UMATEWU 23:8 - IsiNdebele 2012 Translation

⁸ Nina anizukubizwa ngokuthi ‘Rabi’ ngombana ninomfundisi oyedwa, nina noke nje nibabafo.

UMATEWU 23:8 Iomraidhean Croise

UMATEWU 10:25

Kumanele umfundi bona abe njengomfundisakhe, nekhoboka laneliswe kukuba njengekosalo. Nangabe ihloko yomuzi ibizwa bona nguBhelzabhulu, nje-ke amanye amalunga womndeni azakubizwa ngamabizo asabekako!”

UMATEWU 17:5

Kwathi asakhuluma njalo, basibekelwa lilifu elidarhileko, bekwazwakala nelizwi libuya elifinapho lathi: “Le yiNdodanami engiyithandako, engithaba khulu ngayo, ilaleleni!”

UMATEWU 23:10

Begodu ningabizwa ngokuthi ‘Mfundisi’ ngombana ninomfundisi oyedwa onguKrestu.

UMATEWU 23:7

Bathanda ukulotjhiswa eendaweni okuthengiselwa kizo nokubizwa ngokuthi, ‘Rabi’.

UMATEWU 26:25

Yeke uJudasi, ekunguye obekazomkhaphela wathi: “Kghani kungaba ngimi Rabi, na?” UJesu wamphendula wathi: “Iye, nguwe.”

UMATEWU 26:49

UJudasi walunga thwi kuJesu, wathi: “Lotjha Rabi!” Wamncwanga.

UMARKOSI 10:51

UJesu wasibuza wathi: “Ufuna bona ngikwenzeleni na?” Isiphofu sathi kuye: “Rabi, ngifuna ukubona.”

UMARKOSI 11:21

UPitrosi wakhumbula wathi kuJesu: “Rabi, qala! Umuthi owunikeleleko loya utjhwabile.”

UMARKOSI 14:45

Khonapho uJudasi waya kuJesu wathi: “Rabi!” wamcwanga.

UMARKOSI 9:5

UPitrosi wathi kuJesu: “Rabi, kuhle ukuba khona kwethu lapha. Bengithi thana sakha imitlhatlhana emithathu, omunye ube ngewakho, omunye ube ngewakaMosi, omunye ube ngewaka-Eliya.”

ULUKASI 22:32

kodwana ngikuthandazele Simoni kobana ukukholwa kwakho kungabhalelwa. Wena-ke nasele uphendukile, uqinise abafowenu.”

UJWANISI 1:38

UJesu waphenduka, wababona bamlandela, wababuza wathi: “Nilila ngani?” Bona bathi kuye: “Rabi,” (nakutjhugululwako kutjho bona Mfundisi) “uhlalaphi na?”

UJWANISI 1:49

UNathaniyeli wamphendula wathi: “Mfundisi, uyiNdodana kaZimu! UyiKosi yakwa-Israyeli!”

UJWANISI 11:8

Abafundi bamphendula bathi: “Mfundisi, isikhatjhana esifitjhani esidlulileko amaJuda gade afuna ukukukhanda ngamatje, alo-ke ubhincela ukubuyela emuva godu na?”

UJWANISI 20:16

UJesu wathi kuye: “Mariya!” UMariya watjhidela kuye warhuwelela ngesiHebheru wathi: “Rabuni!” (okutjho bona “mfundisi”).

UJWANISI 3:2

Langelinye ebusuku weza kuJesu wafese wathi: “Rabi, siyazi bona umfundisi othunywe nguZimu ngombana akakho noyedwa ongenza iimangaliso ozenzakwezi ngaphandle kobana uZimu abe naye.”

UJWANISI 3:26

Baya kuJwanisi, bafika bathi: “Mfundisi, umuntu obekanawe ngaphetjheya kweJordani, ngitjho loyo ogade ufakaza ngaye, qala uyabhabhadisa, begodu boke baya kuye!”

UJWANISI 4:31

Kusenjalo abafundi bamncenga bathi: “Mfundisi, akhe ugome!”

UJWANISI 6:25

Kwathi bona abantu bafumane uJesu ngaphetjheya kwelwandle, bathi kuye: “Mfundisi, ufike nini lapha na?”

UJWANISI 9:2

Abafundi bakhe bambuza bathi: “Mfundisi, ngubani owonileko, mumuntu lo namkha babelethi bakhe ukuze abelethwe asiphofu na?”

2 KWEBEKORINTE 1:24

Angitjho bona sibusa phezu kokukholwa kwenu, kodwana siziinsebenzi kanye nani ukuze nithabe ngombana nidzimelele ekukholweni.

2 KWEBEKORINTE 4:5

Asizitjhumayeli thina, kodwana sitjhumayela uJesu Krestu njengeKosi, thina sibe makhoboka wenu ngebanga lakhe.

KWEBE-EFESU 3:15

imindeni yoke yezulwini nephasinapha ebizwa ngaye.

UFILIMONI 1:16

angaseselikhoboka kodwana sele angaphezu kwekhoboka, amfowethu othandeka khulukhulu kimi, alo, kangangani-ke kuwe enyameni neKosini.

UJAKOPO 3:1

Bazalwana, ningabi bafundisi abanengi ngombana niyazi bonyana thina esifundisako sizokugwetjwa khulu.

1 UPITROSI 5:3

Ningazenzi amakhosi kilabo enibaphetheko, kodwana nibe ziimbonelo emhlambini.

ISAMBULO 1:9

Mina Jwanisi, umzalwana wenu nomhlanganyeli kanye nani ekuhluphekeni, embusweni nekubekezeleni; bengisesihlengeleni sePatmosi ngebanga lelizwi lakaZimu nobufakazi ngoKrestu.

ISAMBULO 19:10

Ngalokho ngaguqa eenyaweni ngayilotjha kodwana yona yathi kimi: “Ungakwenzi lokho! Ngiyinceku kanye nawe nabazalwane bakho ababambelele ebufakazini bakaJesu. Lotjha uZimu ngombana ubufakazi bakaJesu bumumoya wokuphorofida.”

ISAMBULO 22:9

kodwana yona yathi kimi: “Ungakwenzi lokho! Ngiyinceku kanye nawe nabazalwana bakho, abaphorofidi kanye nalabo ababulunga amezwi wencwadi le. Yeke, lotjha kwaphela uZimu!”