UMATEWU 13:11 - IsiNdebele 2012 Translation

¹¹ Waphendula wathi: “Ilwazi leemfihlakalo zombuso wezulu linikelwe nina, kodwana bona abakanikelwa.

UMATEWU 13:11 Iomraidhean Croise

AMARHUBO 25:14

USomnini wenza isikhozi nabamesabako, azise isivumelwano sakhe kibo.

U-ISAYA 29:10

Mbala, uSomnini urhutjhulele phezu kwenu ummoya wobuthongo, uvale amehlwenu, okutjho abaphorofidi, wembese iinhloko zenu, okutjho ababoni.

U-ISAYA 29:11

Isambulo sakho koke lokhu kini sifana namezwi womtlolo osongiweko. Nawunikelwa abakwazi ukufunda, bayalwe kuthiwe, “Fundani lokhu!”, bathi, “Asikwazi ngombana usongiwe.”

U-ISAYA 35:8

Kuzakuba nendlela evulekileko, izakubizwa bona yindlela ecwengileko, abasilapheleko angeze bakhambe lapho, kodwana izakuba ngeyabantu bakaZimu, isikhambi angeze sadurha kiyo, ngitjho nabanganalemuko.

UMATEWU 13:10

Abafundi beza kuJesu, bambuza bathi: “Kubayini ukhuluma nabantu ngemifanekiso na?”

UMATEWU 16:17

UJesu wamphendula wathi: “Ubusisiwe wena Simoni msa kaJona ngombana lokhu akukembulwa mumuntu kuwe kodwana kwembulwe nguBaba osezulwini.

UMATEWU 19:11

UJesu waphendula wathi: “Akusingubani nobani ongamukela amezwi la, kodwana kwaphela labo anikelwe bona.

UMATEWU 20:23

UJesu wathi kibo: “Kwamambala nizakusela ikapho engiyiselako, kodwana nayikuhlala ngesigomeni namkha ngesinceleni sami, awa akusingokwami ukutjho lokho. Iindawezi ngezalabo uBaba azilungisele bona.”

UMARKOSI 10:40

kodwana nakukuhlala ngesigomeni nangesinceleni sami akusingekwami. Iinkhundlezo zingezalabo ezilungiselwe bona.”

UMARKOSI 4:11

Wathi kibo: “Nina ninikelwe ifihlo yombuso kaZimu, kodwana kilabo abangaphandle, yoke into kibo itjhiwo ngemifanekiso

ULUKASI 8:10

Wabaphendula wathi: “Nina niphiwe ilwazi lokulemuka ifihlo yombuso kaZimu, kodwana kabanengi ngikhuluma ngemifanekiso ukuze kuthi, “ ‘nanyana babona, kodwana bangabonisisi, nanyana basizwa kodwana bangalemuki.’ ”

UJWANISI 6:65

Godu wathi: “Kungebangelo nginitjele bonyana akakho ongeza kimi ngaphandle kobana enziwe nguBaba.”

UJWANISI 7:17

Nanyana ngubani ozimisela ukwenza intando kaZimu, uzakwazi bona lokho engikufundisako kuvela kuZimu namkha ngizikhulumela kwami.

IZENZO ZABAPOSTOLI 16:14

Omunye wabagade balalele bekungumma obizwa bona nguLidiya, amthengisi wezambatho ezibubende edorobheni leThiyathira. Gade alotjha uZimu; nje uZimu wavula ihliziywakhe bona ilalelisise lokho uPowula akutjhoko.

KWEBEROMA 11:25

Angithandi bazalwana bona ningabi nelwazi ngefihlakalo le ukuze ningakhohliseki: ukukhunyalala kwehlele ingcenye ka-Israyeli kufikela lapha isibalo esipheleleko sabatjhili singena khona soke.

KWEBEROMA 16:25

Kuye onamandla wokuniqinisa ngevangeli lami kanye nokutjhunyayelwa kwakaJesu Krestu, ngokwesambulo sefihlakalo ebeyiseze ifihlakele kusukela ekadeni,

1 KWEBEKORINTE 13:2

Nanginesiphiwo sokuphorofida, ngikghona ukuzwisisa zoke iimfihlakalo begodu nginelwazi; nginokukholwa okutjhidisa iintaba, kodwana nginganathando, angisililitho.

1 KWEBEKORINTE 15:51

Lalelani nginitjele nasi ifihlakalo: Asizukulala soke, kodwana soke sizokutjhugululwa

1 KWEBEKORINTE 2:14

Umuntu onganaMoya akamukeli izinto ezivela kuMoya kaZimu ngombana zibudlhadlha kuye. Angeze azizwisise ngombana zizwisiswa ngokukaMoya.

1 KWEBEKORINTE 2:7

Awa, sikhuluma ukuhlakanipha okufihlakeleko kwakaZimu. Iye, ukuhlakanipha ebekufihliwe nalokho uZimu akubekele iphazimulwethu ngaphambi kokuthoma kwesikhathi.

1 KWEBEKORINTE 4:1

Kufanele kwazeke bona thina siziinceku zakaKrestu eziphathiswe iimfihlakalo zakaZimu.

1 KWEBEKORINTE 4:7

Kanti ngubani onenza nehluke phakathi kwabanye na? Yini eninakho eningazange nikwamukeliswe na? Khona-ke nakube nikwamukele, kubayini nizigqaje kube ngathi anikamukeliswa na?

KWEBE-EFESU 1:18

Godu ngithandazela bona inga amehlo weenhliziyo zenu angavuleka ukuze nazi ithemba anibizela kilo, umnono welifa lakhe eliphazimulako kabacwengileko

KWEBE-EFESU 1:9

Wasazisa ngokuhlakanipha koke nangokulemuka iimangaliso zentando yakhe, ukuya ngokomnqopho wakhe awuveza ngoKrestu

KWEBE-EFESU 5:32

Yifihlakalo ekulu le, kodwana ngikhuluma ngoKrestu nebandla.

KWEBE-EFESU 6:19

Nami ningithandazele ukuze kuthi njalo nangivula umlomo, ngiphiwe amezwi wokobana ngitjhumayele ifihlakalo yevangeli ngesibindi,

KWEBEKOLOSE 2:2

Lokhu ngikwenzela bona iinhliziyo zabo zikhuthazeke, bahlanganiswe ethandweni ukuze babe nawo woke umnono wokuzwisisa okuqinisiweko godu babe nelwazi lefihlakalo kaZimu, okutjho uKrestu

1 UTHIMOTHI 3:16

Ngaphandle kokuzaza, yikulu ifihlo yokukholwa kwethu ethi: Owazibonakalisa enyameni, walungisiswa ngoMoya, wabonwa ziingilozi, wamenyezelwa hlangana nabatjhili, ephasini abantu bakholwa kuye, wenyuselwa ephazimulweni.

1 UTHIMOTHI 3:9

kufuze akakarele efihlakalweni yokukholwa ngesazelo esimsulwa.

UJAKOPO 1:5

Nangabe kukhona hlangana nani onganabo ubuhlakani, akabawe uZimu opha boke ngaphandle kokusola, uzakuphiwa.

1 UJWANISI 2:20

Kodwana nina nazeswa ngiloyo oCwengileko, yeke ninelwazi loke.

1 UJWANISI 2:27

Nakungini, izeso enalamukela kuye lihlala kini, ngalokho anidingi kobana nanyana ngubani anifundise. Kodwana njengombana izeso lakhe linifundisa ngezinto zoke, kuliqiniso akusiwo amanga, yeke njengombana linifundisile, hlalani kuye.