UMATEWU 19:4 - IsiNdebele 2012 Translation

⁴ UJesu waphendula wathi: “Azange khenifunde bonyana ekuthomeni uMdali wenza omduna nomsikazi na?

UMATEWU 19:4 Iomraidhean Croise

UGENESISI 1:27

Yeke uZimu wadala umuntu ngomfanekiswakhe; umuntu waba mfuziselo kaZimu; wadala wembaji nowengubo.

UGENESISI 2:18

USomnini uZimu wathi: “Akusikuhle bona umuntu ahlale yedwa. Yeke ngizomenzela umsizi omfaneleko.”

UGENESISI 2:23

Umuntu wembaji wathi: “Lo, lithambo lamathambami nenyama yenyamami! Uzakubizwa bona mfazi ngombana uthethwe endodeni.”

UGENESISI 5:2

wabenza kwaba ngowembaji nowengubo, wababusisa. Mhlana abenzako wababiza bona babantu.

2 IINKRONIKE 24:3

UJehoyada wamkhethela abafazi ababili. Wabelethelwa amadodana namadodakazi.

UMALAKI 2:15

Azange enze indoda nomfazi baba munye na? Ubagade angenza abantu ababili abahlukileko. Kubayini-ke abenze baba munye? Kungombana ubagade afuna ukubumba isizukulwana esethembekileko kuZimu. Nje-ke zilondeni nimunye njalo njengokubunjwa kwenu, ungamlahli umfazakho weenkomo.

UMATEWU 12:3

Wabaphendula wathi: “Azange khenifunde bona uDavida wenzani lokha yena nabakhambisani bakhe nagade balambile na?

UMATEWU 21:42

UJesu wathi kibo: “Kghani anizange khenifunde emitlolweni na? “ ‘Ilitje abakhi abalilahlako libe lilitje lesisekelo. Lokhu kwenziwe yiKosi; nje-ke kuyamangalisa emehlwenethu.’ ”

UMATEWU 21:6

Yeke abafundi bakhamba bayokwenza njengombana uJesu abayalile.

UMATEWU 22:31

Kodwana mayelana nokuvuka kwabafileko: Kghani anikafundi bona uZimu wathini kini?

UMARKOSI 12:10

Akhange khenifunde umtlolo lo na? “ ‘Ilitje eladelwa babakhi libe ngeliqakathekileko ejikeni.

UMARKOSI 12:26

Mayelana nokuvuka kwabafileko, akhange khenifunde encwadini kaMosi ngomlando womuthi ositjhutha kobana uZimu wathi kuye: ‘NginguZimu ka-Abrahamu, uZimu ka-Isaka noZimu kaJakopo.’

UMARKOSI 2:25

Wathi kibo: “Akhange khenifunde bona uDavida wenzani lokha yena nabakhambisani bakhe baphethwe yindlala begodu baswela na?

ULUKASI 10:26

UJesu wasiphendula wathi: “Kutlolweni emthethweni na? Uwufunda njani?”

ULUKASI 6:3

UJesu wabaphendula wathi: “Azange khenifunde bona uDavida wenzani lokha yena nabakhambisani bakhe nabalambileko na?