UMATEWU 22:29 - IsiNdebele 2012 Translation

²⁹ UJesu wabaphendula wathi: “Niyaphosisa niyazi! Kanti aniyazi imitlolo namkha amandla kaZimu na?

UMATEWU 22:29 Iomraidhean Croise

UGENESISI 18:14

Kungabe kukhona okungabhalela uSomnini na? Ngesikhathi esifaneleko, umnyaka ozako ngesikhathesi ngizakubuya begodu noSara uzabe sele anendodana.”

AMARHUBO 17:15

Kodwana mina ngizazizwela ubukhona bakho ngisendawenakho yokulunga. Lokha nangivukako ngizakwaneliswa kuzibonakalisa kwakho.

U-ISAYA 25:8

Uzakuqeda ukufa unomphela. USomandla onguSomnini uzokusula zoke iinyembezi kibo boke ubuso; asuse ihlazo ebantwini bakhe, kilo loke iphasi. Mbala, uSomnini ukhulumile.

U-ISAYA 26:19

Abafileko bakho bazakuphila, iye, abafileko bekhethu bazakuvuka. Phaphamani nihlokome nina enihlala ethulini! Mbala, umbethe wakho ungowezulwini; Zimu, uzakubhubhisa indawo yabafileko.

UJOROMIYA 32:17

“Maye mina, Somnini Somandla, qala, nguwe owenze izulu nephasi ngamandlakho amakhulu nangengalo eluliweko. Akunanto ekubhalelako.

UHOSIYA 13:14

Ngimsindise emandleni wethuna na? Ngimhlenge ekufeni? Kufa ndina, aphi amanikelelakho? Thuna ndina, kuphi ukubhubhisa kwakho? Angeze ngamrhawukela.

UMATEWU 22:28

Manje-ke mhlana abafileko bavukako ekufeni, uzokuba mkabani kabalikhomba njengombana boke gade bamthethe na?”

UMARKOSI 12:24

UJesu waphendula wathi: “Anitjhaphi na? Kuyabonakala bona aniyazi imitlolo namandla kaZimu!

ULUKASI 1:37

ngombana ayikho into engenzekiko kuZimu.”

UJWANISI 20:9

Bebasengakazwisisi imitlolo ethi kumele avuke kabafileko.

IZENZO ZABAPOSTOLI 26:8

Alo, kubangelwa yini bona nanyana ngubani wenu afunyane kulikhuni ukukholwa ukuthi uZimu uyabavusa abafileko na?

KWEBEROMA 15:4

Koke okwatlolwa ngaphambilini kwatlolelwa ukusifundisa ukuze kuthi ngokunyamezela nangokukhuthazeka kwemitlolo, sibe nethemba.

1 KWEBEKORINTE 15:34

Qaqulukani njengombana nifanele, nilise ukona ngombana kukhona abathileko abangayeleli uZimu. Ngitjho lokhu khona nizakhe khenizikhuze.

KWEBEFILIPI 3:21

Uzakutjhugulula imizimba yethu ethobekileko ukuze ifane nomzimba wephazimulwakhe ngamandla amenza akghone ukwenza koke bona kube ngaphasi kwelawulo lakhe.