UMATEWU 16:27 - IsiNdebele 2012 Translation

²⁷ Ngambala iNdodana yoMuntu izokuza ngephazimulo kaYise neengilozi zayo, yeke izakuvuza omunye nomunye umuntu ngokwemisebenzakhe.

UMATEWU 16:27 Iomraidhean Croise

UJOBHO 34:11

Unikela umuntu umvuzo ngokwezenzo zakhe, amehlisele okukhambisana nokuziphatha kwakhe.

AMARHUBO 62:12

UZimu ukhulume kanye, ngezwa kabili: Amandla angawakaZimu.

IZAGA 24:12

ngombana nawuthi, “Qala akhange sazi litho ngalokhu”, nje-ke ohlola iinhliziyo, nguye ozakwazi iqiniso; iye, owelusa ipilwakho, nguye olaziko, uzakubuyiselela umuntu ngalokho akwenzileko.

UMTJHUMAYELI 3:17

Ngadlumbana ngathi: “UZimu uzakugweba olungileko nokhohlakeleko ngombana kunesikhathi sayo yoke into nesawo woke umsebenzi.”

UJOROMIYA 17:10

“Mina Somnini ngihlolisisa ihliziyo ngizizinye iziso, kobana ngivuze umuntu ngokweendlela zakhe, iye, ukuya ngokwemisebenzakhe.”

UJOROMIYA 32:19

iye, umkhulu ekwelulekeni begodu unamandla ngokwezenzo. Amehlwakho abona zoke iindlela zabantu, uvuza omunye nomunye ngokuziphatha kwakhe nanjengokwemisebenzakhe.

UHEZEKIYELI 18:20

Umuntu owonako uzakufa. Indodana angeze yathwala icala lakayise namkha uyise athwale icala lendodana. Ukulunga kolungileko kuzakuba phezu kwakhe, nobukhohlakali besikhohlakali buzakuba phezu kwaso.

UHEZEKIYELI 7:27

Ikosi izakulila, ikosana yembathwe kukhungatheka, izandla zabantu elizweni zibe nedumbe ngevalo. Ngizabaphatha ngokuya ngeendlela zabo; ngibagwebe ukuya ngokwemikhubabo. Bazakwazi bonyana nginguSomnini.’ ”

UDANYELA 7:10

Kwehla amalangabi avela phambi kwakhe; bekaphahlwe ziinkulungwana ngeenkulungwana, iye, amatjhumitjhumi weenkulungwana bekajame phambi kwakhe. Abagwebi bahlala ebandla, kwavulwa iincwadi.

UZAKARIYA 14:5

(Umrhoba weKhidroni onabela e-Atshali uzakuqintwa. Uzakuqintwa njengamhla uqintwa kuhlengezela kwephasi emihleni yabo-Uziya ikosi yakwaJuda.) Yeke uSomnini uZimakho uzakufika, kabacwengileko bakho wena Jerusalema.

UMATEWU 13:41

INdodana yoMuntu izakuthumela iingilozi zayo ukuyokubuthelela embusweni wayo yoke into ebanga isono nabo boke abenza ubukhohlakali.

UMATEWU 13:49

Kuzokuba njalo-ke ekupheleni kwesikhathi. Iingilozi zizakufika zehlukanise abakhohlakeleko kabalungileko,

UMATEWU 24:30

“Ngesikhatheso isibonakaliso seNdodana yoMuntu sizakuvela emkayini, kuthi zoke izizwe zephasi zilile. Zizakubona iNdodana yoMuntu isiza ngamafu womkayi, ngamandla nangephazimulo ekulu.

UMATEWU 25:31

“Mhlana iNdodana yoMuntu iza ngephazimulwayo iphekelelwa ziingilozi zayo zoke, izakuhlala esihlalweni sayo sobukhosi ephazimulweni yezulwini.

UMATEWU 26:64

UJesu waphendula wathi: “Iye, kunjengombana utjhwile. Kodwana ngiyanitjela noke nje bona ngokuzako nizokubona iNdodana yoMuntu ihlezi ngesigomeni sakaSomandla begodu isiza ngamafu ivela ezulwini!”

UMATEWU 8:20

UJesu wamphendula wathi: “Iimpungutjha zinemigodi, iinyoni zineenhlakana, kodwana iNdodana yoMuntu ayinandawo yokubeka ihloko.”

UMARKOSI 14:62

UJesu waphendula wathi: “Iye nginguye; “begodu nizakubona iNdodana yoMuntu ihlezi ngesigomeni sakaSomandla, isiza ngamafu wezulwini.”

UMARKOSI 8:38

Nakube umuntu uneenhloni ngami nangamezwami kilesi sizukulwana esihlobongako nesinezonokazesi, iNdodana yoMuntu nayo izakuba neenhloni ngaye nayifikako ephazimulweni kaYise kanye neengilozini ezicwengileko.”

ULUKASI 21:27

Ngesikhatheso bazakubona iNdodana yoMuntu isiza elifwini ngamandla nangephazimulo ekulu.

ULUKASI 22:69

Kodwana kusukela gadesi, iNdodana yoMuntu izakuhlaliswa ngesidleni sakaZimu uMninimandlawoke.”

ULUKASI 9:26

Nanyana ngubani oba neenhloni ngami nangamezwami, neNdodana yoMuntu izakuba neenhloni ngaye lokha nayifika ephazimulwenayo, nephazimulweni kaBaba kanye neengilozini ezicwengileko.

UJWANISI 21:22

UJesu wamphendula wathi: “Nangifuna bona aphile kufikela mhlana ngibuyako, kukutshwenya ngani lokho na? Wena ngilandela!”

UJWANISI 21:23

Yeke iindaba zarhatjheka hlangana nabalandeli bakaJesu bona umfundi lo angekhe afa. Kodwana uJesu akhange atjho bona akazukufa, kwaphela wathi: “Nangifuna bona aphile kufikela mhlana ngibuyako, kukutshwenya ngani lokho?”

IZENZO ZABAPOSTOLI 1:11

athi: “Madoda weGalile, nijameleni lapho niqale ezulwini na? Yena uJesu lo osuswe kini owenyuselwe ezulwini, uzakubuya ngawo wona umukghwa lo enimbone enyuka ngawo.”

KWEBEROMA 14:12

Nje-ke omunye nomunye wethu uzoziphendulela kuZimu.

KWEBEROMA 2:6

Uzakuvuza omunye nomunye ngokwemisebenzakhe:

1 KWEBEKORINTE 15:23

Kodwana omunye nomunye ngedlhego lakhe: Kuzokuthoma uKrestu ntangi bese kuthi nabuyako, kuvuke labo abangebakhe.

1 KWEBEKORINTE 3:13

umsebenzakhe uzokubonakaliswa ngalokho ongikho ngombana ilanga elikhethekileko lizowudalula. Uzokwambulwa ngomlilo begodu umlilo uzokuzizinya ubunjalo bomsebenzi womuntu.

1 KWEBEKORINTE 8:8

Nokho ukudla akusitjhidezi eduze kwakaZimu; asibi bambi nasingagomiko, godu asibi ngabangcono nasigomako.

2 KWEBEKORINTE 5:10

Ngitjho ngombana soke sifanelwe kuvela phambi kwesihlalo sokugweba sakaKrestu ukuze ngiloyo naloyo amukeliswe umvuzo walokho akwenzileko nasesengemzimbenapha, kungaba ngokuhle namkha okumbi.

KWEBE-EFESU 6:8

njengombana nisazi bonyana iKosi izokuvuza omunye nomunye ngakho koke okuhle akwenzako, nanyana alikhoboka namkha atjhaphulukile.

KWEBEKOLOSE 3:25

Ngambala loyo owenza okungakalungi, uzakwamukeliswa nanyana yini engakalungi ayenzileko begodu akukho ukukhetha ubuso.

1 KWEBETHESALONIKA 1:10

Noke nihlala nilindele ukubuya kweNdodana yakhe ezulwini, ayivusa kabafileko, iNdodana leyo nguJesu osisindisa elakeni elizako.

1 KWEBETHESALONIKA 4:16

IKosi ngokwayo izokwehla ivela ezulwini ngelizwi elikhulu, ngephimbo lengilozi ekulu nangokuzwakala kweporompita kaZimu, abahlongakalele kuKrestu bazokuvuka qangi.

UJAKOPO 5:7

Ngalokho nyamezelani, bazalwana, bekufike ilanga lokubuya kweKosi uJesu. Qalani, umlimi ulindela isithelo sephasi esiligugu, asinyamezelele bekube lizulu lokuthoma nelokugcina.

1 UPITROSI 1:17

Nangabe nimbiza bona nguBaba, loyo ogweba boke abantu ukuya ngokwemisebenzi yabo ngaphandle kokubandlulula, khona-ke philani ngokwesaba esikhathini sokuba ziinkhonzi kwenu.

1 UJWANISI 2:28

Nje-ke bantwana, hlalani kuye ukuze kuthi nakabonakaliswako sibe nesibindi, iye, singadaniswa phambi kwakhe ekufikeni kwakhe.

UJUDA 1:14

U-Inogo, osizukulwana sekhomba kusukela ku-Adamu, waphorofida ngabo wathi: “Qalani, uSomnini uza nebakhe abacwengileko abamatjhumitjhumi weenkulungwana,

ISAMBULO 1:7

Qalani nango asiza ngamafu, amehlo woke azambona, ngitjho nalabo abamgwazako; izizwe zoke zephasi zizokulila ngaye. Iye, kuzokuba njalo! Amen.

ISAMBULO 2:23

Ngizobabhubhisa abantwana bakhe; amabandla woke azakwazi bona nginguloyo ohlola iziso neenhliziyo begodu ngizokuvuza omunye nomunye wenu ngokwemisebenzakhe.

ISAMBULO 20:12

Ngabona abafileko, abakhulu nabancani, bajame phambi kwesihlalo sobukhosi neencwadi zavulwa. Godu kwavulwa nenye incwadi ekuyincwadi yokuphila. Abafileko bagwetjwa ukuya ngemisebenzi abayenzileko, kwaya njengombana kutloliwe eencwadini.