UMATEWU 15:31 - IsiNdebele 2012 Translation

³¹ Abantu barareka nababona iimumu zikhuluma, iinrhole ziphiliswa, iinrhurhubi zikhamba, iimphofu zibona; badumisa uZimu ka-Israyeli.

UMATEWU 15:31 Iomraidhean Croise

UGENESISI 32:28

Umuntu wathi: “Ibizo lakho akusazokuba nguJakopo, kodwana uzakuba ngu-Israyeli ngombana uwunawunene nabozinyana nabantu bewahlula.”

UGENESISI 33:20

Wajamisa lapho i-aldari, walibiza bonyana yi-Eli-Elohe-Israyeli.

AMARHUBO 50:15

Ngibizani ngelanga lembandezeleko, mina ngizanitjhaphulula, nina nizangihlonipha.”

AMARHUBO 50:23

Loyo oletha ukuthokoza njengomnikelwakhe, uyangihlonipha; owenza ngendlela leyo, ngizomambulela isindiso kaZimu.”

U-EKSODUSI 24:10

bafika babona lapha kujame khona uZimu wakwa-Israyeli: Ngaphasi kweenyawo zakhe gade kunokungathi yindlela egangadwe ngelitje lesafaya, isuleke inga mkayi ngokwawo.

UMATEWU 15:30

Iinqubuthu ezinengi zeza kuye, zaletha kuye iinrhurhubi, iimphofu, iinrhole, iimumu nabanye abanengi abagulako, zababeka eenyaweni zakhe; wabapholisa boke.

UMATEWU 18:8

“Nangabe isandla sakho namkha inyawo lakho liyakukhuba, liqunte ulilahle. Kungcono ukungena ekuphileni uyingunwana namkha usirhurhubi kunobana ube nezandla zombili namkha iinyawo zombili kodwana uphoselwe emlilweni wesiphelani.

UMATEWU 21:14

Iimphofu neenrhole zeza kuye ngethempelini, wazipholisa.

UMATEWU 8:10

Lokha uJesu nezwa lokhu, warareka bewathi ebantwini ebebamlandela: “Ngiqinisile ngiyanitjela bona azange khengifumane noyedwa kwa-Israyeli onokukholwa okungaka.

UMATEWU 9:32

Kwathi lokha nabaphumako, kwalethwa kuJesu umuntu ogade anedimoni begodu asimumu.

UMATEWU 9:33

Ngemva kobana idimoni liqotjhiwe, umuntu obegade asimumu wakhuluma. Isiqubuthu sarareka sabe sathi: “Into enje azange kheyibonwe kwa-Israyeli!”

UMATEWU 9:8

Kwathi bonyana abantu bakubone lokho, besaba, badumisa uZimu ophe abantu amandla angaka.

UMARKOSI 2:12

Wasikima wadobha umkghadi wakhe, waphuma wakhamba abantu boke bamqalile. Lokhu kwamangaza woke umuntu, nje-ke badumisa uZimu bathi: “Into enje azange khesiyibone!”

UMARKOSI 7:37

Abantu barareka khulu, bathi: “Koke ukwenze kuhle. Wenza ngitjho nabangezwako bona bezwe, nabangakhulumiko bakhulume.”

UMARKOSI 9:43

Nakube isandla sakho sikwenza wenze isono, siquntule. Kungcono ukungena epilweni engapheliko unganasandla, kunobanyana uye esirhogweni nezandla zombili, emlilweni ongacimiko.

ULUKASI 14:13

Kodwana nawenza umnyanya, mema abadududu, abarholopheleko, abangakwazi ukukhamba neemphofu,

ULUKASI 14:21

“Ikhoboka labuyela ekosinalo layokubika. Umninikhaya wathukuthela khulu, wayala ikhoboka lakhe wathi, ‘Phuma msinyana ungene eendledlaneni nemikghotheni yedorobho ubize abadududu, abarholopheleko, iimphofu neengoga.’

ULUKASI 18:43

Khonokho sabona, besalandela uJesu sithokoza uZimu. Kwathi lokha boke abantu nababona lokho, nabo badumisa uZimu.

ULUKASI 7:16

Boke bafikelwa kukwesaba bebadumisa uZimu, bathi: “Umphorofidi omkhulu ufikile hlangana nathi!” Godu bathi: “UZimu uze ukuzokusiza abantu bakhe!”

UJWANISI 9:24

Kwesibili godu bambiza umuntu owabelethwa asiphofu, bathi kuye: “Funga phambi koZimu bona uzakhuluma iqiniso! Siyazi thina bona umuntu lo sisoni.”