UMATEWU 21:31 - IsiNdebele 2012 Translation

³¹ Ngiyiphi-ke phakathi kwamabili la eyenze ekufunwa nguyise na?” Bamphendula bathi: “Yokuthoma.” Yeke uJesu wathi kibo: “Ngiqinisile ngiyanitjela bona abathelisi neengwadla zingena embusweni kaZimu phambi kwenu.

UMATEWU 21:31 Iomraidhean Croise

UJOBHO 15:6

Akusimi okulahlako, kodwana mlomakho lowo; iye, iimbhena zakho zifakaza ngokujamelana nawe.

UHEZEKIYELI 33:11

Batjele bona uSomnini uSomandla uthe: “Ngiyafunga ngokuphila kwami bonyana angithabiswa kukufa kwesikhohlakali, kodwana ngithabiswa kulokha nasitjhiya indlelaso, siphile. Yeke phendukani! Phendukani eendleleni zenu ezimbi nina ndlu ka-Israyeli, nizakufelani na?”

UMATEWU 12:50

Loyo owenza okufunwa nguBaba osezulwini ungumfowethu, ungudadwethu begodu ungumma.”

UMATEWU 18:3

wathi: “Ngiqinisile ngiyanitjela bona ngaphandle kobanyana niphenduke nibe njengabantwana, angekhe nangena embusweni wezulu.

UMATEWU 20:16

“Ngaleyondlela bokugcina bazakuba ngebokuthoma nebokuthoma babe ngebokugcina.”

UMATEWU 21:30

Yeke umuntu loyo waya endodanenakhe enye, wafike watjho amezwi afanako, yaphendula yathi, ‘Iye, baba,’ kodwana azange iye.

UMATEWU 5:18

Ngambala ngiyanitjela bona kungakadluli izulu nephasi, akunaledere nalinye, ngitjho nesiqetjhana segama esizokudlula emthethweni bekupheliswe koke.

UMATEWU 5:46

Yeke nanithanda labo abanithandako, ninomvuzo bani na? Angithi nabathelisi benza njalo?

UMATEWU 6:5

“Lokha nawuthandazako, ungabi njengabazenzisi ngombana bathanda ukuthandaza bajamile ngemasinagogini nemajikeni weendledlana ukuze babonwe babantu. Ngiqinisile ngiyanitjela bona sele bawufumene umvuzwabo ngokupheleleko.

UMATEWU 7:21

“Akusuye woke othi kimi, ‘Kosi, Kosi’ ozakungena embusweni wezulwini, kodwana kwaphela loyo owenza intando kaBaba osezulwini.

UMATEWU 9:9

UJesu wathi nasuka lapho; wabona umuntu ekuthiwa nguMatewu, ahlezi ngekumbeni yomthelo. Wathi kuye: “Ngilandela.” UMatewu wasikima wamlandela.

ULUKASI 15:10

Ngokunjalo ngiyanitjela bona kunethabo elikhulu phambi kweengilozi zakaZimu ngesoni esisodwa esiphendukako.”

ULUKASI 19:22

Wathi kilo, ‘Ngizokugweba ngamagamakho wena khoboka elikhohlakeleko ndina. Angithi bewazi bonyana ngimumuntu olikhuni, ngithatha engingakakubeki, ngivune engingakakutjali?

ULUKASI 7:29

Boke abantu ngitjho nabathelisi bawezwa amezwi kaJesu, bavuma bonyana indlela kaZimu iliqiniso ngombana bebabhajadiswe nguJwanisi.

UJWANISI 3:3

UJesu wamphendula wathi: “Kwamambala ngiqinisile ngithi: Akakho noyedwa ozakubona umbuso kaZimu ngaphandle kobanyana abelethwe butjha.”

UJWANISI 3:5

UJesu wamphendula wathi: “Kwamambala ngiqinisile ngithi kuwe: Akakho noyedwa ozakungena embusweni kaZimu ngaphandle kobana abelethwe ngamanzi nangoMoya.

IZENZO ZABAPOSTOLI 17:30

Ngalokho uZimu wathalalisa iinkhathi zokungazi, kodwana kwanjesi uyayala bonyana kuphi nakuphi abantu boke baphenduke

KWEBEROMA 3:19

Gadesi sele sisazi bona nanyana yini etjhiwo mthetho, imalungana nalabo abangaphasi komthetho ukuze yoke imilomo ithuliswe, nephasi loke libe nokuziphendulela kuZimu.

KWEBEROMA 5:20

Kodwana umthetho wabekwa, ngaleyondlela ukuphambeka kwanda, nokho lapha kwande khona isono, nomusa uba kangako

2 UPITROSI 3:9

USomnini akasibuthaka ngesithembiso sakhe njengombana abanye bacabanga. Kunalokho uyaninyamezelela, akathandi bonyana kubhubhe namunye, kodwana kobana boke baphenduke.