UMATEWU 2:2 - IsiNdebele 2012 Translation

² Zabuza zathi: “Uphi obelethwe bona abe yikosi yamaJuda na? Sibone ikwekwezakhe lokha nayiphuma ngepumalanga, nje-ke size bona sizomkhothamela.”

UMATEWU 2:2 Iomraidhean Croise

AMARHUBO 2:6

“Ngimi obeke ikosi ekungeyami eZiyoni, entabenami ecwengileko.”

AMARHUBO 45:11

Lalela wena ndodakazi! Phosa amehlo ubeke indlebe, ukhohlwe abantu bekhenu nendlu kayihlo.

U-ISAYA 60:3

Izizwe zizakuza ekukhanyeni kwakho namakhosi ekudarheni kwephazimulwakho.

UJOROMIYA 23:5

USomnini uthi: “Qalani, isikhathi siyeza lapha ngizakuvusela khona uDavida ingala yangokomthetho, izakubusa njengekosi iphathe ngokuhlakanipha beyenze okulungileko nokufaneleko enarheni.

UJOROMIYA 30:9

kodwana uJakopo uzakulotjha uSomnini uZimakhe, asebenzele uDavida ikosakhe engizamvusela yona.”

UZAKARIYA 9:9

Jekezela khulu wena ndodakazi yeZiyoni! Rhuwelela wena ndodakazi yeJerusalema! Qala, ikosakho iza kuwe, ilungile begodu iyahlula. Ithobekile begodu ikhwele udumbana, udumbana wamambala.

UNUMERI 24:17

Ngiyambona yena kodwana ingasi manjesi, ngiyambona kodwana ingasi eduze. Iye, ikwekwezi izakuvumbuka kuJakopo, intonga yobukhosi izakuvela ku-Israyeli; izakuphihliza iindlani zombili zakwaMowabi, neenhloko zamaTjhethi woke.

UMATEWU 2:3

Kwathi bona ikosi uHerode izwe lokho, yawurubajeka, neJerusalema loke lawurubajeka nayo.

UMATEWU 21:5

“Yenithi endodakazini yeZiyoni: “Naso ikosakho iza kuwe, ngokuzithoba beyikhwele udumbana, iye, udumbanyana olithole lakadumbana.”

UMATEWU 27:11

UJesu wajama phambi kombusi, umbusi loyo wambuza wathi: “Uyikosi yamaJuda na?” UJesu wamphendula wathi: “Iye, kunjengombana usitjho.”

ULUKASI 19:38

sathi: “Ubusisiwe loyo ozako, iye, iKosi eza ebizweni lakaSomnini! Ukuthula ezulwini nephazimulo keliphezulu!”

ULUKASI 2:11

Khona namhlanjesi ngemzini kaDavida nibelethelwe uMsindisi onguMesiya, iKosi!

ULUKASI 23:3

UPilatu wambuza wathi: “Uyikosi yamaJuda na?” UJesu wamphendula wathi: “Iye, kunjengombana usitjho.”

ULUKASI 23:38

Ngehla kwakhe bekutlolwe amezwi la: LE YIKOSI YAMAJUDA.

UJWANISI 1:49

UNathaniyeli wamphendula wathi: “Mfundisi, uyiNdodana kaZimu! UyiKosi yakwa-Israyeli!”

UJWANISI 12:13

Sathatha amahlahla womuthi wesundu saphuma sayomhlangabeza sarhuwelela, sathi: “Dumisani uZimu! Ubusisiwe ozako ebizweni lakaSomnini! Iye, ibusisiwe iKosi yakwa-Israyeli!”

UJWANISI 18:37

UPilatu wambuza wathi: “Alo-ke uyikosi na?” UJesu waphendula wathi: “Utjho khona, ngiyikosi, kuhlekuhle ngabelethelwa lokho begodu kungalokho ngeza ephasinapha ukuze ngifakaze iqiniso. Ngabelethwa, ngeza ephasinapha ukuzokukhuluma ngeqiniso. Boke abaseqinisweni bayalilalela ilizwi lami.”

UJWANISI 19:19

UPilatu bekatlole isaziso, wasiphanyeka esiphambanweni. Sifundeka bunje: “UJesu weNazaretha, ikosi yamaJuda.”

UJWANISI 20:28

UTomasi wamphendula wathi: “Kosami, Zimami!”

UJWANISI 5:23

ukuze boke bahloniphe iNdodana njengombana bahlonipha uYise. Ngiloyo naloyo ongahloniphi iNdodana akamhloniphi noYise oyithumileko.

UJWANISI 9:38

Wathi: “Ngiyakholwa, Kosi!” Waguqa phambi koJesu.

AMAHEBHERU 1:6

Godu kwathi lokha uZimu nakaletha izibulo lakhe ephasinapha, wathi: “Zoke iingilozi zakaZimu azililotjhe.”

ISAMBULO 22:16

“Ngimi mina Jesu engithumele ingilozi yami kini kobana izokufakaza ngezintwezi emabandleni. Ngimurabhu nomlibo kaDavida, ikhwezi lokusa elinyamazelako.”