UMATEWU 21:34 - IsiNdebele 2012 Translation

³⁴ Kwathi nakutjhidela isikhathi sokuvuna, wathumela iinsebenzi zakhe ebaqatjhini kobana bayokukha iinthelo zakhe.

UMATEWU 21:34 Iomraidhean Croise

U-ISAYA 5:4

Yini-ke, okhunye ebengingakwenza ngesidiribe sami ukudlula lokho esele ngikwenzileko na? Kubayini ngithi lokha nangilindele bona sihlome amadiribe, sona sihlome amunyu na?

UJOROMIYA 35:15

Ngathumela abaphorofidi okuziinceku zami imini yoke kini kobana bathi: Omunye nomunye wenu akatjhuguluke eendleleni zakhe zobukhohlakali bese nilungise nezenzo zenu, ningadlhemadlhemi ngemva kwabosingazimu kobana nibalotjhe. Khona-ke nizakuhlala endaweni engininikela yona kanye naboyihlo. Kodwana azange niyelele namkha ningilalele.

UMATEWU 21:35

Abaqatjhi babamba iinsebenzi zakhe, esinye basibetha, esinye basibulala, sesithathu basikhanda ngamatje.

UMATEWU 21:38

Kodwana kwathi abaqatjhabo nababona indodana, bakhuluma bodwa bathi, ‘Angithi le yindlalifa! Asiyibulaleni siyithathele ilifa layo.’

UMATEWU 21:40

Alo-ke umninisidiribe nafikako uzabenzani abaqatjhaba na?”

UMATEWU 21:41

Bamphendula bathi: “Iinkhohlakalezo uzozibhubhisa nya, athathe isidiribe sakhe asiqatjhisele abanye abazamnikela isabelo sakhe sesivuno ngesikhathi esifaneleko.”

UMATEWU 22:3

Yathumela iinceku zayo kilabo ebebamenyelwe emnyanyeni bona ziyobatjela beze, kodwana abantwabo babhala ukuza.

UMARKOSI 12:1

UJesu wathoma ukukhuluma nabo ngemifanekiso wathi: “Indoda yatjala isidiribe, yasibiyela ngomthangala. Yemba umgodi wobutlhodlhelo bewayini, yakha isithala sabalindi. Yaqatjhisela abalimi isidiribeso, yathatha ikhambo.

UMARKOSI 12:7

Kodwana abaqatjhabo bakhulumisana bodwa bathi: ‘Le yindlalifa. Asiyibulaleni, khona ilifa lizakuba ngelethu.’

UMARKOSI 12:9

UJesu wababuza wathi: “Uzakwenza njani umninisidiribe na? Ngithi uzakuza afese abulale boke abaqatjhi labo, aqatjhisele abanye isidiribeso.

ULUKASI 20:9

Waragela phambili watjela abantu umfanekiso lo: “Umuntu watjala isidiribe, wasiqatjhisela abalimi abathileko, wakhamba ekhaya isikhathi eside.