UMATEWU 13:14 - IsiNdebele 2012 Translation

¹⁴ Ngabo, isiphorofido saka-Isaya siyaphetheka sokuthi, ‘Nizakusoloko nisizwa kodwana ningazwisisi. Nizakusoloko nibona kodwana ningalemuki.

UMATEWU 13:14 Iomraidhean Croise

UJOROMIYA 5:21

Lalelani lokhu nina bantu abaziindlhadlha nabanganagqondo, abantu abanamehlo, kodwana bangaboni, abaneendlebe, kodwana bangezwa.

UHEZEKIYELI 12:2

“Ndodana yomuntu, uhlala phakathi kwendlu ehlubukako okubabantu abanamehlo wokubona kodwana akaboni, baneendlebe zokuzwa kodwana azizwa, mbala bayindlu ehlubukako.

UMARKOSI 4:12

ukuze “bahlale babona kodwana bangabonisisi, bahlale basizwa kodwana bangezwisisi, nakungasinjalo, bangatjhuguluka, balitjalelwe.”

ULUKASI 8:10

Wabaphendula wathi: “Nina niphiwe ilwazi lokulemuka ifihlo yombuso kaZimu, kodwana kabanengi ngikhuluma ngemifanekiso ukuze kuthi, “ ‘nanyana babona, kodwana bangabonisisi, nanyana basizwa kodwana bangalemuki.’ ”

KWEBEROMA 10:16

Kodwana akusibo boke abalalele umlayezwethu ngombana u-Isaya wathi: “Somnini, ngubani okholwe umlayezwethu na?”

2 KWEBEKORINTE 3:14

Kodwana imikhumbulwabo yathundubazwa ngombana bekube kunamhlanjesi isiyayeso sisese njengombana besinjalo lokha nakufundwa isivumelwano esidala. Azange sisuswe ngombana sisuka kwaphela lokha umuntu nakuKrestu.

UDUTERONOMI 29:4

Kodwana kunamhlanje kwaphela lapha uSomnini aniphe umkhumbulo wokuzwisisa, amehlo wokubona neendlebe zokuzwa.