UMATEWU 2:13 - IsiNdebele 2012 Translation

¹³ Kwathi bona izazi zikhambe, ingilozi kaSomnini yazibonakalisa kuJosefa ngebhudango yathi: “Vuka uthathe umntwana nonina nibalekele eGibhide. Hlalani lapho benginitjele ngombana uHerode uzokufunana nomntwana kobana ambulale.”

UMATEWU 2:13 Iomraidhean Croise

1 AMAKHOSI 11:17

Kodwana uHadadi wabalekela eGibhide kanye neenkhulu ezinye ze-Edomu ebegade zisebenzela uyise. Ngesikhatheso ubasese msana.

1 AMAKHOSI 3:5

UZimu waziveza kuSolomoni ebusuku ngebhudango eGibiyoni wathi: “Bawa okufunako ngikuphe.”

UJOBHO 33:15

Kungaba ngebhudango, umbono webusuku: Lokha abantu nababanjwe buthongo, barhona emikghadinabo,

UJOBHO 33:17

ukuze atjhidise umuntu ekoneni kwakhe, ahlunge ukuzitjhaya kuye,

U-EKSODUSI 1:22

Yeke uFaro wakhupha umyalo othi: “Boke abesana ababelethwako baphoseleni emlanjeni iNayili, kodwana abentazana bona nibalise baphile.”

UMATEWU 1:20

Kwathi asakhumbula lokho, ingilozi kaSomnini yazibonakalisa kuye ebhudangweni yathi: “Josefa, sizukulwana sakaDavida, ungesabi ukuthatha uMariya abe mkakho ngombana lokho akubambileko kubuya kuMoya oCwengileko.

UMATEWU 10:23

Lokha nabanizumako kelinye idorobho, balekelani kelinye. Ngiqinisile ngiyanitjela bona angekhe naqeda ukudabula emadorobheni wakwa-Israyeli, iNdodana yoMuntu ingakafiki.

UMATEWU 2:12

Sele ziyelelisiwe ebhudangweni kobana zingabuyeli emuva kuHerode, zaya enarheni yekhabo zikhamba ngenye indlela.

UMATEWU 2:14

Yeke wavuka, wathatha umntwana nonina, wakhamba ebusuku waya eGibhide,

UMATEWU 2:16

Kwathi bona uHerode alemuke bonyana izazi zepumalanga zimkhohlisile, wasilingeka. Wakhupha umyalo bona kubulawe boke abantwana ababesana eBhethelehema neendaweni ezihlanu kwayo, kusukela eminyakeni emibili nengaphasi. Lokhu kwenzeka malungana nalokho akuzwa ngezazi.

UMATEWU 2:22

Kodwana kwathi bona uJosefa ezwe bonyana u-Aritjhilawosi uthethe isihlalo sakayise uHerode eJudiya, wesaba ukuya lapho. Sele ayeleliswe ebhudangweni, waya esifundeni seGalile,

IZENZO ZABAPOSTOLI 10:22

Aphendula athi: “Umphathimabutho, uKorneliyasi usithumile. Uyindoda eqotho eyesaba uZimu begodu ukhulunywa kuhle esizweni soke samaJuda. Uyalwe yingilozi ecwengileko bona akumemele emzinakhe ukuze ezwe bonyana umphathele ndaba bani.”

IZENZO ZABAPOSTOLI 10:7

Kwathi lokha ingilozi egade ikhuluma naye nasele ikhambile, uKorneliyasi wabiza iinsebenzi zakhe ezimbili nejoni elesaba uZimu egade limelusa.

IZENZO ZABAPOSTOLI 12:11

Yeke uPitrosi sele asangulukile wathi: “Kwanje ngiyazi bona ngambala uZimu uthumele ingilozakhe kobana ingisindise emandleni kaHerode nakizo zoke izinto amaJuda agade alindele bona zizokwenzeka.”

IZENZO ZABAPOSTOLI 12:7

Khonokho kwabonakala ingilozi yeKosi bekwaba khona ukukhanya ngaphakathi kwesikhungo. Yapasula uPitrosi ehlangothini, yamvusa yathi: “Vuka! Yenza msinyana!” Khonokho iinketani zakhithika ezandleni zakaPitrosi.

IZENZO ZABAPOSTOLI 16:36

Yeke umphathisikhungo watjela uPowula wathi: “Iinkhulu zinithumele umlayezo bona sinithukulule. Yeke phumani nikhambe ngokuthula.”

IZENZO ZABAPOSTOLI 5:19

Kodwana phakathi kobusuku ingilozi kaSomnini yavula iminyango yesikhungo, yabakhuphela ngaphandle yathi kibo:

IZENZO ZABAPOSTOLI 7:19

Yona yaphatha abantu bekhethu ngelunya, yakatelela abokhokho bona balahle amasana wabo ukuze angaphili.

UJOTJHUWA 3:13

Kuzakuthi lokha iinyawo zabaphristi abathwele umfaji kaZimu onguSomnini wephasi loke nazikghwatha amanzi weJordani, amanzi avela ngehla azakujama angasadluli bese akghubelelane akhuphuke abe yintaba.”

UJOTJHUWA 3:17

Lokha ama-Israyeli nasayama njalo akhamba ehlabathini eyomileko, abaphristi ebebathwele umfaji wesivumelwano sakaSomnini bajama ehlabathini eyomileko phakathi kweJordani soke isizwe besaqeda ukuyama.

UJOTJHUWA 4:10

Abaphristi ebegade bathwele umfaji bajama phakathi kweJordani bekwaphela koke uSomnini ebegade ayale uJotjhuwa bona akutjele abantu, ukuya ngakho koke uMosi agade amyale ngakho. Abantu bayama barhabile,

UJOTJHUWA 4:18

Kuthe lokha abaphristi abathwele umfaji wobufakazi nabaphuma ngeJordani, bona iinyawo zabo zigadange ehlabathini eyomileko, amanzi weJordani abuyela endawenawo, umlambo wathwala iingodo njengaphambilini.

ISAMBULO 12:14

Kodwana umfazi waphiwa iimpiko ezimbili zekhozi elikhulu bona aphaphele endaweni alungiselelwe yona ngerhalawumbeni, lapha azakondliwa khona kwesikhatjhana, iinkhatjhana nengcenye yesikhathi, lapha inyoka ingeze yamfikela khona.

ISAMBULO 12:4

Umsila wakhe wawola ingcenye yesithathu yeenkwekwezi zezulu, waziwululela ephasini. Nje-ke unomrhaso wajama phambi komfazi obekasele azokubeletha ukuze azokudla umntwanakhe loyo emva kobana abelethiwe.

ISAMBULO 12:6

umfazi yena wabalekela erhalawumbeni lapha bekanendawo ayilungiselwa nguZimu ukuze ondliwe lapho amalanga ayikulungwana namakhulu amabili anamatjhumi asithandathu.