UMATEWU 17:18 - IsiNdebele 2012 Translation

¹⁸ UJesu wakhalimela idimoni, laphuma emsaneni, yeke waphola khonokho.

UMATEWU 17:18 Iomraidhean Croise

UMATEWU 12:22

Yeke kwalethwa kuJesu umuntu onedimoni, asiphofu begodu asimumu. UJesu wampholisa, wakghona ukubona nokukhuluma.

UMATEWU 15:28

Yeke uJesu wamphendula wathi: “Awu, mma, ukukholwa kwakho kukhulu! Akube njengokwesibawo sakho.” Khonokho indodakazakhe yaphola.

UMATEWU 17:17

UJesu waphendula wathi: “Maye, nina sizukulwana esingakholwako nesonakeleko! Ngizokuhlala nani bekube kunini na? Kuzabe kube nini ngininyamezelela na? Letha indodana leyo kimapha!”

UMATEWU 17:19

Abafundi bakaJesu baya kuye ngasese, bambuza bathi: “Sibangelwe yini kobana singakghoni ukuqotjha idimoneli na?”

UMATEWU 9:22

UJesu waphenduka, wambona, wathi: “Yiba nesibindi, ndodakazi! Ukukholwa kwakho kukupholisile.” Nje-ke umfazi loyo waphola khonokho.

UMARKOSI 1:34

Wapholisa abanengi ebegade bagula baphethwe malwelwe ahlukahlukeneko, bewaqotjha namadimoni amanengi. Azange avumele amadimoni kobana akhulume ngombana bekamazi.

UMARKOSI 5:8

Watjho lokhu ngombana uJesu bekathe kuye: “Phuma emuntwini lo wena mmoya omumbi!”

ULUKASI 4:41

Amadimoni aphuma ebantwini abanengi, arhuwelela asithi: “Wena uyiNdodana kaZimu!” Kodwana wawakhalimela, wangawavumela bona akhulume ngombana gade amazi bona unguKrestu.

ULUKASI 8:29

UJesu begade ayale ummoya omumbi kobana uphume endodeni leyo. Esikhathini esinengi idimoneli beliyibamba, kuthi nanyana ibotjhwe ngeenketani izandla neenyawo begodu iqaphelwe, iqhusule iinketanezo, idimoni liyithumele erhalawumbeni.

ULUKASI 9:42

Kuthe umsana aseza kuJesu, idimoni lamdula phasi, waba nesithunthwana. Kodwana uJesu wakhalimela ummoya omumbi lowo, wapholisa umsana bewambuyisela kuyise.

IZENZO ZABAPOSTOLI 16:18

Lakwenza lokhu amalanga amanengi, kufikela lapho uPowula wabe wanyenya khona waphendukela kilo, wathi emmoyeni: “Ebizweni lakaJesu Krestu ngiyakuyala bona uphume kuye!” Khonokho ummoya wobungoma waphuma kuye.