UMATEWU 23:23 - IsiNdebele 2012 Translation

²³ “Maye, kini bafundisi bomthetho nani baFarisi, nina bazenzisi ndina! Ninikela kwetjhumi kweenungo zenu okuyiminti, idili nekumini, kodwana nilahle okuqakatheke khulu komthetho, ubulungiswa, isirhawu nokwethembeka. Benimele ngabe nenze lokhu ngaphandle kokuqalela phasi okhunye.

UMATEWU 23:23 Iomraidhean Croise

IZAGA 21:3

Ukwenza okuhle nokulungileko, kwamukeleke khulu kuSomnini ukudlula imihlabelo.

U-ISAYA 28:25

Lokha nasele aleleze isimu, urhatjha imihlobohlobo yekumini atjale ikoroyi, inyaluthi nebhali endaweni efaneleko kanye nomunye umhlobo wamabele ngemaqadi.

UJOROMIYA 22:3

Nakhu okutjhiwo nguSomnini: Yenzani okulungileko nokufaneleko. Yenyelani odlelezelweko esandleni somgandelelakhe. Ningahlukumezi namkha nikhahlameze isikhonzi, intandani nomhlolokazi begodu ningathululi iingazi ezinganamlandu endaweni le.

UHOSIYA 6:6

ngombana ngilulukela ukwethembeka, ingasi umhlabelo; nokwazi ngoZimu kuneminikelo yokutjhiswa.”

ULEVITIKUSI 27:30

“Koke kwetjhumi kwenarha, kungaba ngokweenthoro namkha kweenthelo, kungokwakaSomnini. Yeke kucwengile kuSomnini.

UMIKHA 6:8

USomnini ukwazisile wena muntu lokho okulungileko. Yini-ke okhunye uSomnini akulindele kuwe ngaphandle kokwenza akutjhwileko nokwethembeka esivumelwaneni sakhe bewukhambe noZimakho ngokutjhejisisa na?

UMATEWU 12:7

Nabegade nisazi bonyana atjho ukuthini amezwi la, ‘Ngilulukela ukwethembeka, ingasi umhlabelo.’ beningekhe nabalahla abamsulwa

UMATEWU 23:13

“Maye, kini bafundisi bomthetho nani baFarisi, nina bazenzisi ndina! Nivalele abantu kobana bangangeni embusweni wezulu. Nina ngokwenu aningeni, begodu anivumeli labo abalinga ukungena!

UMATEWU 9:13

Kodwana khambani niyokufunisisa bona umtlolo lo uthini lokha usithi, ‘Ngilulukela ukwethembeka, ingasi umhlabelo.’ Angikazeli ukuzokubiza abantu abalungileko, kodwana ngizele ukuzokubiza izoni.”

ULUKASI 11:42

“Maye kini baFarisi! Ninikela uZimu kwetjhumi komnono wenu, umkhiqizo kanye nayo yoke imihlobo yemirorho yeemvande zenu, kodwana aniyeleli ukulunga nokuthanda uZimu. Benifanele nenze koke lokho, kodwana ningakulisi nokhunye.

ULUKASI 18:12

Ngizila ukudla kabili ngeveke, ngikhupha umnikelo wokwetjhumi kwakho koke engikuzuzako.’

1 USAMYELA 15:22

Kodwana uSamyela wathi: “USomnini uthabiswa mihlabelo yokutjhiswa neminikelo kunokuthobela ilizwi lakhe na? Ukulalela kungcono kunemihlabelo, begodu nokuyelela kungcono kunamafutha wamaqama.