UMATEWU 13:38 - IsiNdebele 2012 Translation

³⁸ Isimu liphasi, imbewu ehle madodana wombuso. Ikhula madodana wokhohlakeleko

UMATEWU 13:38 Iomraidhean Croise

UGENESISI 3:15

Ngizakubeka ubutha phakathi kwakho nomfazi, naphakathi kweenzukulwana zakho neenzukulwana zakhe; zona zizakutshidlha ihlokwakho wena ulume isithende sazo.”

AMARHUBO 22:30

iye, yena yedwa. Boke abamajadu bazamkhothamela; phambi kwakhe boke abafako bazakuguqa. Onganapilo uzakuvuseleleka!

U-ISAYA 53:10

“Bekuyintando kaSomnini kobana iqhobozwe: Wayibangela ukugula; mbala, wenza ipilwayo umhlabelo wehlawulo. Izakubona umphumela wembewu; izakuphila isikhathi eside nentando kaSomnini izakuphumelela ngesandla sayo.”

UHOSIYA 2:23

Ngizazitjalela yena enarheni. Ngirhawukele uLo-Rurhama, ngithi kuLo-Ami ‘Bantu bami’, bese bona bathi ‘Zimethu’.”

UMATEWU 13:19

Nanyana ngubani ozwa umlayezo ngombuso kodwana angawulemuki, unjengembewu ewele eqadi kwendlela, omumbi wafika wahluthula lokho okutjalwe kuye.

UMATEWU 24:14

Nje-ke ivangeli lombusweli lizakutjhunyayelwa ephasini loke, kube bufakazi kizo zoke izizwe ngaphambi kobana kufike isiphetho.”

UMATEWU 5:37

Kwaphela yithi, ‘Iye, iye’ namkha, ‘Awa, awa’. Okudlula lokhu kuvela komumbi.”

UMATEWU 8:12

Kodwana labo abangebombuso bazakulahlelwa ngaphandle ebumnyameni, lapha kuzakuba khona ukulila nokugedla kwamazinyo.”

ULUKASI 24:47

Nje-ke kuzokutjhunyayelwa ukuphenduka nokuthethelelwa kwezono ebizweni lakhe kizo zoke izizwe, ukuthoma eJerusalema.

UJWANISI 12:24

Kwamambala ngiqinisile ngithi kini: Lokha ithoro yekoroyi iwela equlwanini ingafi, ihlala injalo. Kodwana nangabe iyafa, ihloma iinthelo ezinengi.

UJWANISI 8:44

Nibantwana bakayihlo uSathana, nithanda ukwenza iinkanuko zakayihlo. Kusukela ekuthomeni bekambulali, azange akhabe neqiniso ngombana akukho iqiniso kuye. Nakaleya amanga, ukhuluma lokho okuyimvelo yakhe ngombana ungusomalakazi noyise wamanga.

IZENZO ZABAPOSTOLI 13:10

“Wena ndodana kaSathana! Usisitha sayo yoke into elungileko. Uzele yoke imihlobo yamano amambi, ulinga njalo ukuphendula iqiniso leKosi ulenze amanga!

KWEBEROMA 10:18

Kodwana ngiyabuza-ke: Abakezwa na? Mbala bezwile ngombana, “Amaphimbo wabo azwakele ephasini loke; namezwabo emaphethelweni womhlaba.”

KWEBEROMA 16:26

kodwana kwanjesi esele yembuliwe bekwathi ngemitlolo yabaphorofidi, yaziswa kizo zoke izizwe ukuya ngomyalo kaZimu wanini nanini, ukuletha ukuzithoba kokukholwa,

KWEBEROMA 8:17

Nje-ke nakube sibantwana, kutjho bona siziindlalifa, iye, iindlalifa zakaZimu begodu siziindlalifa kanye noKrestu nakube ngambala sihlanganyela eenhluphekweni zakhe ukuze sihlanganyele naye ephazimulwenakhe.

KWEBEKOLOSE 1:6

iye, lona lelo esele lifikile kini. Njengombana lithela iinthelo begodu landa nephasi loke, ngokunjalo lithela iinthelo naphakathi kwenu soloko kwamhla nalizwako nabe nazi nomusa kaZimu ngeqiniso.

UJAKOPO 1:18

Ngentando yakhe wasibeletha kabutjha ngelizwi leqiniso khona sizakuba mazibulo wazo zoke iimbunjwa zakhe.

UJAKOPO 2:5

Lalelani bazalwana abathandekako: UZimu akakakhethi abachakileko bephaseli kobana banothe ngokukholwa, babe ziindlalifa zombuso awuthembisa labo abamthandako na?

1 UPITROSI 1:23

Senibelethwe kabutjha, ingasi ngembewu ebhubhako kodwana ngengabhubhiko, iye, ngelizwi lakaZimu eliphila ngokungapheliko

1 UJWANISI 3:2

Bathandekako, kwanjesi sibantwana bakaZimu, nokho akukakhanyi kuhle esizakuba ngikho. Kodwana esikwaziko ngilokhu: lokha nakabonakaliswako sizakufana naye ngombana sizombona njengombana anjalo.

ISAMBULO 14:6

Nje-ke ngabona enye ingilozi iphapha phezulu esibangeni, iphethe ivangeli lesiphelani kobana ilitjhumayele kilabo abaphila ephasini. Iye, ezizweni zoke, eenkorweni, eenlimini nemindenini.