UMATEWU 20:21 - IsiNdebele 2012 Translation

²¹ UJesu wambuza wathi: “Ufunani na?” Wamphendula wathi: “Vuma bona amadodanami amabili la akuphahle embuswenakho, enye ibe ngesigomeni sakho, enye ibe ngesinceleni sakho.”

UMATEWU 20:21 Iomraidhean Croise

1 AMAKHOSI 2:19

UBhathi-Tjheba waya ekosini uSolomoni bonyana ayokukhulumela u-Adoniya. USolomoni wasikima wamhlangabeza, wafese wamkhothamela. Wahlala esihlalweni sakhe wathi akulethwe isihlalo sendlovukazi izokuhlala. UBhathi-Tjheba wahlala phasi ngesidleni sakhe.

1 AMAKHOSI 3:5

UZimu waziveza kuSolomoni ebusuku ngebhudango eGibiyoni wathi: “Bawa okufunako ngikuphe.”

U-ESTA 5:3

Ikosi yathi kuye: “Ndlovukazi Esta, ulila ngani? Siyini isibawo sakho? Ngitjho nanyana kungaba siquntu sombuso, uzakunikelwa sona.”

AMARHUBO 110:1

Irhubo lakaDavida. Naku umlayezo kaSomnini oya ekosinami: “Hlala ngesidleni sami bekube kulokha nangenza izitha zakho zibe sinabelo seenyawo zakho.”

AMARHUBO 45:9

Zoke izambatho zakho zifufuzelwe, ngemire, iqolo lesikghopha namakhwa wesinamoni. Eengodlweni ezikghatjiswe ngamazinyo wendlovu kubethwa imitjingo eyenza wename.

UJOROMIYA 45:5

Alo, wena uzifunela izinto ezikulu na? Ungakufuni lokho ngombana ngizokwehlisa ihlekelele phezu kwabo boke abantu, kodwana nanyana kukuphi lapha uya khona ngizakusindisa ipilwakho.’ Kutjho uSomnini.”

UMATEWU 18:1

Ngesikhatheso abafundi beza kuJesu babuza bathi: “Ngubani omkhulu embusweni wezulu na?”

UMATEWU 19:28

UJesu wathi kibo: “Ngiqinisile ngiyanitjela bona ephasini elitjha lokha iNdodana yoMuntu nayihlezi esihlalweni sayo sobukhosi esiphazimulako, nina ebeningilandela, nani nizokuhlala eenhlalweni zobukhosi ezilitjhumi nambili, nigwebe iinkoro ezilitjhumi nambili zakwa-Israyeli.

UMATEWU 20:22

UJesu waphendula, wathi: “Anikwazi enikubawako. Ningakghona ukusela ikapho engizoyisela le na?” Baphendula bathi: “Singakghona.”

UMATEWU 20:32

UJesu wajama, wazibiza, wathi kizo: “Nifuna bona nginenzeleni na?”

UMARKOSI 10:51

UJesu wasibuza wathi: “Ufuna bona ngikwenzeleni na?” Isiphofu sathi kuye: “Rabi, ngifuna ukubona.”

UMARKOSI 16:19

Emva kobana iKosi uJesu sele ikhulumile nabo, yanyuselwa ezulwini, yayokuhlala ngesigomeni sakaZimu.

UMARKOSI 6:22

Kwathi lokha indodakazi kaHerodiya nayingena, igida, yathokozisa uHerode nabasesidlweni naye. Nje-ke ikosi yathi emntazaneni: “Nawungangibawa nanyana yini oyifunako, ngingakunikela yona.”

ULUKASI 18:41

“Ufuna ngikwenzeleni na?” Samphendula sathi: “Kosi, ngifuna ukubona.”

ULUKASI 19:11

Kuthe abantu basalalele lokho, uJesu waraga ngokubatjela umfanekiso ngombana begade aseduze kweJerusalema begodu abantu bebadlumbana bona umbuso kaZimu bewuzokuvela khonokho.

ULUKASI 22:24

Kwaqubuka ipikiswano phakathi kwabo kobana ngubani wabo othathwa bona ngomkhulu.

UJWANISI 15:7

Nanihlala kimi namezwami ahlala kini, nizakubawa nanyana yini enikufunako, nizakwenzelwa.

IZENZO ZABAPOSTOLI 1:6

Labo ebebahlangene ndawonye, bambuza bathi: “Kosi, ingabe esikhathinesi sewuzowubuyisela umbuso ku-Israyeli na?”

KWEBEROMA 12:10

Thandanani khulu ngethando lobuzalwana, niphalisane ngokuhloniphana.

KWEBEROMA 8:34

Ngubani olahla ngomlandu na? NguKrestu Jesu owafako, iye, owavuswa ekufeni, ohlezi ngesigomeni sakaZimu nosincengelako.

KWEBEKOLOSE 3:1

Nakube navuswa noKrestu, khona-ke funani izinto zaphezulu, lapho uKrestu ahlezi khona ngesigomeni sakaZimu.