UMATEWU 23:37 - IsiNdebele 2012 Translation

³⁷ “Jerusalema, Jerusalema, wena obulele abaphorofidi, godu wakhanda ngamatje labo abathunywe kuwe, kukangaki ngifuna ukubuthelela abantwabakho njengesikhukhukazi sibuthelela amadzinyanaso ngaphasi kweempiko zaso, kodwana azange ungivumele.

UMATEWU 23:37 Iomraidhean Croise

UNERHEMIYA 9:26

“Nanyana kunjalo baba mahlongandlebe, bakuhlubuka, baphayela imithethwakho ngeqadi. Babulala abaphorofidi bakho egade babayelelisa kobana babuyisane nawe Zimu. Ngalokho bakuhlambalaza khulu.

AMARHUBO 17:8

Ngilonde njengehlavu yelihlo, ungifihle emthunzini wamaphikwakho,

AMARHUBO 36:7

Ukulunga kwakho kunjengeentaba ezikulu, ubulungiswa bakho bunjengamalwandle azikileko. Wena Somnini, usindisa abantu neenlwana.

AMARHUBO 57:1

Kumkhaleli; “Ungatjhabalalisi”; lakaDavida; iMikitamu, lokha nabalekela uSawula ngerholweni.

AMARHUBO 63:7

lokha nangikukhumbula ngilele emsemenami, ubusuku boke ngihumuza ibizo lakho.

AMARHUBO 91:4

Ukufihla ngeensiba zakhe, ngaphasi kwamaphikwakhe ufunyana ubuphephelo, ubuqotho bakhe busihlangu nomthangala.

U-ISAYA 5:4

Yini-ke, okhunye ebengingakwenza ngesidiribe sami ukudlula lokho esele ngikwenzileko na? Kubayini ngithi lokha nangilindele bona sihlome amadiribe, sona sihlome amunyu na?

U-ISAYA 50:2

Kubayini ngingafumani umuntu nangibuyako? Kubayini kungekho ophendulako nangibizako? Kghani umkhonwami mfitjhani khulu bona ungahlenga na? Kghani anginamandla wokusindisa na? Qalani, ngokukhalima kwami ngomisa ilwandle, ngenza imilambo ibe libhudu. Iinhlambi zakhona zibola ngokutlhoga amanzi, zife ngokoma.

UJOROMIYA 2:30

“Ngimadlhe phasi abantwabenu ngelize, azange bamukele ukusolwa. Isabulenu irhiribidele abaphorofidi benu njengebhubezi elidabudabulako.”

UJOROMIYA 26:23

Bakhupha u-Uriya eGibhide bamletha ekosini uJehoyakhimu owambulala ngesabula. Isidumbu sakhe saphoselwa lapha kulahlelwa abantukazana.)

UJOROMIYA 32:31

“Ukusukela mhla lakhiwako bekube gadesi, idorobheli lingivusele itukuthelo nokusilingeka kangangobana kumele ngilisuse phambi kwami

UJOROMIYA 35:15

Ngathumela abaphorofidi okuziinceku zami imini yoke kini kobana bathi: Omunye nomunye wenu akatjhuguluke eendleleni zakhe zobukhohlakali bese nilungise nezenzo zenu, ningadlhemadlhemi ngemva kwabosingazimu kobana nibalotjhe. Khona-ke nizakuhlala endaweni engininikela yona kanye naboyihlo. Kodwana azange niyelele namkha ningilalele.

UJOROMIYA 36:26

Yayala uJerarhimiyeli ikosana, uSeraya umsa ka-Azriyeli kanye noTjhelemiya umsa ka-Abidiyeli kobana bayokulanda uBharurhu umtloli kanye noJoromiya umphorofidi. Kodwana uSomnini begade abafihlile.

UJOROMIYA 4:14

Wena Jerusalema, hlamba ubumbi obusehliziywenakho bese uyasinda. Kuzabe kube nini imizindlo emimbi ihlezi kuwe na?

UJOROMIYA 44:4

Ngathumela kibo imini yoke iinceku zami abaphorofidi abathi, “Ngiyanibawa, ningenzi into enyenyisako nengiyizondako le!”

UJOROMIYA 6:8

Yelela wena Jerusalema, nakungasinjalo ngizakufulathela ngokukghabhudlheka, iye, nakungasinjalo ngizakwenza ube libhudu, indawo lapho kungahlalwa khona.”

UHOSIYA 11:2

Kodwana lokha aboBhali nabababizako bangifulathela, benzela aboBhali imihlabelo, batjhisela neenthombe ezibaziweko itjhwalo.

UHOSIYA 11:7

Abantu bami bazakuhlonywa esigodweni ngombana bangifulathele. Abanye bazakuthwala ijogi lobukhoboka – ijogi elingasoze lasuswa.

UHOSIYA 7:13

“Bazazizwa ngombana bangihlanukile! Bazakurhayilwa ngombana balwa nami! Ngesingami bengikhanukela ukubahlenga, kodwana bayangirhwayela.

UZAKARIYA 1:4

“Ningalingisi aboyihlomkhulu okwathi lokha abaphorofidi baphambilini nabathi kibo: Nakhu okwatjhiwo nguSomnini uMninimandlawoke, ‘Phendukani emikhubeni nezenzweni zenu zobukhohlakali.’ Kodwana azange balalele begodu azange bebangithathele ehloko.” Kutjho uSomnini.

UMATEWU 22:3

Yathumela iinceku zayo kilabo ebebamenyelwe emnyanyeni bona ziyobatjela beze, kodwana abantwabo babhala ukuza.

UMATEWU 22:6

Abanye babamba iinceku baziphatha kumbi bebazibulala.

UMATEWU 23:30

Begodu nithi, ‘Nabegade siphile emihleni yabokhokho, besingekhe sazibandakanya nabo ekuthululeni iingazi zabaphorofidi.’

UMATEWU 23:31

Ngalokho niyafakaza ngokujamelana nani bonyana niziinzukulwana zalabo ababulala abaphorofidi.

UMATEWU 5:12

Thabani nithokoze ngombana umvuzo wenu mkhulu ezulwini. Nabaphorofidi ababakhona ngaphambi kwenu babazuma ngayo indlela le.”

ULUKASI 15:28

“Indodana ekulu yathukuthela khulu yabe yabhala ukungena ngendlini. Yeke uyise waphumela ngaphandle wayirabhela.

1 KWEBETHESALONIKA 2:15

abulala iKosi uJesu kanye nabaphorofidi, nathi asiqotjha lapha. Azange athabise uZimu begodu anelunya kibo boke abantu,

ISAMBULO 17:6

Ngabona bona umfazi loyo bekadakwe ziingazi zabacwengileko neengazi zabofakazi bakaJesu. Kuthe lokha nangimbonako, ngabamba ongenzasi.

URUTE 2:12

Kwanga uSomnini angakwandisela ngalokho okwenze kwabanye. Inga ungafumana umvuzo ophuphumako kuSomnini uZimu wakwa-Israyeli okhosele ngaphasi kwamaphikwakhe.”