UMATEWU 19:21 - IsiNdebele 2012 Translation

²¹ UJesu waphendula wathi: “Nawufuna bona ulunge uphelele, khamba uyokuthengisa koke onakho, unikele abadududu, uzakuba nobugwili ezulwini. Yeke uze ungilandele!”

UMATEWU 19:21 Iomraidhean Croise

UGENESISI 17:1

Kuthe u-Abramu naneminyaka ematjhumi alithoba nethoba, uSomnini wabonakala kuye wathi: “NginguZimu oSabekako, nawukhamba nami uzakuba msulwa.

UGENESISI 6:9

Naku-ke umlando kaNowa: UNowa gade ayindoda elungileko, angasoleki ebantwini besikhathi aphila kiso begodu gade atjhidelene noZimu.

UJOBHO 1:1

Kwakukhona indoda enarheni ye-Utsi ebekuthiwa nguJobho. Indoda leyo gade imsulwa begodu iqotho. Ngokwesaba uZimu, beyibalekela ubumbi.

AMARHUBO 37:37

Qalisisa omsulwa, ubeke ilihlo koqotho: Kunelikusasa emuntwini onokuthula.

UMATEWU 16:24

Yeke uJesu wathi ebafundini bakhe: “Nanyana ngubani ofuna ukungilandela, akazidele, atjathe isiphambano sakhe angilandele.

UMATEWU 19:20

Isokana laphendula lathi: “Koke lokho ngikulondile. Ngikuphi okhunye ekufanele ngikwenze na?”

UMATEWU 19:22

Kuthe bona isokanelo lizwe lokho, lakhamba lidanile ngombana gade lisigwili samambala.

UMATEWU 19:28

UJesu wathi kibo: “Ngiqinisile ngiyanitjela bona ephasini elitjha lokha iNdodana yoMuntu nayihlezi esihlalweni sayo sobukhosi esiphazimulako, nina ebeningilandela, nani nizokuhlala eenhlalweni zobukhosi ezilitjhumi nambili, nigwebe iinkoro ezilitjhumi nambili zakwa-Israyeli.

UMATEWU 4:19

Yeke uJesu wathi kibo: “Yizani, ngilandelani! Ngizanenza ababambi babantu.”

UMATEWU 5:48

Yeke yibani ngabapheleleko njengombana noYihlo osezulwini aphelele!”

UMATEWU 8:22

Kodwana wamphendula wathi: “Yewungilandele, lisa abafileko babulungane.”

UMATEWU 9:9

UJesu wathi nasuka lapho; wabona umuntu ekuthiwa nguMatewu, ahlezi ngekumbeni yomthelo. Wathi kuye: “Ngilandela.” UMatewu wasikima wamlandela.

UMARKOSI 10:21

UJesu wayiqala, wayithanda wathi kiyo: “Yinye kwaphela into otlhayela ngayo: Khamba, uthengise koke onakho unikele abadududu, uzakuba nomnotho ezulwini. Ngemva kwalapho-ke ungilandele.”

UMARKOSI 2:14

Kwathi nasakhamba lapho wabona uLevi umsa ka-Alfiyosi ahlezi ngendlini yomthelo, wathi kuye: “Ngilandela.” ULevi wasikima wamlandela.

UMARKOSI 8:34

Wabizela kuye isiqubuthu kanye nabafundi bakhe, wathi kibo: “Nanyana ngubani ofuna ukungilandela, akazidele, atjathe isiphambano sakhe angilandele.

ULUKASI 12:33

Thengisani ipahlenu bese nabela abadududu, ngokwenza njalo nizabe nizibonelela ngeenkhwanyana zemali ezingekhe zoma, okumnono wezulwini ongekhe waphela. Iye, lapha kungekhe kwangena khona isela nomvunya.

ULUKASI 14:33

Ngokunjalo-ke, nanyana ngubani wenu ongatjhiyi koke anakho angeze aba mfundi wami.”

ULUKASI 16:9

Yeke ngiyanitjela bona nisebenzise umnono wephaseli ukuzizuzela abangani ukuze kuthi nabuphelako, namukeleke ekuphileni okungapheliko.

ULUKASI 18:22

Kwathi bona uJesu ezwe lokho, wathi: “Kusasele into eyodwa ekufanele uyenze. Thengisa koke onakho, wabele abatlhagileko, nje-ke uzakuba namagugu ezulwini. Ngemva kwalapho-ke ungilandele.”

ULUKASI 5:27

Ngemva kwalokho uJesu waphumela ngaphandle, wabona umthelisi, ibizo lakhe linguLevi ahlezi ngendlwanenakhe yokuthelisela. UJesu wathi kuye: “Ngilandela.”

ULUKASI 6:40

Umfundi akasingaphezu komfundisakhe, kodwana woke obandulwe ngokuzeleko uzakuba njengomfundisakhe.

ULUKASI 9:23

Yeke wathi kibo boke: “Nakube kukhona ofuna ukungilandela, akazidele, atjathe isiphambano sakhe malanga woke angilandele.

UJWANISI 10:27

Izimvu zami zizwa ilizwi lami. Ngiyazazi, nazo ziyangilandela.

UJWANISI 12:26

Nanyana ngubani oyincekwami kufuze angilandele; nalapho ngikhona nencekwami izakubakhona. UBaba uzamdumisa umuntu oyincekwami.”

IZENZO ZABAPOSTOLI 2:45

Athengisa ipahlawo neengugudlhelo zawo, abelana omunye nomunye njengokwesidingo sakhe.

AMAHEBHERU 10:34

Nazwelana nalabo ababotjhiweko; nakhonapho navuma ukumukwa ipahla yenu ngokwazi bona nina ninepahla engcono ehlala unomphelo.