nilalele nina noke enakhe enarheni. Into enje, yakhe yenzeka eenkhathini zenu namkha eenkhathini zaboyihlo na?

UJUWELI 2:2

Lilanga elimnyama nelifipheleko, ilanga lamafu nesigayegaye. Njengokusa kugubuzesa iintaba, kuza ibutho elikhulu; elingazange khelibekhona elinjalo nekadeni, nelingasoze labakhona eenkhathini ezizako.

UMALAKI 4:1

“Ngambala liyeza ilanga elizakutjhisa njengekehla. Boke abazaziko ngitjho esinye nesinye isoni sizakuba mawunguwungu begodu ilanga elizakwelo lizabatjhisa, batjhe thokgho.” Kutjho uSomnini uSomandla.

UMATEWU 24:20

Thandazani bona ukubaleka kwenu kungabi sebusika namkha ngeSabatha

UMATEWU 24:29

“Khonokho ngemva kweenhlupheko zemihleni leyo, “ilanga lizakufiphala, inyezi ingakhanyisi, iinkwekwezi zizakuwa emkayini, amandla wezulwini asikinywe.

UMARKOSI 13:9

“Yeke ziyeleleni nina ngombana nizokudoselwa emabandla benimadlhwe ngemasinagogini. Nizakujama phambi kwababusi namakhosi ngesimanga sami ninikele ubufakazi ngami kibo.

ULUKASI 21:24

Abanye bazokubulawa ngesabula, abanye benziwe iimbotjhwa kizo zoke izizwe. IJerusalema izakugadangelwa phasi ngabatjhili kufikela lapha isikhathi sabo siphela khona.”

1 KWEBETHESALONIKA 2:16

enza imizamo yokobana singakhulumi nabatjhili ukuze bangasindiswa. Ngokwenza njalo alokhu akghubelela izono zawo bezafika esiqongolweni. Ilaka lakaZimu selifikelele phezu kwawo.

ISAMBULO 16:18

Kwabonakala imibani, ukuraramba, ukutletlebula kokuduma kwezulu nokusikinyeka okukhulu kwephasi okungazange khekube khona soloko kwaba khona abantu ephasini; mbala kwaba kusikinyeka okukhulu!

ISAMBULO 7:14

Ngathi kuye: “Kosami, nguwe owaziko.” Nje-ke wathi kimi: “Laba ngibo abavela ekuhluphekeni okukhulu. Bazihlanzile iingubo zabo bazenza zaba mhlophe eengazini zeMvana.