UMATEWU 20:2 - IsiNdebele 2012 Translation

² Wavuma ukubakhokhela udenariyu ngelanga, wabese ubathumela esidiribeni sakhe.

UMATEWU 20:2 Iomraidhean Croise

1 AMAKHOSI 18:12

Ngizakuthi nangifulathela lapha bese uMoya kaSomnini uyakuthwala ukuse kwandawo. Ngifike-ke mina ngibikele u-Arhabi ngawe, athi nathi uyakugola afumane ngesikhundla, ngizakuba mumuntu wokufa. Khibe mina ncekwakho ngathoma ukwesaba uZimu kusukela ebutjheni bami.

2 IINKRONIKE 34:3

Kuthe emnyakeni wobunane wokubusa kwakhe, asesemncani njalo, wathoma ukufuna uZimu kayisemkhulu uDavida. Emnyakeni wetjhumi nambili wokubusa kwakhe wathoma ukuhlwengisa ikwaJuda neJerusalema ngokususa iindunduma, imifanekiso yabo-Atjhera, iinthombembazwa neenthombembunjwa.

UMTJHUMAYELI 12:1

Khumbula umdali wakho emalangeni wobutjha bakho, kungakafiki imihla emimbi nokutjhidela kweminyaka ozakutjho ngayo uthi, “Anginakwenama ngayo.”

UMATEWU 18:28

“Kodwana kwathi lokha inceku leyo nayiphumako, yahlangana nesinye seensebenzi esisebenza nayo ebegade siyikoloda ikhulu labodenariyu. Yasibamba ngomphimbo, yasikhahlameza yathi, ‘Khokha isikolodo sakho ongibamba sona!’

UMATEWU 20:1

“Umbuso wezulu ufana nomnininarha owaphuma ekuseni wayokuqatjha abantu bona basebenze esidiribeni sakhe.

UMATEWU 20:13

“Kodwana waphendula omunye wabo wathi, ‘Mnganami, angikakugalaji. Angithi uvumile bona uzakusebenzela udenariyu na?

UMATEWU 20:3

Ngesimbi yethoba waphuma godu wabona abanye abantu bajame endaweni ekuthengiselwa kiyo, bangenzi ilitho.

UMATEWU 20:9

Abantu abathome ukusebenza ngesimbi yesihlanu bafika, barholelwa udenariyu ngamunye.

UMATEWU 22:19

Ngitjengisani imali enithela ngayo!” Bamlethela udenariyu,

UMATEWU 9:37

Yeke wathi ebafundini bakhe: “Isivuno sinengi, kodwana iinsebenzi zilibinzana.

UMARKOSI 12:15

Kodwana uJesu wakulemuka ukuzenzisa kwabo, wabaphendula wathi: “Ningilingelani na? Lethanapha udenariyu loyo ngimbone.”

ULUKASI 1:15

ngombana izakuba yikulu emehlweni kaSomnini. Ingaseli iwayini namkha esinye nesinye isiselo esiwunyelweko. Izakuzaliswa ngoMoya oCwengileko kwekubelethweni kwayo.

ULUKASI 10:35

Elangeni elilandelako wakhupha iimpaparwana zesiliva ezimbili wanikela umninikumba, wathi kuye: ‘Yewumhlenge, kuzakuthi nangibuyako, ngikukhokhele zoke iindleko ezinye obe nazo ngaye.’ ”

ULUKASI 20:24

“Ngitjengisani abodenariyu. Mfanekiso nebizo lakabani leli na?” Baphendula bathi: “Ngelombusi omkhulu.”

2 UTHIMOTHI 3:15

Kwebuntwaneni wayazi imitlolo ecwengileko enamandla yokukupha ukuhlakanipha kube kusindiswa ngokukholwa kuKrestu Jesu.

ISAMBULO 6:6

Ngezwa okungathi lilizwi hlangana neembunjwa ezine eziphilako lisithi: “Isiqwebu sinye sekoroyi ngesipaparwana neenqwebu ezintathu zebhali ngesipaparwana, kodwana ungoni amafutha we-oliva newayini!”

1 USAMYELA 2:18

USamyela wasebenza phambi kwakaSomnini asesemsanyana njalo, embethe isambatho somphristi selineni.

1 USAMYELA 2:26

Umsana uSamyela waragela phambili wakhula ngejamo begodu wathandwa nguSomnini nabantu.

1 USAMYELA 3:1

Umsana uSamyela wasebenzela uSomnini atjhejwe ngu-Eli. Ilizwi lakaSomnini belingakandi amalanga lawo, nombono uyivela kancani.

1 USAMYELA 3:21

USomnini waragela phambili ngokuziveza eTjhilo. Iye, waziveza ngelizwi lakhe kuSamyela.